湯洛雯

「靚湯」 湯洛雯 《燦爛的外母》終擔正

最新娛聞

廣告

大台新劇《燦爛的外母》於過去嘅星期一出街,久未拍劇嘅家燕姐第一集就同黎諾懿上床「玩SM」,爆笑又重口味!不過劇集於網民(仲有小編)而言,就吸引其實係另一女主角 湯洛雯 !靚湯除咗真係好靚,演技亦愈見進步,大家都為佢有女主角做而替佢高興!佢亦直言出街多咗人識佢,唔會再叫佢「乜乜個姪女」!

圖片來源:TVB、湯洛雯IG、網絡圖片

湯洛雯 《燦爛的外母》擔正

湯洛雯 喺《燦爛的外母》飾演司徒嵐(嵐嵐),係家燕姐個女,亦係黎諾懿嘅青梅竹馬。第一集就講到佢哋重遇,二人之後會喺劇中發展感情線,最後黎諾懿仲會成功娶得美人歸!

唔少網民都話好羨慕「馬壯」,有靚湯做老婆,夫復何求?

 

靚湯幾乎咩造型都Carry到,清純、傻更更定豔麗都冇問題!觀眾咁支持靚湯,相信佢亦可以為新劇帶來唔少收視。

港姐出身 演藝世家

今年剛剛踏入「29+1」嘅靚湯係2012年選港姐出身,更加係當年嘅三甲大熱,唔只因為佢嘅甜美外貌,亦都因為佢有強勁後盾,爸爸係演員湯鎮宗,佢亦係無綫五虎將湯鎮業嘅姪女!雖然最後靚湯不敵同年嘅黃心穎同朱千雪等,六強止步。港姐競選後佢隨即加入TVB,正式展開演藝生涯。

思思 鄰家女孩入屋

湯洛雯 首次演出嘅劇集係處境劇《愛・回家》,當中佢飾演思思一角深受觀眾歡迎,清純鄰家女孩形象相信大家都仲記得,而佢亦因為此劇同對手羅天宇傳出緋聞,雖然二人並冇正式承認,並一直聲稱了解中,但就多次被傳媒拍到佢哋睇戲約會。靚湯曾經講過如果遇到合適嘅人,會隨時閃婚,仲俾黎諾懿大爆另一半唔係姓陳、姓張就係姓羅。唔知係咪講緊羅天宇?

學是學非 「是非精」

之後靚湯加入綜藝節目《學是學非》,成為第二代「是非精」,大家都知呢個節目捧紅唔少女藝人,好似李佳芯、黃心穎等等,各個是非精都儲落唔少fans!亦因為《學是學非》,開始有更多唔同年齡層嘅觀眾認識靚湯!

近年上位小花

其實靚湯近年十分勤力,獲得嘅演出機會不少,一直都有喺唔同劇集亮相,亦係近年無綫電視監製歐耀興嘅常用演員。其中包括《心理追兇Mind Hunter》、《與諜同謀》、《完美叛侶》等,雖然靚樣夠突出,但感覺上冇咩發揮,未有代表作令人留下太深刻印象。

 

仲有依家播緊嘅《同盟》,靚湯飾演鮑姐嘅姨甥女Kelly。

觀眾力撐 努力有成果

今次靚湯有機會出演女主角,除咗大家都話佢真係好靚外,自然有人提起佢湯鎮業嘅姪女,成功靠「叔」幹!但講真如果靚湯真係要靠關係,絕對唔需要默默耕耘到今時今日。靚湯高興表示出街終於多咗人認得,但都明白每個人嘅發展都有快有慢,佢滿意自己暫時喺演藝生涯嘅發展,仲話做唔做到女主角都冇所謂,佢覺得最重要係要做好自己。

 

除咗甜美靚樣,靚湯嘅姣好身材亦係網民焦點之一!171 cm夠晒高佻,同時擁有豐滿上圍,性感形象都一樣咁掂!迷死人嘅天使面孔,誘人魔鬼身材、修長美腿,大台唔係好多女藝人有咁好條件㗎!

 

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!