馬國明

阿媽逼婚 42歲馬國明急相睇搵女友

最新娛聞

廣告

被網民封為絕世好男人的 馬國明 ,直認思想傳統,拍拖為結婚,所以咁多年只係拍過3次拖。可惜次次都被人飛,加上圈子細、性格怕醜又唔夠膽主動出撃,所以自從2012年同拍拖3年的胡定欣分手之後就一直單身。身為九代單傳的馬明,下年二月就踏入43歲,年紀開始大,近年阿媽已經多次催婚,加上自己開始心急結婚傳宗接代,所以就放開懷抱,在家姐的介紹下做義工識女仔!

 

圖片來源:新傳媒

入行後兩段情

入行17年,兩段情都是跟圈中人發展。06年,馬明和曾華倩被爆發展姊弟戀,兩人被影到拍拖勝地鯉景灣撐枱腳,更被影到曾華倩開車載馬明返香閨過夜,雖然兩人死口不認戀情,但馬明大讚對方是好女仔,指二人很合拍、有說不完的話題。

另外,馬明於09年和胡定欣合作《舞動奇跡2》撻着,拍拖三年性格不合而分手,有傳當時未戒港女格的胡定欣嫌棄馬明為人老土、悶餅,馬明亦透露曾因冇梳頭、唔打扮、不修篇幅而激嬲定欣。自從2012年同拍拖3年的胡定欣分手之後就一直單身。

台慶得個睇字

台慶當晚,馬明被安排拖住契妹唐詩詠出場。雖然曾自爆好鐘意契妹唐詩詠,其實一直只係做緊兵,直到阿妹同洪永城戀情曝光先心死,但兩人仍以契哥契妹相稱,可見馬明仍默默守護詩詠。

承認搵緊女朋友

另外,當晚前女友胡定欣蟬聯視后,馬明即向本刊記者表示已恭喜對方,仲大方叫佢諗定自己的終身幸福喎,唔好成副心機放喺工作到。而被問到搵女朋友未,馬明就話叫已經搵緊女朋友,叫大家唔使擔心佢!

做義工 識女仔

早前馬明完咗活動後,就被本刊影到佢跟住阿媽同家姐去尖東做義工。見到馬明落車後,一馬當先行去將大盒紙皮箱逐一搬上車,期間女義工欲出手,馬明立即叫停,示意讓自己搬運,風度盡顯。期間又主動跟一名長髮義工傾談,又不時講笑以免有冷場,對天生天然呆的馬明,已經躍進一大步!其後馬明出席活動時,被本刊問到馬明是否借做義工相睇,他就大方認近來有積極搵女友,並謂希望將來另一半要有愛心,可以拍住拖做義工就perfect啦。

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!