三哥

戲份被搶 三哥 眼紅「鷲哥」吳岱融

最新娛聞

廣告

小鮮肉睇得多都悶,家陣愈嗒愈有味嘅中佬至係王道!05年開始佔領不少無綫型佬角色的 三哥 苗僑偉今年終於棋逢敵手,在新劇《飛虎極戰》遇上「鷲哥」吳岱融!邊個話爭風呷醋係女人專利,當中佬遇上中佬,原來仲有樣嘢叫做一山不能藏二虎,拍攝現場一個乾蒸、一個煲煙,就算擦肩而過一樣當透明零溝通,戲裏戲外都索到陣火藥味!

圖片來源:新傳媒資料庫、苗僑偉微博

戲份被搶 三哥 眼紅吳岱融

16年由新加坡回流香港,同無綫簽咗六年部頭約,57歲吳岱融憑《巨輪II》大反派「鷲哥」鹹魚翻生,人氣直逼「宇宙最型」、59歲苗僑偉。今年五月,邵氏兄弟同內地網站優酷合資巨製《飛虎極戰》拉攏二人29年後再度同場, 三哥 繼續做正氣警司,而鷲哥就有得演亦正亦邪大反派,睇牌面、論戲份同發揮, 三哥 似乎被比下去。

延伸閱讀:

環遊世界 蜜月造人 黃翠如 蕭正楠8月結婚

蕭正楠黃翠如結婚 曹永廉自爆做伴郎

 

 

中佬同場 互不瞅睬

日前《飛虎極戰》劇組在將軍澳工業村拍攝一場車戰場面,同場就有分別飾演警司的苗僑偉、反派吳岱融及吳卓羲。明明在戲內與吳岱融至係父子,但現場所見,吳卓羲同鷲哥完全零交流,反而去到邊都陪住 三哥 。又唔怪得佢,05年至今,吳卓羲同 三哥 合拍五套劇,仲包攬《學警》三部曲男主角,在公在私都情同父子,「老竇」妒忌鷲哥又點會唔知?雖然兩個月前劇集記招時,鷲哥已經謙虛話明並非取代 三哥 型佬地位:「唔好咁講,冇話邊個取代邊個,大家唔同玩法!」

 

 

 

 

鷲哥戲份重 三哥無癮

但據知現實並非如此, 三哥 份人出名識做,不嬲喺片場同男女老幼都傾得兩嘴,所以今次拍《飛虎》同鷲哥冇交流真係好覺眼。其實以前幾套《學警》都係 三哥 作主,今次《飛虎》搵咗鷲哥返嚟唔止分薄晒啲戲份,聽講直情有高層話到明要寫多啲戲俾鷲哥。再講正派角色來來去去都係嗰啲,擺到明鷲哥個反派角色比 三哥 出好多,所以 三哥 真係拍到有啲無癮!

 

 

 

 

冤家路窄 29年後再交手

原籍新加坡、原名吳槐岸,鷲哥吳岱融雖然遲過 三哥 入無綫,不過就遲來先上岸,80年代末至90年代初,一度係當家小生,29年前無綫重頭金庸劇《絕代雙驕》,吳岱融飾演男主角花美男花無缺,三哥就做大配角、花無缺之父江楓。而當年只得三十歲嘅三哥 淪為劇中大配角,戲份只得幾集。鷲哥角色更比三哥重,但鷲哥因93年亮相亞視被雪藏再解約,所以才會29年後再有機會交手。

 

 

 

 

 

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!