王浩信

YoYo埋怨冇時間陪 王浩信 承諾送樓補償

最新娛聞

廣告

王浩信 喺無綫4K劇《不懂撒嬌的女人》中飾演Saving哥,sweet爆暖男形象冧爆全城女觀眾!現實中王浩信同樣係個好老公同好爸爸,不過佢近年劇接劇忙到冇停手,難免冷落嬌妻陳自瑤 (YoYo),連一年一度的二人世界外遊計劃亦要擱置,令YoYo漸有怨言。不過話明係暖男,當然有計氹番太太, 王浩信 不但計劃年內舉家旅遊,而且仲承諾買樓送俾太太,咁好老公,YoYo絕對冇揀錯﹗

王浩信 一年冇放假

33歲的王浩信去年在劇集《EU超時任務》中的渠頭一角,成功感動觀眾,一度被網民捧成視帝大熱,雖然最後只與同劇的朱千雪在台慶頒奬禮中獲「最受歡迎劇集搭檔」獎,但人氣、演技備受肯定!之後在《致命復活》及現時《不懂撒嬌的女人》中亦有突出表現,自然被無綫力捧,劇集一套接一套,日夜顛倒拍劇開工,成年未放過假!

YoYo眼見老公辛勞為家庭為事業拼搏,總算捱出頭來,身為太太開心之餘亦心痛!同為藝人的YoYo當然明白上位機會難逢,但作為老婆又想老公多啲陪自己,據知佢有時都會搵啲姊妹呻吓話好耐冇同老公去拍拖,屋企事要獨力處理好吃力。

YoYo:劇情還劇情

早前YoYo出席活動,本刊記者提到王浩信套《不懂撒嬌的女人》好hit,佢就話知道套劇好受歡迎,好多人鍾意老公個暖男角色。不過佢就大潑冷水話暖男形象同真實生活唔可以混為一談,劇情還劇情,生活還生活。雖然王浩信平時都有暖男的一面, 卻因近來太忙,二人世界變為近乎零!

一年一度旅行告吹

王浩信同YoYo以往每年都會放下女兒拍拖去旅行,但如今王浩信啲劇接住落,由上年開始到依家完全冇停過,所以大有可能告吹! 為了補鑊,王浩信不時都會做啲浪漫嘢,例如即使佢煮嘢食唔叻,佢都會親自落廚去學嚟煮﹗

王浩信 計劃一家三口旅行

老婆有怨言,暖男老公王浩信點會feel唔到,佢現時趕拍的《溏心風暴3》預計七月煞科,屆時會有三個星期假!日前王浩信接受訪問時,坦承自己比唔上Saving哥,因為呢一年幾不停拍劇,不單老婆和女兒,就連媽媽都少咗見。而為了補償家人,佢就計劃暑假時一家三口去一個兩三個星期的旅行,YoYo唔使失望啦!

買樓送俾太太

另外王浩信對置業一事密鑼緊鼓,有意於將軍澳區置業並落太太名,佢就表示不單想買樓俾太太,更希望買晒俾所有屋企人!王浩信又稱目標係買淺水灣豪宅,雖然他謙稱買住細單位先,但以佢現在的人氣,帶旺登台、廣告代言、商場event之搵錢機會,相信好快儲夠saving進駐淺水灣,目標不遠矣!

 

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!