索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑

娛聞

廣告

呢期社交網絡流行玩一人一句有聲說話挑戰,講到有聲說話,點能夠少呢一句:「白恤衫,因你變耀眼……」首歌就係黎姿26年前嘅舊作,不過正所謂:「是你喜歡的一身素色最自然服飾,藏著魅力無限!」有時簡簡單單嘅恤衫配搭,都可以極盡誘惑!

撰文、圖片:東方新地

陳自瑤

8歲囡囡靖喬最近容貌在抖音曝光,白白淨淨眼仔碌碌,被網友盛讚可愛靚女顏值高!其實39歲媽咪陳自瑤都一樣keep到,吊帶top外一襲淺藍恤衫盡顯熟女韻味。

索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑

陳欣妍

16年出道舊相曝光,陳欣妍眼耳口鼻都完全進化判若兩人,唔通做gym唔止改變身材,仲有進化五官嘅神奇功效?

索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑

莊韻澄

39歲莊韻澄最近晒鑽戒公布結婚,無論有冇愛情滋潤,Ecup女神隨時保持容光煥發狀態大勇,白色bra加白恤衫正係好多人心目中最經典穿著。

索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑

沈殷怡

拍攝 ViuTV 行山節目《 美女郊遊遊 》成功彈起,26歲沈殷怡憑青春無敵加上驕人身材,換上白恤衫不經意露出白滑膊頭,山系女神其實都有文靜性感一面。

索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑

周秀娜

疫情影響工作量大減,周秀娜利用多出來嘅時間日日出海玩水,結果本來已經瘦削嘅身形又見縮水,呢個白恤衫 look 更見骨感!

索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑

陳偉琪

36E 咪神陳偉琪醉駕搞到被無綫飛出《 愛·回家 》劇組兼雪藏,前途未卜下再嚟一個收起笑容白恤衫look,感覺有啲似當日一本正經上庭嗰個造型。

索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑

湯洛雯

同馬國明蜜運中更盛傳已經收樓就快拉埋天窗,純情又甜美嘅靚湯湯洛雯,呢個男友視角白恤衫造型,的確誘人。

索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑

蘇皓兒

拍完《 那些我愛過的人 》後一排未有新作,其實蘇皓兒埋緊位拍攝入電視台後第二部作品《金宵大廈2》,長腿姐姐好快又同大家見面。

索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑

樂宜

成個夏天都係以比基尼、小背心示人,天氣轉涼仲立埋冬,終於披番件白恤衫嘅樂宜一樣性感難掩好身材。

索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑

馮盈盈

性格直爽搞到是非多多,不過呢樣亦都係港姐馮盈盈最可貴之處,簡簡單單一件白色恤衫最襯佢,乾淨又爽朗

索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑

何依婷

新版《 十月初五的月光 》落實由全新面孔全新陣容演出,執到支好籌飾演女主角祝君好嘅何依婷,上唔上到位就睇呢鋪。

索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑

湯怡

同前度洪卓立分手眨吓眼兩年,依然單身嘅湯怡愈戰愈勇愈嚟愈索,連帶事業心都愈嚟愈強。

索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑

陳嘉寶

唔聲唔聲原來已經生埋第二胎,陳嘉寶話你知,寬鬆白恤衫係遮肚保守秘密最佳裝束。

索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑

林凱恩

臭味相投就係呢啲,難怪林凱恩同郭嘉文多年好姊妹感情不變,皆因大家都係清純又慳家,樸素白恤衫最襯佢。

索媽陳自瑤顯熟女韻味、陳欣妍身材面貌全進化!女星噴血恤衫純情中藏誘惑