余詠珊

李寶安辭任無綫副主席5月提早退休 愛將余詠珊跟隨他辭職

娛聞

廣告

無綫大股東黎瑞剛日前高調狠批無綫,直斥電視台老化、節目老化、製作技術落後、內部山頭文化等五項缺失。隨即傳出無綫副主席及行政總裁李寶安辭職消息,被傳媒追問被辭職消息,李寶安以「fake news」回應,不過今日下午證實將於5月26日股東會後提早退休。

文:東方新地 |圖:東方新地

李寶安離任消息得以證實後,即傳出愛將余詠珊會隨他辭職,經記者追問下,余詠珊本來指未有確切日期,其後再表示會於四月尾辭職。汪明荃對李寶安退休一事,大讚對方有貢獻﹗

有傳李寶安被要求提早退休。
有傳李寶安被要求提早退休。

余詠珊當日一句:「炒人有理﹗」一語成讖

曾志偉、王祖藍被召擔任無綫要職後,無綫立即大變天,首當其衝是與志偉傳不和的余詠珊,早前無綫發放內部通告,獨攬綜藝大權多年的余詠珊正式被調離綜藝科,並由曾志偉全面接管其本來職務,掌管星夢娛樂的余詠珊老公何哲圖則告辭職﹗余詠珊當年入主無綫,風頭一時無兩,整頓架構連番裁員,當日余詠珊在專訪中振振有詞話:「炒人有理﹗」更直指無綫不適合她,因為內部如宮廷鬥爭,一語成讖﹗

余詠珊和曾志偉屢傳不和。今日無綫內部消息公布,余詠珊職銜改為助理總經理 (業務發展) ,全力協助無綫推動業務發展,不再負責綜藝節目。曾志偉職銜改為副總經理 (綜藝、音樂製作及節目)。
余詠珊和曾志偉屢傳不和。早前無綫內部消息公布,余詠珊職銜改為助理總經理 (業務發展) ,全力協助無綫推動業務發展,不再負責綜藝節目。曾志偉職銜改為副總經理 (綜藝、音樂製作及節目)。

上場即裁員:「最理想係每年cut 5%人」

余詠珊再次回歸無綫,接掌何麗全離任後一直空缺的綜藝科總監,新官上位的余詠珊連番裁員,接受本刊專訪時,她直言:「一間公司最理想嘅狀態,係每年cut5%人,然後請番5%新人,喺我心目中唔係裁員,而係更新,我哋係一個電視台,唔係一份政府工,唔係一班人好開心然後做到退休,你喺一間老咗嘅公司,最終咪一齊退休,成間公司冇晒囉﹗」

余詠珊話自己唔係樂小姐、曾姐,不喜宮鬥。
余詠珊話自己唔係樂小姐、珍姐,不喜宮鬥。

余詠珊:喺宮廷鬥爭中,我只係小學生

對於外傳無綫system是由余詠珊、曾勵珍同樂易玲三個,互相扣住,對此system有何意見?余詠珊直指不喜權鬥:「我覺得我最值錢就係我可以用好少錢去打場好似好漂亮嘅仗,TVB係一個完全唔適合我嘅地方。我性格太坦白,我想學顧慮你感受,但我唔識,入到去咪一入侯門囉,喺個宮廷鬥爭入面,我就係嗰個小學生。我覺得自己焦頭爛額㗎,我其實係好唔鍾意呢個狀況。我又唔鍾意嗰啲權嘅,我真係唔係樂小姐(樂易玲)又唔係珍姐(曾勵珍),我鍾意閂埋門,花好多力諗嘢。另外,我返嚟第二件事,係我哋個行業係應該搵人承傳,到佢哋開始穩陣,我就走㗎嘞!因為我唔鍾意喺個宮廷裡面生活。」

