近日內地爆出男星王寶強突然宣佈離婚，本來明星離婚好平常，加上王寶強晌香港冇乜人識，少人講都唔出奇。但其實呢單離婚內情非常曲折離奇，原來王寶強老婆馬蓉搭上王寶強個經理人宋喆，兩人有婚外情多年，搞到王寶強懷疑自己一對仔女唔係親生，要去做DNA測試；日前再有疑似馬蓉酒店偷情相流出，咁嘅劇情，真係奧斯卡編劇都未必寫到！