大約大星期前,放左工喺銅鑼灣食日本野,

我同個同事都坐得幾近vip房,見到2R既race行出黎,

隔左陣佢抱住個baby同埋佢姐姐rosanne一齊入 黎,個bb好cute,啡頭髮,兩姊妹都好索,

之後就見到向佐同個黑衣人一齊入去,佢地間房發出既聲浪大,

有客人反應但都冇人敢入去出句聲,只見個保鏢出 出入入,之後我地走落到搭車,見到兩個黑衣人企喺樓下食煙,

身旁有兩架靚車,我估計係向佐,真係有d誇張,

身邊真係需要咁多保鏢?

琴日下午我同媽咪一齊去左圓方睇戲,睇完出返來果時~

行行下去到FENDI門口見到KAREN莫文蔚行左出來,

我地即刻叮一聲~~佢著左條長牛仔 褲,黑色窄身長袖T…黑超散髮~~~好高好FIT~好有型,

我同媽咪一路行佢後面~見佢有幾袋戰利品,心情好靚~

於是我地行上前叫左佢一聲 KAREN,,,HELLO~~

佢即刻回頭望住我地講左聲HELLO~~佢好NICE呀~~

笑得好幸福,我媽咪突然間伸手同佢講恭喜你呀KAREN~新婚 快樂~~跟住KAREN即刻撓穩D戰利品~~

雙手握住我媽咪對手~連續講左好多次多謝…..今次一見~~

俾我知道KAREN原來係好好好NICE~~好平 易近人冇架子~~

男仔9成都中意打機…早前XBOX出左FIVA12….

我就走左出旺角信和中心度睇啦~~去到2樓一間鋪頭時,

都幾多人~仲要係平日….我企左喺近 門口個玻璃櫃度睇~睇睇下有把男聲細細聲講左句,

我以為聽錯冇理~~佢又一次唔該借借,我拎轉身望左望~

原來係陸永來架~,佢好 高好瘦,但個樣真係唔得~~上鏡好似仲好D~~

因為點都一定會有笑容,我見佢冇咩表情,行開左俾佢~~

佢就行左入去….佢原來識個老闆既~~佢地入左去冇 耐~傾左陣~老闆就俾左只FIVA 12佢~~佢攞完,唔洗俾錢就咁走左~~~

走果時先見佢有返笑容~~我心唸洗唔洗咁呀~~

你以為自己係咩大明星呀~~靚仔D都話算呀~~但佢唔係囉~~~ 講真~~藝人好心你點都做下戲NICE D啦~~唔係點喺娛樂圈做呀??想有多D人中意你都難啦~~

哩D只係我見到既事同我自己既感想~~請佢地D FAN見到哩個POST唔好見怪~

早 幾日靚仔李治廷一個人喺我公司睇衫,

真係唔知原來佢真人幾似王力宏呀,啲同事已經發晒癲咁,

個個爭住要影相,連大粒都要影,佢皮膚靚過好多女明星可以拍護 膚廣告,可能俾太多女同事圍住,佢竟然面紅,剩係識講thank you,我仲乘機摸佢隻手,哈哈….諗返都覺得過份,

好似玩緊個小朋友咁,不過佢真係好靚仔,

正過chock王林生啦~

前晚喺西灣河見到化行妝既羽翹同幾個女性朋友一齊食dinner 中,佢係最突出一個,個個都打扮自然,偏偏羽翹濃妝艷抹,

以為佢出show,其實佢都幾靚女,笑起黎似gigi添,

加上佢甘年輕,應該清淡啲好,正因為佢 太出眾,好多人都認得佢,或者就係佢想要既目的,

之後有個男人接佢走先,我認得係同佢傳緋聞嗰個歌星,

肯定佢地係拍拖!!!

前排去科學園食dinner,見到隔離枱係港姐冠軍朱晨麗同季軍 好高嗰個,佢地好低調,其實唔望多兩眼真係唔知,

好多人話朱晨麗似陳法拉,但真人唔似law,有啲國產feel,

不過兩個都唔差,唔會係豬扖港姐,可能因 為咁聽佢地多數講英文,感覺又唔同左,最搞笑係走時兩個爭俾$,

好婆仔,跌左十蚊銀過黎,我幫佢地執,佢地個樣好尶尬!

