Bob

拜年變開年 醉Bob辣㷫謝安琪

最新娛聞

廣告

農曆新年本來係個值得高興的節日,不過大肚婆謝安琪就被林盛斌 ( Bob ) 激到嬲嬲豬!話說剛過去的大年初四(1月31日),阿Bob、黃宗澤、蕭正楠及黃翠如等人,受邀去到謝安琪、張繼聰位於大埔比華利山的獨立屋拜年,有多次醉酒鬧事前科的阿Bob,之前曾承諾「以後會控制自己」,結果兩杯落肚又再重覆犯錯,打直入、打橫出不特止,更令屋主兼大肚婆謝安琪慘變嬲豬,而「引貓(醉貓)入室」的張繼聰更差點被開年!

撰文:東方新地

謝安琪晒巨肚

離預產期仲有兩個月的阿Kay,早前舉家外出到大埔某商場超市,只見Kay明顯臉變闊,下巴又兜又厚肉,一臉幸福肥,下身肚子又圓又大!期間Kay不斷被途人認出,佢停工陀B養尊處優,心情甚靚,不忘笑笑口打招呼。

之後又見腹大便便的Kay連買了多款小食,都說孕婦貪吃胃口大,果然不錯。愈大愈似張繼聰的張瞻已到阿Kay心口高度,活潑跳紮紮,Kay單是望住囝囝便心甜,母愛洋溢,場面相當溫馨。

尚有兩個月便預產期,Kay的巨肚如籮般大,出現幸福三下巴,貪靚Kay堅持着厚底鞋出入,旁人睇見都牙煙,好在全程有老公同家人傍實,夠安全!

阿Bob醉後爆粗強吻

大年初四晚當晚,阿Bob與黃宗澤、周柏豪、方力申等一班人去到張氏夫婦位於大埔比華利山的獨立屋拜年,眾人圍在戶外打邊爐,烚下烚下醫肚,氣氛熱鬧!一向酒量有限卻不醉無歸的阿Bob,經過一輪溝酒互劈加自隊,酒精上腦,隨即變成另一個人,口齒不清,發酒癲不受控猛講粗口,而且聲浪愈來愈大。

事前各人一早協議於戶外抽煙,但喝醉的阿Bob話之你,走到邊食煙食到邊,更不顧孕婦及小朋友在場,照食可也!而酒後有鋪強吻癮的他,又逢人攬又錫,有不願被強吻的人起勢擋,亦因人多而場面混亂,獨酒醉Bob勸極唔走,就連屋主下逐客令亦賴死唔走,更反而向勸他的朋友箍頸及聲大夾惡鬧人,世上已無力量阻止Bob。

而陀B Kay亦由無奈到動真火,終於幾名友人夾手夾腳夾Bob離開,才終止這場拜年浩劫,本來高高興興團拜,意外因阿Bob而變鬧交收場,事後阿Bob仍唔知衰,po醉前大合照上網並留言:「飲咗好多酒、之後喪X噏、又嚇走咗幾條友⋯⋯」似乎徹底爛醉的他仍未知事態嚴重,隨時朋友變被unfriend!

酒後亂性有前科

其實過往Bob亦曾試過飲大兩杯,輕則有笑料,差點打架也見不少。15年10月,錢國偉辦婚禮,醉爆的Bob衝上台贈興,辣㷫同樣有醉意的陳小春爆粗掟咪兼追打他,而婚宴當晚由好友梁烈唯陪他離開,阿Bob竟主動同唯唯激咀。另外《一路向西》男主角張建聲在《沒女神探》慶功宴玩社交App「17」直播,同場已飲醉的阿Bob煲住煙不停入鏡,對住鏡頭舉中指又大爆 「X你XX」。

 

Bob本來形象正面,熱愛家庭,早前更帶埋老婆及三位公主上節目。不過好好先生的形象背面就有多次醉酒鬧事前科,如果仲唔改善一下,真係隨時被朋友unfriend!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!