新歡曝光 法拉嗒法籍哈佛才子

新歡曝光 法拉嗒法籍哈佛才子

娛聞

廣告

自從2013年跟前夫薛世恆五年情玩完後,陳法拉隻身到美國讀書,不但展開人生新一頁,連愛情亦進入新階段!最近,法拉被爆搭上法籍哈佛才子Emmanuel Straschnov(司馬諾),對方不但高大靚仔,更係前法國駐日外交官,來頭咁勁難怪迷倒法拉!

 

延伸閱讀:

揭段通天被殺真相 刁蘭為幫兇!

《城寨》砵仔糕老闆 歐瑞偉後生勁型仔

 

美國留學譜戀曲

自從2013年約滿TVB後,法拉簽咗俾陳慧琳經理人鍾珍,但就甚少接job,之後全職做學生,去美國紐約修讀戲劇碩士課程。回復單身後,法拉盡情玩樂,一放假就周圍玩,更於當地認識了一班好友!據知,法拉期間搭上法籍哈佛才子司馬諾!曾任法國駐日外交官嘅司馬諾,練得一口流利普通話,而且熱愛中國文化,當時佢由朋友介紹下認識到當地留學嘅法拉,二人幾次約會後,漸生好感於是便好快墮入愛河!

 

收埋男友

有指法拉跟司馬諾拍拖半年後,為免男友被起底,一直收埋對方!不過,法拉期間返港出騷,男友亦有秘密同行!數月前,法拉跟男友被傳媒影到於機場秘密返美,期間法拉跟司馬諾刻意保持距離,素顏兼戴上口罩的法拉辦理登機手續時,警覺性極高不時四圍望,而入到禁區後,法拉依然高度戒備,跟男友進入航空公司的貴賓廳休息,至最後一刻,才跟男友前後腳登機離開!

不過,數月前跟司馬諾返美時,法拉仍留長頭髮,到上月跟子華神合作演舞台劇前,法拉曾於fb直播剪了一頭清爽短髮,唔知依家法拉跟司馬諾仲係咪一齊呢?

 

司馬諾來頭勁

法拉法籍新歡司馬諾唔止有型,而且才華十足!司馬諾熱愛攝影及中國文化,更精通普通話!畢業於美國哈佛大學MBA,主修工商管理的他,曾返法國任數學教師,06年轉任法國駐日外交官,主力分析中國及日本的金融經濟!11年,出任知名品牌Prada美國CEO特別助理,一年後,他自立門戶,於美國創立電腦程式公司Bubble,教人唔使寫程式亦可建立網頁及app嘅生意,公司業務更擴展至台灣!

全文完

關鍵詞
陳法拉