擋不住的肉球!盤點娛樂圈資深貓奴 女星愛心爆棚領養8隻貓

娛聞

廣告

近日杜汶澤同田蕊妮嘅愛貓Momo突然離世,雖然兩公婆極度傷心,但失去至愛令佢哋再次對生命有所頓悟,從阿澤嘅悼文中可以感受到佢哋對MoMo早已超越人類同寵物嘅關係!其實圈中都有好多資深貓奴,對於主子,甚至比親人更親!

撰文、圖片:東方新地

蔡卓妍為愛貓砌「 城堡 」

愛貓取名嚦咕,阿 Sa 亦稱呼嚦咕為「 老細 」,嚦咕更長期佔據著阿 Sa 嘅社交平台。早排阿 Sa 留家自我隔離,就花咗兩粒鐘砌咗個「 城堡 」,方便主子遊樂放電。

擋不住的肉球!盤點娛樂圈資深貓奴 女星愛心爆棚領養8隻貓

有時佢喺客廳畫畫,嚦咕又會陪伴身邊搞搞震㖭!
有時佢喺客廳畫畫,嚦咕又會陪伴身邊搞搞震㖭!

鍾欣潼搵動物傳心師幫手溝通

阿嬌嘅愛貓叫QQ,為咗更加了解愛貓,阿嬌仲特登去搵動物傳心師幫手溝通。阿嬌話 QQ 最唔鍾意佢玩手機,因為主子怕光呀!

擋不住的肉球!盤點娛樂圈資深貓奴 女星愛心爆棚領養8隻貓

舒淇十八歲開始就養貓

貓奴舒淇自十八歲開始就養貓,當年第一隻養嘅金吉拉取名 May。2013年聖誕節,老公馮德倫送贈一隻同一品種,為紀念 May,舒淇替新主子取名 MayMayBoy,又怕佢寂寞,仲多養一隻白色金吉拉,改名 MayMayGirl,互相陪伴。

擋不住的肉球!盤點娛樂圈資深貓奴 女星愛心爆棚領養8隻貓

鄭秀文自稱與貓有緣

Sammi 一向愛心爆棚,同老公許志安飼養狼狗「 Lucky 」及英國短毛貓「 肥Mike 」。Sammi 自稱與貓有緣,曾表示鄰居搬走後留下老貓 Coco,佢就同另一鄰居合力照顧對方,直至 Coco 終老離世。

擋不住的肉球!盤點娛樂圈資深貓奴 女星愛心爆棚領養8隻貓

英國三色短毛貓肥 Mike,樣子討人喜愛。
英國三色短毛貓肥 Mike,樣子討人喜愛。

周秀娜勁嗲異國短毛貓

主子波波係異國短毛貓,奴才周秀娜自言對呢個品種特別有研究,佢哋呼吸系統較弱,腸胃亦比較差,要特別關注。Chrissie話每次返到屋企,波波都會喺佢腳邊兜圈,然後瞓喺地要佢摸,勁嗲!

擋不住的肉球!盤點娛樂圈資深貓奴 女星愛心爆棚領養8隻貓

陳靜愛貓床上小便又嬲又好笑

DaDa 兩隻貓分別叫 MiMi 同小虎,有一次佢唔記得清潔貓砂盆,兩隻貓故意喺佢床上小便,最後搞到床單、床褥都要換呀陰功!

擋不住的肉球!盤點娛樂圈資深貓奴 女星愛心爆棚領養8隻貓

床上小便事件,DaDa懲罰兩隻貓兩個星期冇得食蝦零食。
床上小便事件,DaDa懲罰兩隻貓兩個星期冇得食蝦零食。

杜汶澤、田蕊妮 愛貓每晚等主人回家

杜汶澤同田蕊妮飼養金吉拉貓Momo七年,近日不幸離世,夫妻分別喺社交平台發文表達不捨之情。阿澤認為生命無常,叫大家活在當下。而阿田就話Momo個樣好似好惡,實情就係好甜好嗲人嘅女仔,無論爸爸媽媽做到幾夜返屋企,佢都會喺門口等佢哋,迎接回家。

擋不住的肉球!盤點娛樂圈資深貓奴 女星愛心爆棚領養8隻貓

周慧敏愛貓如命

愛貓如命嘅 Vivian 養過七隻貓,更曾為愛貓出書,推出《 我的貓兒子周慧
豹 》記錄人與貓嘅生活點滴。陪伴佢十七年嘅阿豹去世後,老公倪震為佢
帶來新主子豬皮、BB,原來佢哋同阿豹都有血緣關係。

擋不住的肉球!盤點娛樂圈資深貓奴 女星愛心爆棚領養8隻貓

Vivian 與 BB 形影不離。
Vivian 與 BB 形影不離。

袁文傑願以自己時間延續愛貓生命

袁文傑養咗兩隻異國短毛貓「囡囡」和「囝仔 」。2011年「 囡囡 」離世,去年「 囝仔 」十歲生日,佢話希望以自己嘅時間延續愛貓嘅生命。原來「 囝仔 」確診患癌後,接受長達九個月嘅化療,去年八月終敵不過癌病離世。轉眼一年過去,袁文傑至今仍將「囝仔」嘅貓砂盆留在家中。

擋不住的肉球!盤點娛樂圈資深貓奴 女星愛心爆棚領養8隻貓

薛凱琪靠愛貓治抑鬱

2008年患上抑鬱症嘅薛凱琪,翌年獲好友梁祖堯贈送摺耳貓 Ponyo,Fiona 話大部分時間都花喺照顧 Ponyo 上,令病情得以紓緩。與貓結下不解之緣,有晚深夜完成錄音,經過巴士站時遇到被遺棄嘅兩隻初生貓咪,Fiona 將佢哋一併「 打包 」,取名 Tissue 和暖暖,後來 Tissue 因先天性心臟病離世,Fiona 憑歌寄意,創作〈 復原 〉一曲悼念愛貓。

Ponyo名字正是來自《崖上的波兒》,Fiona第一眼就覺得呢隻摺耳貓好似波兒。
Ponyo名字正是來自《崖上的波兒》,Fiona第一眼就覺得呢隻摺耳貓好似波兒。

唐詩詠打開雪櫃見到愛貓

貓奴唐詩詠本身有兩隻貓,今年年初迎來新成員蛋蛋。小貓初來報到,就發生咗一段小插曲,話說Natalie諗住煮隻蛋嚟食,點知打開雪櫃,竟然見到蛋蛋用屁股背向著佢,坐喺大堆食物中,仲起勢咁擺尾,笑到佢肚痛!

擋不住的肉球!盤點娛樂圈資深貓奴 女星愛心爆棚領養8隻貓

傅嘉莉愛貓屬鐵漢柔情

家中養有兩隻貓,相中灰白色叫Bebe,貓女就叫Gebe,兩隻都十多歲了。傅嘉莉話Bebe樣好cool,但把聲好嗲,呢啲叫鐵漢柔情,所以我啲朋友都會叫佢做青雲。

擋不住的肉球!盤點娛樂圈資深貓奴 女星愛心爆棚領養8隻貓

莊韻澄領養八隻貓

前名莊端兒嘅莊韻澄,領養咗八隻貓,包括一歲半布偶貓Galaxy、十歲英國短毛貓Miumiu、唐貓Lily同七歲唐貓蕉蕉等。莊韻澄每次做瑜伽直播時,多管閒事嘅主子們都一定會入鏡,相當搞笑!

擋不住的肉球!盤點娛樂圈資深貓奴 女星愛心爆棚領養8隻貓