忘不了

電影《忘不了》重播!重溫童星原島大地大個仔 閃娶長髮日籍女友

娛聞

廣告

ViuTV周六(30日)晚上8點半播出電影《忘不了》,當中令人「忘不了」的中日混血靚仔童星原島大地現在已經23歲,去年5月24日凌晨他突然在微博公布將展開人生新一頁,與同年的日本女友結婚,當日消息一出即得到不少網友祝賀,亦有不少網友搵出佢宣傳電影《某日某月》時的訪問,原來青靚白淨的原島大地雖然在香港、廣州、日本、澳洲四個地方都居住過,反而戀愛史就唔多!

文:東方新地|圖:新傳媒圖片庫、原島大地微博

《忘不了》原島大地在賽車隊工作

原島大地與太太結婚至今僅半年多,當日他曾表示並非奉子成婚,而是因為當時他要離開東京到富士山附近的神川奈縣的公司工作,擔心會和女朋友相隔兩地感情變得不穩定,因此他便下定決心和女友拉埋天窗。原來原島大地受到從事汽車行業的父親影響,對賽車事業比做明星更有興趣,現在正於日本一個賽車隊中擔任賽車維護的工作,他直言:「以後如果遇到合適的戲我才會接拍,沒有的話我就會繼續做好目前的工作。」

《忘不了》原島大地
電影《忘不了》捧到張柏芝做影后,亦令原島大地成為當年最炙手可熱童星,不過令人心都赤的一場保良局外喊戲,原島自爆係被媽媽搣到喊。
《忘不了》原島大地
小時候的原島大地笑起來俊俏又可愛,成功擄獲了不少粉絲的歡心。
《忘不了》原島大地
現在原島大地正於日本一個賽車隊中擔任賽車維護工作,他表示平凡的日子令他過得更加快樂。

老婆與林穎彤撞樣

去年身在東京的原島大地未有因疫情而影響好心情,在5月24日微博上公布和女友結婚的喜訊:「我結婚啦!老婆是22歲(現在應已23歲)的日本女孩HaRuNa(晴奈)謝謝大家一路以來的關心!願大家平安健康!​​​」並公佈老婆肖像,有網友則指原島大地老婆貌似香港女星林穎彤。

《忘不了》原島大地
原島大地在彩虹橋前和老婆晴奈合照。
《忘不了》原島大地
有網友指原島大地老婆貌似香港女星林穎彤。
《忘不了》原島大地
原島大地手執一大束紅玫瑰,相信正在求婚現場。

原島大地 戲如人生:再次戀愛

原島大地2018年曾重返香港影壇,在電影《某日某月》第一次擔大旗、第一次有感情線、第一次在大銀幕裡和湯怡談一場遙距戀愛,說到愛情,原島大地面紅紅,說做人希望低調一點,不過還是不小心透露了廿歲仔之前只拍過一次拖:「唔係香港女仔,都唔係澳洲鬼妹,係日本人,puppy love,簡簡單單好pure,不過已經分咗手囉!」

《忘不了》原島大地
原島大地自言拍拖經驗不多,並認為感情事該低調處理。
《忘不了》原島大地
原來原島大地的初戀對象都係日本女仔。

靚仔又會打籃球,煲日劇煲得多,以為原島大地返學日常一定係打波有女高中生打氣團、平日不停收告白信、情人節打開locker肯定係被表白朱古力塞爆⋯⋯其實不然。

《忘不了》原島大地
上學和拍戲以外,原島最喜歡打籃球,也是學校籃球隊中堅份子:「所以我返日本就唔想接job,最享受做個普通學生,做自己鍾意嘅嘢!」
《忘不了》原島大地
少年時期的原島大地靚仔又會打籃球。

「咁多年,收過一次朱古力咁大把,仲要係全班男仔人人有份嗰隻⋯⋯告白信都收過一次,不過諗過考慮過,大家性格唔啱,都係拒絕咗佢。好多人睇日劇同漫畫睇得多,以為球場邊有好多愛情故事、球員成日同球隊manager係一對,我喺學校籃球隊、個manager都真係女仔,不過佢好專業喎。同埋練波次次放學都係匿埋喺體育館,根本就冇女學生做觀眾⋯⋯哈哈!」

《忘不了》原島大地
原島大地自爆廿歲仔僅僅拍過一次拖,又謙虛話好少收女仔情信和情人節朱古力,但原島微博私相簿卻有不少被女同學包圍相,擺明受異性歡迎。
《忘不了》原島大地
原島大地話只收過一次告白信,不過考慮過後佢都係拒絕咗。

第一次拍感情戲

原島大地續說:「所以我話我鍾意拍戲,拍《某日某月》時真係好似拍咗第二次拖,不過呢次唔係好似上次咁單純,知道兩個人鍾意都未必可以喺埋一齊,原來現實會將兩個人拉遠、原來身邊會有人反對、原來就算再鍾意但係又不得不離開個感覺係咁,個心真係可以好痛!細個拍戲我根本唔知咩係演戲,去到片場就係玩、對白都係媽咪幫我背、教我唸,今次係我第一次喺戲中有感情線,第一次自己學識投入角色,去理解如果同鍾意嘅人分開感覺係點,感覺唔似係拍咗場戲,而係過咗一段人生、多咗一次心痛經歷。」

《忘不了》原島大地
原島大地直言拍《某日某月》係佢第一次拍感情戲,感覺好似過咗一段人生、多咗一次心痛經歷。
《忘不了》原島大地
在《某日某月》中原島大地和年紀相差十歲的湯怡演一對,他說:「佢真係好友善、好可愛,基本上次次對住佢都會搞到笑場,同佢拍戲真係好開心!」

最愛日本女孩

港女、鬼妹定日本妹,在澳洲、香港、廣州還有日本都生活過的原島大地則說,因為同聲同氣,還是最喜歡日本女孩:「我唔使佢好靚,最好係似我一樣好平凡、又好平淡,頭髮唔好太長又唔好太短、性格唔好太外向又唔好太內向,仲有一樣好緊要,做運動一定會加分。」

《忘不了》原島大地
17年原島高中畢業,話雖最感慨要和高中同學各散東西,實情約埋最好朋友齊齊升上大學主修埋同一科國際關係。

乖巧如原島大地,自言也曾經反叛過、曳過、試過激親媽咪:「細個喺片場囉,當正係遊樂場一樣,周圍走、周圍擒,搞到媽咪成日要周圍捉我返去,片場啲工作人員就一個二個怕咗我,怕我跌親!」咁就係最曳最反叛?!咁好嘅仔去邊度搵?

《忘不了》原島大地
原島大地話佢細個拍戲時根本唔知咩係演戲,去到片場就以為係去玩,當正片場係遊樂場一樣,周圍走、周圍擒,對白都係媽咪幫佢背同教佢唸。

偶像係劉德華

最後原島大地表示自己的偶像是家庭事業都成功的劉德華、還有錫兩個女錫到燶的NBA球星Stephen Curry,相信暖男原島除了成為一個好老公外,將來也一定會成為一個好爸爸!

《忘不了》原島大地
原島大地視家庭事業都成功的天王劉德華為自己偶像。
《忘不了》原島大地
結婚僅半年多的原島大地,唔知幾時會升呢做一個好爸爸?