撐洪永城黃翠如值得捧

入主無綫後覺得自己有乜代表作,余詠珊謙虛話:「冇呀,冇作品OK,我知道自己做緊乜囉!等於大家成日話我力捧洪永城、黃翠如,我做咗咁多年電視,我真係覺得有啲人係應該得嘅,大家以為佢哋咁熟,合作拍節目梗係好睇,唔係!因為佢哋性格本身都可愛!當我諗住搵洪永城、黃翠如做節目,公司有反對嘅聲音,我覺得佢哋完全係入屋嘅人嚟。我有失敗㗎!我以為自己會有個天下無敵好紅嘅節目,叫做《瘋狂歷史補習社》,但個節目嘅rating唔係我想像中咁。本來做完《瘋狂歷史補習社》做《瘋狂英文補習社》,你知香港啲英文又衰,又可以嘲笑啲大陸餐牌,但我都唔係好敢開,我驚我無聊嘅幽默感冇人覺得有趣。」

余詠珊與曾勵珍合影。
余詠珊與曾勵珍合影。

稱阻遏換獎歪風

身為TVB高層,老公何哲圖(Herman)之前係另一間唱片公司高層嘅時候,被人指黑箱作業?對此余詠珊話:「我返TVB嘅時候,我好顧忌,顧忌到同音樂related嘅嘢我盡量唔去開會,或者我話我唔發表意見,但好多時令我好難過,因為嗰時我聽到好多:『Sandy,我費事累你啦!所以我抽起咗Herman隻歌。』或者『我哋專登唔畀獎佢,費事累你啦!』去到後期發生咗啲問題,有一次有個大show,十二個歌手,十一個都係Paco(黃柏高)旗下,嗰時我先出聲。到公司自己開唱片公司,Herman入咗嚟,變咗係TVB嘅人,對我嚟講太好嘞,忽然間所有問題解決咗,我冇晒嗰種尷尬。」

余詠珊丈夫何哲圖擔任星夢娛樂CEO,在曾志偉上場後,何哲圖以發展個人事業為由月底正式離職。
余詠珊丈夫何哲圖擔任星夢娛樂CEO,在曾志偉上場後,何哲圖以發展個人事業為由月底正式離職。

做實事從來唔受藝人送禮呢套

對於外傳TVB藝員好鍾意送禮畀高層,余詠珊咁答:「大家都知我唔係好鍾意,但耐唔耐,可能有人去完旅行,會送啲餅仔,有一次我好餓,見到有盒嘢,拆開全部係燕窩,然後我先check係邊個拎嚟,同佢講:『唔好搞,我唔使。第一,你送咗畀我,唔等於我會幫到你,因為如果咁樣幫你我都問心有愧,第二,我唔係嗰啲人囉!』我好怕呢啲關係,我連出去見人(指應酬)都冇,點會想你送啲嘢畀我,然後我畀番啲嘢你?如果我受咗,例如你送咗個四萬蚊嘅銀包畀我,將來你話:『Sandy,我想開嚿嘢做。』我畀唔畀你呢?咁我無端端咪變成你嘅奴隸囉!同埋你變成我最大嘅壓力囉!」

怕江郎才盡:「我人生未遇過一個各方面叻我好多嘅人﹗」

經常被指肯創新的余詠珊亦怕有日江郎才盡,余詠珊話:「我foresee到有日我會deteriorate(退化),我覺得我依家仲係好嘅狀態,我一生人就係希望自己喺創作上係個叻人,其他有咩成就、想唔想搵好多錢、坐好高位,我完全冇呢個諗法。我花咁多力令自己叻,所以我好aware自己唔叻㗎!依家我都相信自己仲喺狀態,因為仲有好多叻嘅人肯跟我做嘢,如果啲人慢慢離開我,我應該感覺到,到時就應該退落嚟!你問我驚唔驚江郎才盡、有人叻過我?我驚!因為我人生裡面未遇過一個人,係我覺得佢做同我相同嘅嘢,各方面佢叻我好多!我未遇過。」

獨家專訪 重溫無綫高層余詠珊:「炒人有理|」

余詠珊入侵兒童節目 《放學ICU》再見

https://www.youtube.com/watch?v=HX-P4x1hcao

曾志偉啜爆性感女模影片詳情?

近日曾志偉與一名性感女模慶生的視頻流出,從片中可見曾志偉在飯局中為壽星女熱唱生日歌之後,特意走向女模身旁一同吹蠟燭,隨後更…詳情請看

被啜爆的性感女模是誰?

影片流出之後,女模的身份背景亦立即被起底。原來女模擁有180cm魔鬼身形,曾經被傳是擔任過多間上市公司主席富豪余錦基的契女…詳情請看