王君馨

腩肉變蛇腰 王君馨20吋腰點練成?

娛聞

廣告

王君馨飾演嘅花曼,晌《城寨英雄》入面非常搶鏡,連殺福壽金同馮春美兩個大佬,又同親生阿哥拳佬相認,打鬥溫情場面全部包辦晒!終於捱出頭嘅君馨,為角色特登苦練八極,兼且好俾心機做運動加節食,終於成功練成一條20.5吋蛇腰!

延續閱讀:

春美奸得滯 吳家樂自認冇信心做得好

女神王君馨索爆丁圖

 

劇中身手了得又係八極高手,王君馨除咗睇得仲要打得,而且花曼長期要着旗袍同緊身戰衣,有少少肥肉都着得唔好睇。所以君馨開拍前努力修身,務求以最fit狀態示人。

君馨會做大量高強度運動,包括掌上壓、Step-up同現時好流行嘅平板支撐(Plank),連羽毛球都打埋,全方位運動燒脂!

除咗運動,君馨對飲食亦相當有節制,試過先食兩隻茶葉蛋,再到健身中心操練兩個鐘,完成訓練後只飲一杯果汁解渴!即使拍完《城寨》可以放鬆啲,君馨都堅持晚餐要有肉有蛋有菜,保持營養均衡!對比《My盛Lady》同《熟男有惑》時有肚腩,手臂又肉地,君馨現時簡直fit過當年選港姐呀!

全文完