黎諾懿 國寶上身

已經播咗四年嘅《愛•回家》即將大結局，黎諾懿拍完《愛》煞科戲都未有得抖，因為嚟緊要宣傳佢同吳啟華、蔡思貝主演嘅新劇《純熟意外》，不過做藝人有工開好過坐冷板！日前佢忙裏偷閒約咗個男友人去中環太子大廈一間髮型屋整頭，逗留咗大約兩個鐘至走，行出嚟時黎諾懿掛住大大對熊貓眼，十足未瞓醒，問佢跟住去邊？黎生笑住話：「約咗朋友去酒店傾嘢！」跟住就急急腳孖友人行去文華東方酒店。