李佳芯

無綫棒打美女與野獸 李佳芯 為愛抗命

最新娛聞

廣告

李佳芯 (Ali)近日在新劇《踩過界》飾演性格開放愛蒲的法官,與張振朗及王浩信有勁多情慾戲。肯搏肯捱唔錫身, 李佳芯 上位在望,唯一阻力應該是相戀兩年的ViuTV主持男友陳炳銓(Danny)。自去年被踢爆拍拖, 李佳芯 為保飯碗一直以退為進,堅稱二人只是了解中的好友關係。這對美女與野獸的組合雖然受到無綫棒打,但 李佳芯 依然愛得義無反顧,與男友感情愈趨穩定,最近二人養了一隻黑狗仔「豆豉」,日前更一家三口在西貢市溫馨出巡。排除萬難都要拖實野獸男友, 李佳芯 真愛萬歲!

李佳芯 擇偶不求靚仔

李佳芯 擁有天使面孔,陳炳銓卻其貌不揚,這個組合絕對是現代版「美女與野獸」,雖然反差非常大,但 李佳芯 對這位才華洋溢的男友非常欣賞。對於在新劇中與高大威猛的王浩信拍床上戲, 李佳芯 曾表示擇偶不求靚仔:「男友唔需要有朱古力肌,唔需要有胸肌,亦唔需要靚仔,我覺得靚仔冇本心。」

延伸閱讀:

進軍飲食界 唐詩詠 王浩信 一拍即合開cafe

藐同性做咪霸 劉佩玥 麥明詩直播開火

 

戀ViuTV主持陳炳銓 李佳芯 宣稱單身

去年本刊影到 李佳芯 與陳炳銓租住西貢村屋同居,戀事被踢爆後, Ali唔敢認男友更對外宣稱仍單身,原來全因當時受到無綫高層施壓,接受訪問亦承認無綫要佢解釋:「公司有問我係咪拍拖,我都有解釋,我明白自己嘅事業剛起步,公司真係畀咗好多機會我,如果我唔珍惜會後悔,我遲入行,知道更加要把握,被影到後我好驚,內心好掙扎,成日覺得只可以喺愛情同事業中二擇其一。」為免戀情成為事業的絆腳石,Ali承諾將戀情進一步密封,更一度搬回柴灣公屋娘家避嫌扮分手。

上位開始企硬慳住食茶記

李佳芯 唔係拜金港女,男友陳炳銓被指奀星配唔起佢,但佢卻不離不棄,繼續講心唔講金。「女神」被私有化,更有不少宅男叫陳炳銓「放手」,上星期兩人拍拖遊西貢,力證情比金堅打風都打唔甩。當日 李佳芯 與陳炳銓拖住黑狗仔「豆豉」行街,全程只拖狗冇拖手,期間豆豉唔肯行, 又愈來愈多人眼望望, Ali索性叫男友抱起隻狗行。其後二人更在茶餐廳買外賣返清水灣半島愛巢慢慢享用。

 

 

囝囝豆豉

李佳芯 與陳炳銓共同撫養黑狗仔「豆豉」唔夠一個月,本來與父母同住養貓的Ali ,因為男友是愛狗之人,佢亦愛屋及烏,當「豆豉」仔咁看待。

 

李佳芯 感言:要愛得勇敢

陳炳銓被封野獸男友,更有不少 李佳芯 忠粉在網上惡意抨擊陳炳銓的樣貌,不過亦有粉絲維護這段戀情,只要 李佳芯 喜歡佢哋亦會接受。而曾被公司施壓的 李佳芯 日前在社交網上載高舉V字手勢的相,寫上「Love Bravely」,係咪要高呼愛得勇敢,不畏強權?

 

 

 

開班教戲 積極拉近距離

女友事業穩步上揚,陳炳銓唔想被拋離,近年都積極發圍,希望與 李佳芯 拉近距離。早前佢成功向ViuTV自薦開拍黑色幽默怪誕劇《賤民20》和警匪劇《Plan B》,自己上陣做主角外,更擔任節目統籌。此外,佢更在曾志偉創辦的兒童教育中心擔任戲劇課程總監,又開演技班教戲,日前見佢與女友到將軍澳厚德商場醫肚後,隨即返教育中心上堂。陳炳銓全靠上進有才,鎖住Ali BB的心,不過要TVB同ViuTV一家親就難啲囉!

 

 

低調睇話劇

日前 李佳芯 與陳炳銓拍拖去睇世界巡迴的舞台劇「Slava’s Snow Show」,完場後二人分別與俄羅斯丑角大師Slave分照。

 

又演邪花 投懷送抱

李佳芯 外表清純卻擅長演邪花角色,依家拍緊的《跨世代》又演打扮性感的十三點,她堅稱自己拍劇可以好open,不過現實生活中對男友就好cool好被動。本刊記者見 李佳芯 與陳豪、森美拍外景,畀森美攬完又要姣電陳豪,佳芯收放自如,呢啲角色真係難佢唔到。

親民女一

上位後的 李佳芯 依然冇架子,除了與台前幕後相處融洽外,見到本刊記者在場,她一樣好nice打招呼。

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!