大胃王

新晉嬌小大胃王 狂擦1,222串麻辣串燒

熱話

廣告

好多女仔睇落細細粒,但其實食量驚人,睇到心都離一離!日前有一位新晉女 大胃王 朵一挑戰吃了1,222串麻辣串燒,影片達1萬2千次分享,令佢一夜爆紅,粉絲人數急升至10萬人。原來佢除咗擁有一個如黑洞般的胃之外,睇返佢以往嘅戰績,佢嘅味覺亦非一般異常,就好似佢曾經挑戰有「全世界最辣嘅公仔麵」之稱嘅三陽辣烤雞麵,食辣程度真係嚇死人。佢同其他狂吞嘅大胃王唔同嘅地方就係佢會一邊煮一邊食,熱食先最好食咁話喎!

 

圖片來源:美拍截圖

史上最癲 1,222串麻辣串燒

自稱「自己吃起東西來自己都害怕」嘅美拍主播 大胃王 朵一,唔好睇佢嬌滴滴細細咁,食起嘢上嚟真係好誇張!令佢一夜爆紅的麻辣串燒片段,有高達1萬2千次分享。影片中可以見到佢將1,222串未煮的串燒放喺枱面上晒冷,然後旁邊放咗一個勁紅嘅麻辣鍋,一邊煮,一邊食。雖然片段用咗快鏡,但係用咗一鏡到達方式,睇得出佢只係用咗好短時間就已經清晒所有勁辣串燒,而且面不改容,仲有想添食嘅衝動。究竟一次過食晒十斤肉係咩感覺㗎呢?

第一次 100隻雞蛋

大胃王 朵一喺11月中已經開始經營呢個channel,佢第一個挑戰連續狂食100隻雞蛋已經嚇死人。佢除咗一邊煮一邊食之外,食食吓佢仲點唔同醬料調味,茄汁、豉油、黑胡椒醬,連甜嘅朱古力醬都出埋,真係唔知講咩好。雖然佢食到第94隻就已經食唔落,究竟佢一日食93隻雞蛋膽固醇會超標幾多倍⋯

其他瘋狂大胃挑戰

 

10碗「全世界最辣嘅公仔麵」之稱嘅三陽辣烤雞麵

80個蛋撻

20碟意粉

200隻餃子

 

全文完