《為食神探》Bill基對KaKa多幻想 網民插:不知所謂

《為食神探》Bill基對KaKa多幻想 網民插:不知所謂

娛聞

廣告

新劇《為食神探》由馬國明、岑麗香及黃翠如擔正,配搭雖然有新鮮感,不過,網民插馬明演嘅Bill基經常幻想點冧心儀對象KaKa(岑麗香)嘅片段不知所謂;另外,亦有網民對黃翠如演嘅Kill姐有讚有彈。

 

延伸閱讀︰

吳幸美《東張》試酒片hit爆

34D高Ling出水盪奶派福利

 

Bill基幻想幫KaKa扣Bra扣

前晚一集講到Bill基同KaKa去內衣店調查是否賣冒牌貨,KaKa去試內衣等Bill基有時間偷拍搜集證據!不過,Bill基又開始幻想女神KaKa,叫佢幫手扣bra帶!

 

Kaka晒膊好吸睛

唔好話Bill基,觀眾見到KaKa戴住黑bra晒靚背,真係流晒鼻血!得知KaKa要幫手扣bra扣,Bill基high到爆,又說出劇中口頭禪:「My pleasure!」

 

偷拍被識穿

此時,鏡頭一轉返回現實,原來Bill基只係將model公仔bra扣解開,並連人同公仔一齊跌落地,成部DV飛埋出嚟,被店員識穿嚟偷拍搞事!

 

網民插劇情無聊

有網民直指馬明呢個Bill基角色設定唔掂,根本唔係查案,成日掛住媾女又幻想同女神KaKa做乜乜乜,劇情無聊,完全比唔上《一屋老友記》同《城寨英雄》!有啲仲表示連《巨輪II》都無興趣睇!

 

黃翠如演出好壞參半

另外,昨晚Kill姐(黃翠如)終於出場!佢同辣椒哥(羅莽)講數鬥食辣椒呢幕,網民對其演出評價好壞參半!

 

演辣妹夠突破

雖然有網民對黃翠如有份演出已噓聲四起,但亦有其他網民睇完昨晚Kill姐狂野食辣椒畫面,大讚翠如演得唔錯!

 

主題曲都插

網民除了對劇情及演員唔滿意外,就連《為食神探》主題曲〈誘心人〉由吳若希主唱都大感不滿!更有fans指為捧馬明場,難聽都會睇!

全文完

關鍵詞
為食神探