鄭嘉穎

秘買2千萬愛巢 鄭嘉穎 焗陳凱琳嫁

最新娛聞

廣告

47歲的 鄭嘉穎 同細22年的陳凱琳(Grace)拍拖一年多,兩人經常高調放閃,近月 鄭嘉穎 更不止一次公開暗示有結婚之意!但有傳陳凱琳的億萬父親陳桂祥勸女兒應該有樓揸手先好嫁,因此 鄭嘉穎 為娶凱琳歸,上月斥資2千萬買入何文田皓畋兩個單位。雖然與男友舊愛佘詩曼做鄰居,陳凱琳大方回應唔介意,皆因佢已坐定粒六做鄭太、新愛巢的女主人!

延伸閱讀:

陀B五個月 42歲周汶錡宣布再懷孕

爆男友求婚過程 王君馨 : 其實有啲嬲嬲豬嘅!

半同居生活

自公開戀情後,陳凱琳不時被影到出入 鄭嘉穎 租住多年的大坑豪宅過半同居生活。即使男友不在港,她都有鎖匙自由進出,可見二人感情非常穩定。Grace除了經常買外賣上男友家,最近更開始學煲湯煮飯,為做人妻作好準備。

鄭嘉穎 想娶陳凱琳之心路人皆見,日前他在廣州出宣傳活動時,對結婚一事坦承 : 「 話冇諗過就呃你嘅 ,結婚係雙方嘅事,都要睇女朋友幾時 Ready。」不過佢就強調沒有結婚時間表,因陳凱琳剛發展演藝事業,不希望結婚生子剝奪她的權利,所以待她先準備好才會籌備結婚之事。

買樓築愛巢

近月 鄭嘉穎 經常公開暗示有結婚之意,不過 25 歲的陳凱琳卻希望在娛樂圈有番作為才嫁人,而同時她的父母亦希望女兒婚後能過安穩的生活,故對未來女婿有一定的要求。有指陳父係出名嘅舖王,當初知道個女同嘉穎拍拖就算有幾唔鍾意,但無奈個女鍾意都要接受。不過講到佢哋結婚 ,陳父就要求準女婿起碼有豪宅揸手先得。

搵地產經紀睇樓

咁多年嚟,嘉穎只係買樓俾媽媽同家姐,自己一直都剩係租屋住。為咗令Grace應承婚事,嘉穎秘密搵地產經紀睇樓,最後揀咗何文田一個仍要起緊嘅新豪宅樓盤,仲一口氣買咗兩個500幾呎嘅單位,打算以後將兩個單位打通改建成千呎愛巢。

收驚喜冧爆

鄭嘉穎 搞掂所有買樓手續後,才給陳凱琳一個驚喜。知道男友為了結婚築愛巢,Grace真係冧晒。日前陳凱琳出席無綫台慶拜神儀式時,承認 鄭嘉穎 早前斥資逾2千萬元買樓,有傳男友舊愛佘詩曼都係同一屋苑做業主,問佢介唔介意,Grace大方回應話唔介意,仲話自己唔係好識買樓啲手續,希望佢哋兩個都做咗好嘅投資。Grace唔止外表吸引,而且大方得體,難怪嘉穎為咗娶女友如此大費周章啦!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!