黃德斌 細心㨂碟

入行28年，黃德斌首次擔正做男一嘅新劇《刀下留人》正在熱播，事業升呢嘅黃德斌同女友黃美恩（Joyce）拍拖14年，最近俾本刊拍到兩人神秘湊B，仲日日湊番舖頭，照顧得無微不至，疑似升呢做老竇，不過Joyce就喺Facebook稱BB係契仔稀稀，並非兩人親生子。日前難得見黃德斌唔使湊仔，放咗自己一日假，一支公到圓方睇戲，入戲院前佢先到HMV揀唱碟，佢揀得相當仔細，逐隻聽逐隻揀，搞咗足足半個鐘，跟住仲拜託埋店員幫手搵歌，最後終於扑槌買咗三隻CD走人，唔知係咪想揀番幾隻安眠曲俾BB聽呢？