有一次係巴黎坐飛機返香港，見到成班香港top model，有楊琤、陳嘉蓉、周汶琪及Rosemary等，

個個都高頭大馬，好靚女。而途中發生咗一個小插曲，

令我對那人有點反感，事原楊琤向機組人員投 訴機上播放緊嘅娛樂節目同機上嘅娛樂章程表不同，

而機組人員已禮貌地道歉及解釋原因，但楊琤仍然很不滿，

繼續向經理投訴，說要upgrade到first class，跟住隔離行有個見義勇為嘅乘客便說：「

依家只係節目有出入啫，又唔係電視壞，就算比你坐到上頭等，

d電視節目都一樣嘅喎！經理，我撐你！唔 好理呢d無理取閙嘅人。」楊琤即時目露凶光，面露不悅咁收哂聲。

前排我同家人去機場送機,未夠鐘我地就坐一陣,見到後排一箱箱行 李,心諗應該有錢人,之後就見到個好高既女仕會合佢地,

聽到佢把聲講野唔多正,望清楚原來係熊黛林,佢雙眼真係好大,

以為佢個人應該幾串,點知佢望左我地 一眼,同我地笑一笑,我阿姨一直住法國,唔知佢係名星,

讚佢係一個好靚既TOP MODEL,估唔到熊啲英文幾好,交談左一陣,對佢印象改觀晒,

之後佢地都入閘,同我地禮貌地say bye,我覺得佢真係好有吸引力

我地屋企上個月岩岩搬左新屋….入左伙冇耐~

我都未試過去會所玩下,岩岩過去左既星期日,我好早已經起左身,

之後冇野做就落左去游水….一入到去~ 人好少,3-5個左右…我當然覺得好開心~冇人阻住我,

當行近泳池時~聽到有把好熟悉既聲喺度大笑…我望左望,

係個女人同個女喺度玩水,但當我望真D既時 候….原來係郭可盈呀….我即時好緊張~

我先知佢原來佢同我住同一個地方呀…….

我之前都冇留意過哩D真係唔知~~我見佢同個女玩到嘻嘻哈哈~~

可能因為 驚凍,所以佢個女都著曬長袖衫褲泳衣,佢個女都游得唔錯架~

郭可盈平時俾我感覺好似好惡~~但面對佢同個女既互動~

覺得佢好善良~好靚~好溫柔…!!最開 心既係,我行過佢地身邊既時候~佢竟然同我笑呀~~

可能佢平時對住D街坊都係咁….我當堂覺得佢好NICE~~^^

之後仲同番個空姐合照。
人地話明星係機艙醜態真性情盡現，劉青雲就絕對係奇葩！
相信換著第二個明星，即使只係奀星，都未必有咁大方呀！

p.42。

b.「和諧唔係一百個人講同一說話，

和諧係一百個人有一百句唔同嘅說話之餘，而又互相尊重。」

c.「過去嘅事係要嚟回味，唔係要嚟逃避。」

d.「唔同嘅決定會行出唔同嘅路，

但我相信到最後佢哋都會喺同一個終點出現。」

e.「點解人大個咗之後，就要咁多妥協？咁多考慮？

咁多理由去面對現實先叫『正常』呀。」

f.「人嘅銀包係用嚟裝銀紙，唔係用嚟裝廉恥。」

g.「香港人最擅長係乜？係善忘！」

上年喺尖沙咀見 到方大同同個高瘦長髮女仔一齊食DINNER,

我同個朋友第一時間諗係咪fiona,但髮型完全唔似,

因為我好喜歡fiona,所以等佢地食完飯之際,我 過去叫薛凱琪同方大同簽名,佢地好驚訝,

方大同笑住話fiona變左樣既,我知道自己攪錯,勁唔好意思,

方大同有幫我簽名,仲介紹佢師妹連詩雅我識,我梗 係有叫佢簽埋名,不過真係好失望,點解唔係阿fi架

我 以前個男朋友係tvb做音樂人,有好多電視劇主題曲都有份幫手,

佢當時講過好多藝人啲緋聞好多都係真,就好似佘思曼同吳卓羲,

好多行內人都知,佘思曼俾人 感覺姣,其實又唔係,性格好男仔頭,同埋好鐘意爆粗,

真係睇佢唔出,吳卓羲以前幫電視劇錄主題曲,阿佘一定黎等佢架,

不過都玩左唔係好耐,個個私底下都唔 睇好,因為兩個都係好多心既人黎!

我 哥哥喺tvb做過好多次臨記,有次佢可以同鄭嘉穎講一句對白,

已經超開心,點知因為太緊張要take 2,話晒第一次有對白take2都唔過份,

但鄭生即刻爆粗鬧哥哥,又話唔怪得一世做茄哩啡,

d工作人員好似見怪不怪咁,應該出晒名'假',反而王喜唔會咁 對臨記,所以哥哥只同左佢合照!之後電視有親鄭生既劇,

哥哥都會轉台,ha….

幾 日前喺黃埔個冒險樂園見到森美同佢老婆,

囝囝同囡囡一家四口出現,森美戴住帽所以最初留意唔到佢,

我係見到個小朋友個樣勁似兒童版森美至留意佢身邊人,睇 得出佢老婆鐘意打扮,森公子平時口花花,

其實對住老婆不知幾聽話,見佢老婆指佢去邊佢就即刻去,

又好似工人咁幫佢地拎晒袋,睇得出森美真係當佢地如珠如 寶,見到一家都笑得好開心,只係奇怪點解冇工人喺度,

我估佢地想享受下家庭樂,

其實森美依家工作咁忙都仲咁重視家庭樂,真係好抵讚!!!