林芊妤囝囝吸19萬fans、孫慧雪囝囝超可愛!圈中得意星二代B仔B女出籠

娛聞

廣告

多得互聯網和社交媒體發達,一班藝人榮升人父人母後,可以盡情po相晒吓得意仔女之餘,又可藉此作為成長紀錄。睇吓爸爸媽媽、再睇吓星二代B仔B女,餅印一樣仲好有鏡頭感,呢啲咪血統純正囉!

撰文、圖片:東方新地

胡杏兒:有性格囝囝 Brendan & Ryan

15年結婚,然後三年抱兩先後誕下Brendan同 Ryan兩個寶貝仔。近日杏兒帶埋細仔 Ryan北上復工,41歲生日要同老公李乘德及大仔 Brendan遙距慶祝。3歲 Brendan(左 )似爸爸好精靈,1歲 Ryan就怕怕醜醜好嬌嗲,兩個都可愛又有性格。

林芊妤囝囝吸19萬fans、孫慧雪口仔囝超可愛!圈中得意星二代B仔B女出籠

陳展鵬:吸 like 能力超高小豬比

陳展鵬同單文柔嘅愛情結晶小豬比現時將近20個月大,五官似足媽媽眼仔碌碌皮膚粉嫩,可愛小豬比嘅 po 一出,吸 like 能力分分鐘仲高過爸爸媽媽。

林芊妤囝囝吸19萬fans、孫慧雪口仔囝超可愛!圈中得意星二代B仔B女出籠

黎諾懿:三歲半囝小春雞

一場疫情搞到黎諾懿變疫境廚神,不過一系列廚神居家大顯身手教煮短片,都被三歲半囝囝小春雞搶晒鏡,繼承父母精緻五官,又永遠帶住個又 charm 又 warm 嘅笑容,有乜理由唔討人喜愛。

林芊妤囝囝吸19萬fans、孫慧雪口仔囝超可愛!圈中得意星二代B仔B女出籠

林芊妤:濃眉大眼伯伯

明明個樣係 BB,不過濃眉大眼可愛表情,硬係永遠心事重重有
陣「 佬 」味,被媽媽改個乳名叫「 伯伯 」又真係有啲根據。圓頭圓腦天然呆,伯伯嘅個人 IG 其實都儲埋19萬幾 fans 㗎!

林芊妤囝囝吸19萬fans、孫慧雪口仔囝超可愛!圈中得意星二代B仔B女出籠

黃澤鋒:老來得囡小黃妃

黃澤鋒太太陳麗麗去年以51歲高齡成功懷孕,歷盡千辛又搵命搏才誕下囡囡小黃妃,一切來之不易,可幸小黃妃唔止健健康康,性格亦都討人歡喜,尤其係招牌燦爛笑容最令人融化。

林芊妤囝囝吸19萬fans、孫慧雪口仔囝超可愛!圈中得意星二代B仔B女出籠

鄭嘉穎×陳凱琳:高顏值囝囝Rafael

細仔Yannick剛過百日,外官尚未定形,歲半大嘅Rafael就已經睇到愈大愈靚仔,繼承爸爸鄭嘉穎同媽媽陳凱琳嘅高顏值,眼仔大大、鼻仔高高、笑容陽光好上鏡!

林芊妤囝囝吸19萬fans、孫慧雪口仔囝超可愛!圈中得意星二代B仔B女出籠

岑麗香:大眼睛B Jacob

香香公主去年生完B,今年頭已經話咁快出山拍劇賺奶粉錢。一邊工作一邊亦都盡力親力親為湊囝囝Jacob。一歲七個月嘅Jacob肥肥白白,亦繼承咗媽媽嘅大眼睛,又一個精靈可愛嘅星二代。

林芊妤囝囝吸19萬fans、孫慧雪口仔囝超可愛!圈中得意星二代B仔B女出籠

楊茜堯×羅子溢:靚靚小珍珠

爸爸媽媽都係靚人,今年四月出世,家陣半歲嘅小珍珠亦都愈大愈靚女,最招牌就係繼承爸爸羅子溢( 原名羅仲謙 ) 同媽楊茜堯( 原名楊怡 ),一雙又圓又大嘅眼睛。

林芊妤囝囝吸19萬fans、孫慧雪口仔囝超可愛!圈中得意星二代B仔B女出籠

王祖藍×李亞男:手長腳長B女Gabrielle

今年六月李亞男宣布再度懷孕,亦都再度係陀 B 女。李亞男同王祖藍嘅大女 Gabielle 就快兩歲大,五官愈大愈似爸爸,不過身高就繼承媽媽手長腳長,迷你祖藍一樣愛笑十分討人喜歡。

林芊妤囝囝吸19萬fans、孫慧雪口仔囝超可愛!圈中得意星二代B仔B女出籠

孫慧雪:口水囝Riley

眨吓眼雪雪個寶貝仔Riley 都三歲大,成長點滴一直被媽媽記錄在個人社交網站。唔止古靈精怪仲正值學講嘢期間,經常被媽咪取笑正宗口水佬。

林芊妤囝囝吸19萬fans、孫慧雪口仔囝超可愛!圈中得意星二代B仔B女出籠

安志杰×Jessica C.:愈大愈靚囡 Tessa

今年因為疫情困擾,同樣擁有美國籍嘅安志杰同 Jessica C. 就索性帶埋一對仔女返美國長住。四歲囡囡Tessa愈大愈靚女,手長腳長繼承媽媽model身形,而兩歲細仔Elvis人仔細細卻性格十足, 留足兩年長髮最近才肯剪短。

林芊妤囝囝吸19萬fans、孫慧雪口仔囝超可愛!圈中得意星二代B仔B女出籠