四女神齊集 朱千雪 化身「花仙子」
廣告
2o12年港姐季軍 朱千雪 ，人又靚又貼地而且讀書又叻，名副其實美貌與智慧並重，絕對係好多人心中的女神。千雪BB近日聯同蘇麗珊、顏卓靈與「女飛魚」歐鎧淳合作拍廣告，四人造型各有不同，健康性感，展示青春活力。雖然四位靚女各有優點，不過小編就認為千雪BB個「花仙子」真係冇得輸啊！
朱千雪 化身「花仙子」
呢個品牌以「foreverdermesgirl」為主題，邀請四位各有特色的年輕靚女拍攝全新網上宣傳廣告，其中千雪BB着上白色吊帶背心，躺在草地上擺出多個甫士，另外又攞住鮮花在花叢中起舞，活脫脫就係個「花仙子」！笑容燦爛甜美、肌膚勝雪、散發陣陣仙氣，千雪BB真係好吸引！但仙氣背後其實佢要忍受炎熱天氣，不斷噴蚊怕水、忍受痕癢先有咁靚的效果！
延伸閱讀：
孝順長女文凱玲 ：一半人工畀屋企
老竇做教育局高官 何浩文屈住荃灣工廈
歐鎧淳開窿性感
近來頻頻在娛樂圈亮相的「女飛魚」歐鎧淳(Stephanie)，則以橙色開窿泳衣上陣，盡晒運動員的健美身材，健康性感！Stephanie攞住７呎滑浪板在沙灘奔跑，看着日出衝浪，畫面相當豐富！
之後仲有顏卓靈與蘇麗珊兩位新生代女星，「舞林高手」顏卓靈首次挑戰鋼管舞，穿上背心與短褲，少有地展示女人味！而蘇麗珊就一貫地展現青春活力，佢在一部古董車上大擺甫士，幾有文青味道！
四位靚女揚帆出海，各展美態，唔知大家最鍾意邊個呢？
全文完
