全職沒女

《 全職沒女 》陳瀅浴缸濕身誘惑 王卓淇咀謝東閔

最新娛聞

廣告

無綫劇《 全職沒女 》早前由陳瀅上演一幕濕身色誘張振朗,睇到觀眾嘩嘩聲,而陳瀅BB喺昨晚一集再次出擊,今次移師酒店浴缸,着住女僕裝又單眼又咬唇,睇到小編不行了!同場加映王卓淇與謝東閔的純純一段情,好青澀啊!

上房清潔

昨晚一集講到酒店總經理莊雋穎 (張振朗飾) 深信繆思 (陳瀅飾) 之前係故意勾引自己,於是命繆思去自己間房進行清潔,並一直暗中監視繆思。但對方表現卻一直安份,直至繆思入洗手間時清潔後,突然傳出水聲及慘叫聲,雋穎即時衝入去!究竟係發生咩事呢?

浴缸濕身色誘

雋穎一行入去,就見到着住一身女僕裝的繆思浸喺浴缸中,所以隨即進入「FF」mode,幻想對方濕身色誘自己,畫面中繆思眼神極其嫵媚,單眼放電又咬唇,再近鏡睇埋美腿!陳瀅BB呢場戲真係不得了,即時睇到張振朗成個人都硬晒!

原來是 FF

沉醉喺自己「FF」世界的雋穎終於返回現實,其實繆思只係走入浴缸放水時唔小心跌倒,仲撞傷流晒血!雋穎見狀先知自己真係想得太多,打算上前為對方止血,不過繆思唔領情!真係尷尬到暈。

王卓淇 謝東閔 純純的愛

除了陳瀅BB濕身誘惑,昨晚一集仲有一個小亮點,就係長腿港姐王卓淇和謝東閔的一段情!劇情講到小背心示人的王卓淇初次擔任模特兒拍廣告,但被導演鬧到體無完膚,於是謝東閔就叫佢回想一啲溫暖的回憶。王卓淇之後想起一段又一段與謝東閔的甜蜜回憶,即時冧豬晒!

最後王卓淇成功代入羽絨廣告,做到一個令人滿意的笑容,唔知觀眾有冇啲窩心和溫暖的感覺呢?

謝東閔玩易服

拍完仲玩埋易服,王卓淇要求交換衫着,搞到謝東閔成個變態佬咁着住女裝小背心,順便大晒健碩肌肉。期間王卓淇發現對方腰間兩邊各有四條瘀痕,原來係因為自己坐對方電單車時用力抓緊腰部所致,即時好內疚!

和情人深深一吻

不過謝東閔當然唔介意,仲話希望王卓淇好似以前咁繼續捉緊佢條腰,女方聽後深受感動,落車後主動錫男方嘴嘴,咁就做咗男女朋友啦!好Sweet啊!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!