文凱玲

《賭城群英會》 文凱玲 性感邪花vs四眼宅女

最新娛聞

廣告

無綫劇《賭城群英會》正在熱播中,劇集除了有久違的謝賢、陳百祥、陳法蓉,首次拍劇的「鴨王」何浩文外,仲有另一位劇集新貴頗受注目,就係 文凱玲 (Connie)啦!港姐出身的Connie在劇中飾演陳法蓉徒弟,馬尾眼鏡look夠晒「Girlfriendable」,而佢以前又拍過《《喜愛夜蒲》、《鴨王2》等電影,演出性感火辣,大家鍾意佢咩造型多啲呢?

文凱玲 處女拍劇

王晶導炮製的《賭城群英會》頗有新鮮感,請得四哥、叻哥及陳法蓉出山,馬國明佘詩曼、黃浩然等一線演員坐陣,仲有劇集新貴何浩文及Connie!Connie今次飾演電腦宅女黃小南,與阿佘、高Ling為三師姐妹,大多時候都係紥馬尾戴眼鏡的乖乖女look示人,夠晒「Girlfriendable」!

小背心短褲勁吸睛

雖然Connie呢個角色並不賣弄性感,但不時都會着短褲短裙仔晒美腿,早前一集見到佢着住件低胸小背心同超短睡褲仔,即時將阿佘同高Ling比下去!

2010年港姐第八名

多年前做過空姐的Connie同劇中幾位前輩一樣都係港姐出身,2010年時以27歲之齡「掹車邊」參選,不過成績只得第八名,同屆冠亞季軍分別係陳庭欣、張秀文同莊思明。

落選後變晶女郎

落選後佢轉投電影圈,先後拍過錢國偉執導嘅《喜愛夜蒲2》同《喜愛夜蒲3》,以及多部王晶監製電影《唐伯虎衝上雲霄》、《賭城風雲II》同《鴨王2》等,力sell其33D上圍加42吋美腿。在《鴨王2》仲同何浩文有多場埋身肉搏戰!

邪花 vs 四眼宅女

上文提到Connie 10年時以27歲之齡選港姐… 無錯!其實佢今年已經34歲啦!唔少人睇劇時仲以為佢只係廿幾歲。以前經常走性感路線、帶點「邪花」味道的Connie今次收起噴血上圍,架上眼鏡做個斯文女,效果似乎相當理想!希望將來再有機會睇佢拍劇啦~

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!