《 我瞞結婚了 》結局預告 Lucas婚禮上遠走高飛

第18集(31/3) 誓揭Lucas陰謀 Tony昏迷不醒

Lucas將要報仇嘅原因告訴明明，但明明認為佢應該先醫好病再諗報仇。其後Tony睇到Lucas送明明回家，醋意大發，並問明明係咪冇機會復合，但被對方當面拒絕。Tony死唔斷氣再問可唔可以同佢去旅行，重修舊好，但結果亦係一樣。Tony話Lucas有心報復，更用非法手段趕走施小姐，所以勸明明唔好信佢。另一邊廂，Lucas指自己時日無多，所以要紀威水更落力說服村民賣地。Kay原諒Tony，二人決定合力阻止Lucas收地嘅陰謀。但龍雲向Lucas表示金主對計劃好有興趣，但條件係要剷除Tony。所以Lucas安排鬼屋遊戲，要一大班同事參加，Tony就喺途中發生意外，昏迷不醒。

第19集 (1/4) Tony示愛 Lucas街邊暈低

施小姐突然出現喺會議室，佢第一時間反對公司買地，表示發展資金太大，公司負擔不起。同時Kay已經完成一份環境評估報告，指鯉灣村完全唔適合建豪宅。正當所有股東都被Lucas說服通過買地計劃，龍雲正準備過數之際，Kay突然出將環評報告交給主席，最終主席決定暫停計劃，但龍雲嘅錢已經匯到Lucas戶口…… 喺告別Party當中，Tony打算向明明示愛，但Lucas突然臉青唇白，堅持離開，明明追上去時見到佢暈倒在街頭。

第20集大結局 (2/4) 真相大白 Lucas遠走

Kay終於明白Lucas之前所做嘅一切，係為了替苦主取回公道後，感到非常高興。Lucas坦言以後唔能夠再幫Kay，要佢自己努力，想辦法繼續守護海洋。另外Lucas又將色盲眼鏡送俾Kay，希望佢以後可以睇到所冇顏色，令佢非常感動。明明同Tony為完成Lucas的心願，三人一齊去露營，Lucas表示更明言希望同明明結婚。但在婚禮上，Lucas突然唔見左，只係留下字條，並突然喺大會上進行直播，指自己仲有好多事未做，所以要自由自去做。明明知道後，決定放下一切去搵佢……

全文完