孫慧雪

恭喜恭喜! 孫慧雪 誕8磅10囝囝

最新娛聞

廣告

35歲的 孫慧雪 去年12月與圈外男友Edwin Lo成婚,今年二月時宣布懷孕,預產期則為八月中。陀B期間阿雪不時喺社交網站po相晒巨肚,預告B仔好可能係巨嬰!不過未到八月中,阿雪今日就喺FB上載三張相,宣布誕下8磅10重的B仔Riley,恭喜恭喜!

孫慧雪 Edwin拉埋天窗

孫慧雪 去年12月23日與拍拖四年的圈外有米男友Edwin Lo拉埋天窗,於愉景灣酒店進行出門儀式,之後兩人如同童話般的王子與公主一樣,坐在馬車上以婚紗與西裝示人。阿雪喺姊妹團開路下步入禮堂,而新郎哥Edwin就企係主禮台到等阿雪慢慢行過去。二人在律師監禮下簽紙,正式結為夫婦!

延伸閱讀:

芒實陳展鵬 單文柔向胡定欣示威

幾年內閃電轉女 王宗堯專食廿歲女

 

 

今年二月宣布懷孕

直至今年二月,阿雪正式宣布懷孕,而預產期則為八月中。陀B期間阿雪不時喺社交網站分享其懷孕歷程,見到佢個肚一日比一日大,誇張到有成43吋腰,一度令人懷疑係咪佗雙胞胎!

 

 

 

 

懷孕時的女人最美

所謂懷孕時的女人最美,所以阿雪都拍攝了一輯以花為主題的孕照留念,相片由好友兼名設計師Lilian Kan(簡幗儀) 操刀!阿雪本身就好鍾意花,所以對呢輯寫真十分滿意。即使孕照要性感露肚,老公都冇詐型!

 

誕8磅10囝囝

剛剛阿雪就喺FB上載與B仔Riley的合照,見到身在產房的阿雪媽媽精神不俗,雙手緊抱着張大開口喊的囝囝,而另外兩張相就係B仔的獨照,面圓圓非常可愛!阿雪留言:

「和大家報個平安,親愛的小寶寶已經來到我們的生命裏了!是一位小男孩~重8磅10

在此要感謝為我們迎接這位小寶寶的醫生們和在產前不斷為我打氣的護士們,還有一直關心我們的家人和朋友們,愛你們喔

P.S.原來逗留在肚子裏差不多有十個月的小人兒,是長這個模樣,既陌生又熟悉,爸爸媽媽會一直愛著你!

圓圓的臉像個小饅頭 #mylittleriley」

 

 

B仔好大食

據知B仔早喺7月28日已經出世,不過初為人母的阿雪難免手忙腳亂,而且生完B惹上重感冒,所以去到今日先公布喜訊。而阿雪本來打算順產,不過由於B仔體形太大,所以最後聽從醫生建議改為開刀。另外佢又透露B仔同爸爸餅印一樣,身長頭大,而且仲好大食,要成日餵佢搞到冇覺好瞓!

 

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!