新片《原諒他77次》阿Sa自編自演玩晒

新片《原諒他77次》阿Sa自編自演玩晒

娛聞

廣告

由英皇電影及星美影業聯合榮譽出品新片《原諒他77次》今日舉行開鏡禮,主角蔡卓妍、周柏豪、鍾欣潼、C君(農夫)、鄭希怡、盧巧音、雷琛瑜(J.Arie)、衛詩雅及導演邱禮濤與編劇李敏都有出席!今次唔止係阿Sa與邱禮濤、李敏「鐵三角」再拍新戲,阿Sa更破格撈埋幕前幕後,一腳踢玩晒!

 

延伸閱讀︰

花曼王君馨打得 原來仲煮得

拆解《城寨英雄》8大謎團

 

預演婚禮

今日的開鏡禮,劇組來到婚禮場地Club One拍攝一場結婚埸口,J.Arie率先預演婚禮,並由姊妹團阿Sa、Yumiko、衛詩雅及盧巧音陪伴出場,為了祈求拍攝順利,導演邱禮濤率領編劇李敏及一眾演員進行拜神切燒豬儀式,老闆楊受成博士也親自到場以示支持。

之後J.Arie拋花球,阿Sa幸運奪得,難怪笑容燦爛!至於阿嬌與柏豪於片中分別演阿Sa好友及男朋友,其中柏豪與阿Sa經常因小問題而發生爭執,當阿Sa原諒柏豪第77次後,第78次終於忍唔住同對方分手!

 

全方位升呢

新片《原諒他77次》根據李敏的同名小說改編,阿Sa對小說及電影劇本一直積極俾意見,更將過往拍拖點滴「赤裸裸」剖白,務求俾編劇李敏為佢度身訂造愛情故事,阿Sa說:「過往我喺電影方面較被動,一直等到遇上好劇本先演,但自從跟編劇李敏、導演邱禮濤合作過《雛妓》之後,我開始有與其被動去等好劇本,不如自己主動創作嘅諗法,所以今次嘅劇本我一直努力參與其中,希望創作一個屬於自己嘅愛情故事。」所以,阿Sa今次不但做演員,仲參與編劇、選角及製作預算等工作,一腳踢瓣瓣做,全方位升呢!

全文完

關鍵詞
阿Sa