周柏豪

周柏豪老婆是誰? 太太 Stephanie 真面目獨家曝光!觀塘孖咇出巡激罕露面

娛聞

廣告

36歲周柏豪同老婆Stephanie(朱敏君)結婚三年,索妻真面目一直相當神秘,前年周柏豪唔聲唔聲做老竇,老婆Stephanie為他誕下第一胎6.7磅小公主、今年再添了一名弟弟,瞞足成個大肚過程相當高招,《東方新地》曾獨家捕獲柏豪護妻出巡,揭開周太神秘面紗⋯⋯

撰文:《東方新地》娛樂組●採訪、攝影:攝影組●設計:美術組

當年天王劉德華秘密收埋女友朱麗倩,結婚生女亦唔公開,可以話係娛樂圈經典,時移勢易,藝人拍拖結婚生仔鍾意開心share,不過都有例外例子周柏豪。

忽然又有咗!周柏豪太太出院時低調蒙面

之前仲話努力造人中的周柏豪,19年尾被踢爆秘密產女,才開心上載三張湊女親密照,不過,休息五日出院的周太,依然未有同老公柏豪企埋一齊影相,罕有現身繼續保持低調,當日下午12時半柏豪率先一個人步出港安醫院,跟在場傳媒打招呼,之後便一直企在七人車旁,此時,老婆Stephanie由抱住B女的柏豪媽陪同步出醫院,B女用毛巾包到冚,周太亦戴上口罩及冷帽,著住厚衛衣和大褸擋風,一直低下頭行上車,柏豪受訪時未有多講老婆,不過一提湊女便眉開眼笑,坦言已幫囡囡換過三次尿片,全程掩不住升任爸爸的興奮!

▲B女面頰脹卜卜兼頭髮濃密,雖然瞇埋眼亦可見眼線長長,相信遺傳咗父母嘅大眼睛,柏豪更冧爆望住前世情人!
▲B女面頰脹卜卜兼頭髮濃密,雖然瞇埋眼亦可見眼線長長,相信遺傳咗父母嘅大眼睛,柏豪更冧爆望住前世情人!
▲老婆大肚收收埋埋冇人知,周柏豪直至囡囡出世第三日,才開心向外報喜,並開心share湊女甜蜜照,新任爸爸深情錫住B女額頭,父愛泛濫!
▲老婆大肚收收埋埋冇人知,周柏豪直至囡囡出世第三日,才開心向外報喜,並開心share湊女甜蜜照,新任爸爸深情錫住B女額頭,父愛泛濫!

經常強調要保護家人的周柏豪,同女友Stephanie長跑十年先結婚,一直將女友收收埋埋更自稱單身,Stephanie廬山真面目和背景相當神秘,直至14年在叱咤頒獎禮連掃多個大獎,柏豪才首度在台上公開多謝女友:「感謝你陪我長大,經過好多難關,我會跑快些,跑到我們的終點,我愛你,多謝你的耐性!」被柏豪盛讚有耐性的Stephanie,更非常賢淑能。

獨家捕獲!柏豪護妻Stephanie出巡

其實專登請假一星期陪老婆生B的柏豪,自從老婆Stephanie陀B已減少工作爭取時間陪實照顧,早前,《東方新地》便獨家捕獲柏豪護妻Stephanie出巡,周太廬山真面目極罕曝光,當日二人一齊返回觀塘寫字樓,快生產的周太,得天獨厚完全冇水腫,離開時柏豪一個人抽住兩大袋服裝,不用老婆操勞,更小心翼翼傍實老婆上車,多功能老婆收服廿四孝好老公,幸福畫面羡煞旁人!

▲周太Stephanie生B前,本刊獨家捕獲柏豪夫婦孖咇返觀塘寫字樓,雖然著住oversize牛仔褸遮掩,Stephanie巨肚當時已好有份量,愛妻號柏豪全程緊張護妻,更為老婆開埋車門,小心照顧老婆上車!
▲周太Stephanie生B前,本刊獨家捕獲柏豪夫婦孖咇返觀塘寫字樓,雖然著住oversize牛仔褸遮掩,Stephanie巨肚當時已好有份量,愛妻號柏豪全程緊張護妻,更為老婆開埋車門,小心照顧老婆上車!
▼周柏豪陪住大肚老婆Stephanie返觀塘Office攞衫,粗重嘢由他做晒,Stephanie則輕鬆挽著手袋跟在老公身後。
▼周柏豪陪住大肚老婆Stephanie返觀塘Office攞衫,粗重嘢由他做晒,Stephanie則輕鬆挽著手袋跟在老公身後。

現場所見,Stephanie的確得天獨厚,即使就嚟生得仲五官輪廓完全冇走樣,就連手腳都冇水腫。 周柏豪老婆是誰? 太太 Stephanie 真面目獨家曝光!觀塘孖咇出巡激罕露面

▲安頓好老婆上車後,柏豪才上司機位準備駕車離開,新任爹哋更難掩喜悅,臨走前仲笑到見牙唔見眼!
▲安頓好老婆上車後,柏豪才上司機位準備駕車離開,新任爹哋更難掩喜悅,臨走前仲笑到見牙唔見眼!
《東方新地》就獨家捕獲柏豪護妻出巡,揭開周太神秘面紗⋯⋯
《東方新地》就獨家捕獲柏豪護妻出巡,揭開周太神秘面紗⋯⋯