佘詩曼劇接劇未停過、胡杏兒搵細囝陪搵人仔!藝人無懼疫情冒險北上吸金

娛聞

廣告

一場世紀疫情,令到全球秩序大亂,首當其衝就係娛樂表演事業,幾乎全告停頓。藝人明星難得放個長假,有得重拾久違了的家庭樂固然係意外收穫,不過有得揀,梗係希望盡快有工開有錢搵。早排內地疫情開始受控,影視拍攝和節目製作亦都逐漸恢復正常,唔少香港明星陸陸續續北上復工。來回前後要隔離二十八日,一出發有排都返唔到香港,雖然唔方便,不過人仔可以排除萬難!

撰文、圖片:東方新地

佘詩曼疫情期間劇接劇未停過

去年底完成拍攝嘅內地劇《鬢邊不是海棠紅》今年三月全國首播,而呢邊廂播緊《鬢》劇,人已經去咗內蒙拍攝另一套《燕雲台》,佘詩曼唔係極速復工,而係就算疫情期間都劇接劇未停過。

佘詩曼劇接劇未停過、胡杏兒搵細囝陪搵人仔!藝人無懼疫情冒險北上吸金

胡杏兒同老公協議一人湊一個

同期花旦同期北上除咗佘詩曼仲有胡杏兒,今年九月要北上參與真人騷《 演員請就位2 》,杏兒同老公李乘德協議一人湊一個,自己就帶咗歲半細仔 Ryan 陪開工,一家四口連中秋都要分開兩地過呀陰功。

佘詩曼劇接劇未停過、胡杏兒搵細囝陪搵人仔!藝人無懼疫情冒險北上吸金

林峯太太臨盆在即時照接劇

太太張馨月之前陀緊B臨盆在即時,林峯已經北上復工同其他演員一齊出席新劇 《星辰大海》 開 機儀式。其實除咗呢套,早於五月林峯已經埋班拍緊王晶製作嘅新版 《倚天屠龍記》 電影。

佘詩曼劇接劇未停過、胡杏兒搵細囝陪搵人仔!藝人無懼疫情冒險北上吸金

黃浩然《倚天屠龍記》青翼蝠王

王晶製作、林峯飾演張無忌嘅新版 《倚天屠龍記》 電影今年五月在內地恢復拍攝,大部分幕前都係香港演員班底,其中一個就係飾演青翼蝠王嘅黃浩然,亦早已北上完成工作已回港。

佘詩曼劇接劇未停過、胡杏兒搵細囝陪搵人仔!藝人無懼疫情冒險北上吸金

劉心悠照舊一年一戲一劇

產量唔算高、一年一戲一劇嘅劉心悠都因為內地疫情受控,中秋前已經飛咗上內地開拍新劇《生活家》,仲送咗代言月餅請晒全劇組仝人食當係見面禮。

佘詩曼劇接劇未停過、胡杏兒搵細囝陪搵人仔!藝人無懼疫情冒險北上吸金

張智霖袁詠儀為賺人仔錯過魔童生日

袁詠儀今年四月已經北上補拍電影,相對放足十個月假,10月至北上接受隔離再開工拍新戲《掃黑行動》嘅老公Chilam,已經遲開工得多。搵食至上,兩公婆夫妻檔會合出席埋雙十一之夜獻唱,連11月12日寶貝仔魔童嘅14歲生日都錯過埋。

佘詩曼劇接劇未停過、胡杏兒搵細囝陪搵人仔!藝人無懼疫情冒險北上吸金

蔡少芬張晉囝囝滿半歲即極速北上

去年11月至生完第三胎,囝囝剛滿半歲,內地疫情亦剛好放緩,蔡少芬已經極速北上參與新一季節目《妻子的浪漫旅行》錄影,冇耐,連老公張晉都北上會合拍埋一份。

佘詩曼劇接劇未停過、胡杏兒搵細囝陪搵人仔!藝人無懼疫情冒險北上吸金

高海寧打入內地市場捉緊機會

雖然客串短短幾幕,不過現身劇集係紅遍全國嘅《 三十而已 》,角色仲要舉足輕重,執到支好籌嘅高 Ling 亦因此成功打入內地市場,拍完新劇《 七公主 》後都即刻飛咗去北京開工,剛完成隔離投入拍攝中。

佘詩曼劇接劇未停過、胡杏兒搵細囝陪搵人仔!藝人無懼疫情冒險北上吸金

陳小春應采兒為賺人仔直播生仔

基本上成個疫情期間,陳小春應采兒同囝囝一家三口,甚至連應采兒父母,都冇放棄過賺人仔。陀住二胎全程直播到入產房,都有湖南衛視拍攝隊全程跟拍《新生日記2 》,其後一家六口北上繼續拍攝,陳小春則邊拍真人騷同時接下不少演唱騷。

佘詩曼劇接劇未停過、胡杏兒搵細囝陪搵人仔!藝人無懼疫情冒險北上吸金

為求節目效果,唔止囝囝 Jasper 有份參演,應采兒更帶埋父母亮相。
為求節目效果,唔止囝囝 Jasper 有份參演,應采兒更帶埋父母亮相。

林曉峰謝天華拍新戲《風速極戰》

今年九月驚爆同結婚十八年嘅老婆康子妮離婚消息,疑似大受打擊剷晒前妻相嘅林曉峰,好彩有戲開可以寄情工作,同月底就出發珠海開始十四日隔離,然後同謝天華、元秋、元華一齊拍新戲《風速極戰》

佘詩曼劇接劇未停過、胡杏兒搵細囝陪搵人仔!藝人無懼疫情冒險北上吸金

李國麟大讚內地防疫工作做得好

除咗小生花旦,其實甘草演員都好受內地觀眾同劇組歡迎,今年八月李國麟算係最早一批北上復工嘅香港演員,隔離完仲大表感慨,大讚內地防疫工作做得好。

佘詩曼劇接劇未停過、藝人無懼疫情冒險北上吸金