羅力威趁老婆大肚大膽起雙飛!雨僑懶理IG晒超靚孕照

娛聞

廣告

羅力威同雨僑結婚兩年,今年2月宣布造人成功,榮升為準父母!出名係愛妻號嘅羅力威自然好緊張,貼身服侍,近日仲要分身起雙飛㖭!大家唔好心邪,威威只係投入工作,一連推出兩首新歌啫!

撰文:東方新地、圖片:東方新地/IG

羅力威連出兩首新歌

羅力威今次推出兩首風格截然不同嘅新歌〈 旅行娃娃 〉及〈 廢物女友 〉,兩首歌同樣由佢親自作曲。〈 旅行娃娃 〉歌詞講述男主角雖然唔捨得女友獨自遠行,但最後都尊重女友想法,並以「 旅行娃娃 」代替自己陪伴對方到處闖蕩。被問到會否讓老婆獨自遠行,羅力威認為一齊去旅行先開心:「 如果撇低另一半好冇意思,雖然仲有啲貓陪住,但係喺屋企想睇吓電視、食吓嘢都冇人陪,好空虛,真係會好掛住對方。我哋去親旅行都係一齊去,因為我哋覺得永遠都係一齊去先最開心。」

羅力威近日忙於照顧大肚老婆之餘,亦不忘努力工作,親自操刀創作兩首新歌〈旅行娃娃〉及〈廢物女友〉。
羅力威近日忙於照顧大肚老婆之餘,亦不忘努力工作,親自操刀創作兩首新歌〈旅行娃娃〉及〈廢物女友〉。
〈旅行娃娃〉講述男主角唔捨得女友獨自遠行,決定以「旅行娃娃」代替自己陪伴對方四圍去。
〈旅行娃娃〉講述男主角唔捨得女友獨自遠行,決定以「旅行娃娃」代替自己陪伴對方四圍去。
冇咗另一半喺身邊感覺特別空虛。
冇咗另一半喺身邊感覺特別空虛。
羅力威透露之前因為工作而要單獨出門,佢會好唔捨得老婆,會好掛住對方,非常癡纏。
羅力威透露之前因為工作而要單獨出門,佢會好唔捨得老婆,會好掛住對方,非常癡纏。

雨僑IG晒超靚孕照

而另一首〈 廢物女友 〉節奏較輕快,內容則講述對方將自己最單純、最真實、最直接嘅一面展示於另一半前,而並非鬧對方係廢物。講到雨僑嘅「 廢物 」一面,羅力威笑老婆欠缺生活小智慧:「 佢喺好多事情上都好聰明,但就欠缺日常小智慧,可能就係自己照顧得自己唔太好。我喺呢方面比較優勝,譬如佢會成日唔記得嘢、會撈亂嘢、唔見嘢,我通常會幫佢搵番晒啲嘢出嚟。」夫妻之間從來都係一凹一凸互補不足,咁至係 perfect match 㗎!

〈廢物女友〉由陳智霖填詞,樂隊 Pandora編曲,Dash跟羅力威聯合監製,歌曲節奏輕快,係羅力威較少嘗試嘅曲風。
〈廢物女友〉由陳智霖填詞,樂隊 Pandora編曲,Dash跟羅力威聯合監製,歌曲節奏輕快,係羅力威較少嘗試嘅曲風。
由於節奏輕快,連 MV內容都以較輕鬆幽默嘅手法去表達。
由於節奏輕快,連 MV內容都以較輕鬆幽默嘅手法去表達。

另一方面,懷孕已經7個月嘅雨僑近日就喺IG大晒超靚孕照。佢仲留言話感受到BB嘅重量,無論疲倦定精神都有BB陪住,覺得係一段好美好嘅時光。真係隔住個mon都feel到有幾幸福!

羅力威早前就同雨僑一齊影咗輯孕照
羅力威早前就同雨僑一齊影咗輯孕照
懷孕嘅雨僑多咗一份媽媽嘅成熟美!
懷孕嘅雨僑多咗一份媽媽嘅成熟美!
另一個造型換上一條純白lace裙,感覺唯美之餘仲將準媽媽嘅美好身段表露無遺。
另一個造型換上一條純白lace裙,感覺唯美之餘仲將準媽媽嘅美好身段表露無遺。