31歲謝芷倫透視裝狂操身型 《法證IV》扮真空死屍出位

撰文、圖片：東方新地、謝芷倫IG、Facebook

謝芷倫開心上位 IG甫靚相

近日更扮死屍扮到人氣急升，在《法證先鋒IV》演情婦角色的謝芷倫，近日風騷在IG出靚相拼圖，心情靚靚造型也特別悉心打扮：

謝芷倫《法證IV》扮真空死屍出位

無綫重頭劇《法證先鋒IV》，首集跨平台平均收視高達 37.1點，破盡八年來紀錄，收視勢如破竹，令TVB一夜間回到巔峰，一班參與拍攝的演員全部升呢，不過，講到最出位，並唔係一班劇中主角，而係近日在新單元中扮演情 婦，被殺後放入膠袋真空密封的新晉小花謝芷倫，首次扮演死屍角色的她，接到劇本二話不說親身上陣。

同劇演員大讚謝芷倫專業

據知情者透露：「監製梅小青出名要求高，今輯《法證》比起之前三輯更嚴謹，做足晒資料搜集，一班演員嘅服飾裝備都一絲不 苟，就連扮演死屍都唔求其，平時一啲死屍，通常都係搵道具或者臨時演員做，但今次為求逼真，演員自己親身上陣，仲要真係被密封入膠袋然後真空，睇到觀眾嘩然，最難得係扮死屍嘅Jan（謝芷倫），知道要攝入個膠袋再抽真空，都冇扭擰話要搵替身，一口答應親身上陣，雖然有專業人員試晒位，但如果被真空嗰陣反應驚青亂咁郁，隨時會發生意外，好彩Jan冇怯場，一路聽工作人員指示，唔單止監製，就連同劇演員好似施嬅、煒哥、阿Shaun（譚俊彥）都大讚佢夠專業！」

雖然做足安全措施，不過當真正要被抽走空氣密封難免緊張，Jan拍攝前亦有過一刻不安。她說：「喺膠袋入面係要開住眼嘅，真空膠袋係貼住成個人，連眼球都貼住膠袋受壓好逼真，開頭都好驚，唔知會唔會抖唔到氣窒息，好彩公司搵專人試過晒，自己亦喺工作人員監管下綵排咗好多次，只要我閉氣幾秒，跟住佢哋會開番個袋，畀我有啲氣抖，佢哋亦有指示如果我喺裡面有咩感覺唔妥點同外邊溝通，絕對安全嘅，但觀眾千祈唔好學！」

周身刀張張利！謝芷倫透視裝操足兩粒鐘

16歲已經是公開田徑跨欄比賽冠軍人馬的謝芷倫，入行前已是田徑、羽毛球、芭蕾舞、鋼琴及瑜伽高手，但相比她奮鬥工作的拼搏精神，更不能小覷！入行後，謝芷倫雖然未見立即彈起，但平時一直保持鍛練，以保持體態及鬥志，日前謝芷倫如常到公園及運動場拉筋、壓腿一字馬、sit-up、跑圈，操足兩粒鐘，幾時都話機會是留給有準備的人。

更多靚相：

謝芷倫為演戲做兼職幫補家計

謝芷倫在《愛回家之開心速遞》中飾演一位可愛又大頭蝦的秘書Mandy，在老闆大小姐的身邊總鬧出不少笑話。不要看Mandy這個角色笨笨的，原來現實中謝芷倫是位多才多藝的女生。

中學畢業後，謝芷倫到澳洲著名大學繼續Macquarie University修讀工商管理系課程。

不過在完成乎課程後，她並沒有選擇收入可觀的金融行業，而是選擇了參選香港小姐，投身演藝路。

謝芷倫近年終於憑《開心速遞》Mandy一角成功入屋。不過其實初入行時她一點都不易捱，當時的謝芷倫收入不穩定，為了不讓家人擔心，於是她兼職教芭蕾舞及鋼琴。到了現在，即使工作再繁忙，她為了不想放棄跟她學琴多年的學生也堅持繼續教鋼琴！

她表示初初入行時，家人不理解為甚麼她要選一份收入不高又辛苦的工作，但謝芷倫不理家人的反對堅持追求她的演員夢。她坦言：「我份人一係就做，一係就不做，既然選擇了入行就要做下去。」她認為做人只要有清晰目標、信念堅定，再加上堅持，就一定會把夢想實現。她更以跨欄比喻：「當演員不是容易的事，當中會遇到很多阻礙，但看見障礙也要跨過去。」

Mandy狠摑大小姐

之前的《愛．回家之開心速遞》中，上演了一場情侶大誤會，事源係謝芷倫飾演的秘書林美香Mandy番到公司，於門口聽到林淑敏飾演的大小姐同人講：「玩下啫，有咩所謂。」之後對方就回應大小姐指對方係Mandy的男朋友，即秦博思（馬貫東飾）。聽到呢到係人女朋友都會即刻猜想究竟男朋友同對方發生咩事。

其後，大小姐仲繼續講：「玩厭咗就還番俾Mandy」令於門口聽到一切的Mandy懷疑對方搶自己男友，非常心痛！

之後，Mandy就懷疑男友秦博思為錢而出賣自己，仲問人係咪要扮唔知成件事。

其實，實情只係有一次秦博思發現咗大小姐同送水輝暗地裡拍拖，知道咗一切。事後，大小姐就聘秦博思做司機，接載佢去與男友送水輝嘅愛巢。

將一切都誤會咗嘅Mandy更上門捉姦，仲兜巴聲咗大小姐一下，睇到都覺得好痛！其後，Mandy先知原來係一場誤會，因為見到送水輝於屋中。