最新娛聞



陳瀅 陳嘉寶 蔡穎恩 泳裝出海做「影後」

夏日炎炎千萬唔好眠,否則就會錯過一班女神派福利!事緣 陳瀅 、「邦民女」陳嘉寶(Anjaylia)同埋蔡穎恩三位好姊妹齊齊相約出海,換上泳裝同陽光玩遊戲,有靚樣有事業線有纖腰有長腿,青春無敵,相信冇一位男士會唔想join呢個船P啊!



變種Fire Red 白水泥AJ5 注目上架

Air Jordan的經典從來不用再多說,每一代都有其輝煌歷史,其中AJ5更是代表着90年代的光輝開始,幾十年間的不同配色、OG重製、Retro及流川着用的名氣,使到AJ5的人氣度保持在高位,今個夏天 白水泥AJ5 配色接力上架,鞋身依然保持當年籃球鞋的「笨重」感覺,隨着之前白水泥配色的AJ4廣受好評後,全新Air Jordan 5 「White Cement」亦已經上架。 TEXT – KIKI PHORO- –NIKE

【夏天 濕疹 高峰期】必買澳洲羊奶 沐浴乳告別濕疹!

夏日天氣持續升溫,一流汗汗斑及 濕疹 就會復發,隨時抓到傷口發炎又出血。繼上次一推出 The Goat 澳洲羊奶 香皂 反應熱爆後,原來同牌子仲有 羊奶沐浴露,一樣都不含人工防腐劑、動物油脂添加劑,對皮膚完全沒有傷害,仲對 濕疹 很有幫助。一支就可以潔面加沖涼,超方便,啱晒懶惰人士! text – Miki


眼大嘴細好可愛! 陳冠希 晒女兒正面照

陳冠希 (Edison) 今年三月榮升爸爸,女友秦舒培為其誕下女兒,雖然Edison一直拒絕讓女兒曝光,但早前就被一位豬一般的朋友出賣,上載Edison抱女舉辦百日宴的照片,以致B女樣貌及英文名Alaia曝光!雖然有傳Edison為此事嬲爆,不過佢近來都不時喺IG晒父愛,今日更主動照出Alaia正面大頭照!眼大大、嘴仔細細,眼神同爸爸都有幾分似,唔少網友都大讚可愛!


21歲餅印仔牛津碩士畢業 譚詠麟 禁仔媾鬼妹

66歲的 譚詠麟 日前在社交網站po出攬實穿上碩士畢業袍的囝囝照片,望到頸都長,終於等到曉風光宗耀祖,欣喜之情表露無遺。21歲的譚曉風在英國牛津大學碩士畢業,咁叻仔難怪阿倫開心成咁,不過老爸有兩個堅持,就係禁阿仔入娛樂圈,同埋媾鬼妹。阿倫除無限量支持曉風繼續讀博士外,仲不時派Wendy飛去英國𥄫實囝囝。仔大仔世界,更何況曉風高大威猛靚仔過阿倫,仲牛津碩士畢業package好成咁,有鬼妹埋身好正常,阿倫驚都冇用啦!



激似李彩華 38歲 徐子珊 重手變靚

絕跡電視台兩年轉攻內地,估唔到人望北處,38歲 徐子珊 連容貌都同強國市場接軌,玩P圖、着黑絲、梳埋空氣留海、再加埋個無辜萌樣,成功進化成2017最新網紅新版本。靚唔靚見仁見智,不過因為變靚啲再次成為網民熱話,仲同最近以魚網絲襪大嬸look回流出寫真嘅李彩華撞樣!


藐同性做咪霸 劉佩玥 麥明詩直播開火

近月 劉佩玥 歌手上身,頻頻孖住翟威廉為big big channel直播自彈自唱,明明話成立的「Happy Live」係合唱團,但大部分時間都係 劉佩玥 做咪霸solo出風頭。 劉佩玥 非常享受畀成班仔圍當佢娘娘聽佢唱歌,不過遇上有其他女藝人一齊做直播,就即時自我捍衛起晒槓!早前麥明詩參加「Happy Live」直播, 劉佩玥 以女主人身份主持大局,尾聲時麥明詩彈錯key唱歌又入唔到音, 劉佩玥 即眼啤啤好不滿,麥明詩亦不甘示弱,堅持要走唔肯encore。啲歌畀 劉佩玥 唱晒,仔又畀佢媾晒,邊個夠佢玩?

灰調VaporMax 雙雄 新色官網發售

自3月尾推出Air VaporMax後,瞬間成為NIKE現時最當時得令的跑鞋,差不多每個月都有新色或聯乘款式推出, 搶購熱潮仍然是滔滔不絕。而當中全黑及全白配色更是「長期缺貨」的座上客,不少鞋迷要用盡辦法先能夠將它入手。不過,除了全黑全白外,今次NIKE亦推出充滿低調但相當有型的「Dark Grey」與極似Oreo色的「Explorer Light and Dark」 灰調VaporMax 配色,兩款都啱晒喜歡低調美的鞋迷,想入手就襯早揿定下面條LINK,否則又要等到下次補貨的機會喇! Text – Chim photo – NIKE


恭喜恭喜! 孫慧雪 誕8磅10囝囝

35歲的 孫慧雪 去年12月與圈外男友Edwin Lo成婚,今年二月時宣布懷孕,預產期則為八月中。陀B期間阿雪不時喺社交網站po相晒巨肚,預告B仔好可能係巨嬰!不過未到八月中,阿雪今日就喺FB上載三張相,宣布誕下8磅10重的B仔Riley,恭喜恭喜!

過江龍動漫女郎 卡卡兒 PinQ嗲功溶化港男

一年一度的動漫電玩節今日就完結,呢個節目係一眾動漫愛好者、動漫女郎、cosplay達人嘅集中地,不時有過江龍嚟撐場。今年除了本地出晒名嘅Rose Ma,仲有開直播就有30萬fans嘅台妹 卡卡兒 同憑果茱(PinQ)。唔講唔知,原來深受歡迎嘅 卡卡兒 其實離咗婚仲有個兩歲嘅囝囝, 為咗養起頭家,大家先會繼續見到佢做showgirl! Text – Arika  Photo – 卡卡兒FB&IG、PinQ FB