25歲楊天宇孝順又有腦 為入行從190磅肥仔變爆肌鮮肉男神

娛聞

廣告

所謂遇強愈強,25歲爆肌鮮肉男神楊天宇(Angus),出道短短兩年,已演出經驗豐富,可以拍到巨星甄子丹、謝霆鋒、惠英紅、蔡卓妍及林峯,演出電影及電視劇,得猛人加持演技大躍進,網民勁Like,成為新一代優質潛力股。身高六呎,擁有40吋巨胸的 楊天宇,不但外形煞食,更是大學高材生兼運動健將,條件超晒班,出道不久已成電影搶手貨,已經拍下三部電影,更「疫!」市爆 Job,近日再接下兩部新片及一部電視劇,又在電台開咪做主持, 工作排山倒海,外界好評如潮即使未約滿,已獲英皇娛樂加簽續 約,絕對爆發力驚人!

撰文、圖片:東方新地

楊天宇成影壇搶手貨

2018年熱播網劇《 PTU機動部隊》,除了主角蔡卓妍、林峯型爆吸睛之 外,劇中PTU隊員楊天宇同樣醒神出位,演出獲網民大讚,擁有六呎身 高、40吋巨胸煞食外形,楊天宇甫出道便成為電影搶手貨,已先後拍過三 部電影《神探大戰》、《速戰》及《怒火》,去年又有份參與內地真人騷《演員的品格》演出,當中電影《怒火》更拍巨星甄子丹及謝霆鋒,贏在起跑線。

被喻為鮮肉肌男的楊天宇,自爆入行前體重高達190磅,為入行進行地獄式狂操,才練成今日一身爆肌身形。
被喻為鮮肉肌男的楊天宇,自爆入行前體重高達190磅,為入行進行地獄式狂操,才練成今日一身爆肌身形。
身高六呎的楊天宇,一身爆肌外形煞食,輕晒40吋發達胸肌已經好有睇頭。
身高六呎的楊天宇,一身爆肌外形煞食,輕晒40吋發達胸肌已經好有睇頭。
入行不久已成影壇搶手新人,在電影《怒火》拍巨星謝霆鋒及甄子丹,電影未上已矚目。
入行不久已成影壇搶手新人,在電影《怒火》拍巨星謝霆鋒及甄子丹,電影未上已矚目。
《怒火》開鏡當日同英皇老闆楊受成博士及一班演員合照,仍是新人的楊天宇已經有晒台型。
《怒火》開鏡當日同英皇老闆楊受成博士及一班演員合照,仍是新人的楊天宇已經有晒台型。

被霆鋒迷倒自稱觀察形學前輩做戲

能夠同兩位電影猛人拍戲偷師,楊天宇對兩大巨星讚不絕口:「講起霆 鋒,我真係迷咗,佢太有型,我好少日數同佢一齊拍,但佢一出場,已經好吸引,其中一場戲佢喺走廊行出嚟,已經好有型,始終佢拍動作戲好有經 驗,佢啲反應好快,喺戲入面好投入,太有型嘞好犀利!至於丹爺真係好打得,佢喺片場係一絲不苟,每樣嘢都要完美!」楊天宇坦言自己是觀察型,在片場會觀察霆鋒同丹爺演出,從兩人身上學到最珍貴一課:「我好少問,我係觀察型,每次等埋位,我都會睇佢哋點樣做,佢哋每個take都唔一樣,每次 都學到唔同嘅嘢!」

健碩身形得來不易,楊天宇平日最愛打籃球及做gym,就算近日新型肺炎肆虐,他每星期都 keep住去做gym不敢偷懶。
健碩身形得來不易,楊天宇平日最愛打籃球及做gym,就算近日新型肺炎肆虐,他每星期都 keep住去做gym不敢偷懶。
楊天宇更學泰拳及體操,為演出做足準備。
楊天宇更學泰拳及體操,為演出做足準備。
同男神林峯兩度合作,除電影《神探大戰》Angus亦有份拍網劇《PTU機動部隊》。
同男神林峯兩度合作,除電影《神探大戰》Angus亦有份拍網劇《PTU機動部隊》。
入行兩年工作不斷,楊天宇同張敬軒、衛詩雅、許靖韻及曾樂彤一齊出活動。
入行兩年工作不斷,楊天宇同張敬軒、衛詩雅、許靖韻及曾樂彤一齊出活動。

為入行從190磅肥仔變爆肌鮮肉男神

機會是留給有準備的人,單睇楊天宇高大俊朗外形,大家理所當然以為 爆肌男神上位手到拿來,但原來成功背後,他下了不少苦工, Angus(楊天宇) 接受本刊訪問時,就大爆為入行進行地獄式減肥狂操,一身肌肉得來不 易。他說:「呢身肌肉其實係我人生大轉變,喺美國讀書嘅時候我係肥仔 嚟,嗰時差唔多190磅,為咗入行簽公司,自己先決心減肥,花咗兩個幾月時間,冇trainer,只係自己上網睇資料,靠自己狂操,食嘢都要控制,要戒澱粉質、 戒糖戒鹽,食嘢要少油,每朝起身就係做gym,睇番嗰時成績自己都好滿意,直頭可 以打MMA輕量級!」

楊天宇自爆在美國讀書時,房間最愛貼祖兒、Twins海報,近日獲英皇加簽續約的,可以繼續向天后師姐祖兒取經學習,是入行一大收穫。
楊天宇自爆在美國讀書時,房間最愛貼祖兒、Twins海報,近日獲英皇加簽續約的,可以繼續向天后師姐祖兒取經學習,是入行一大收穫。
同李佳芯合拍廣告及微電影令人印象深刻,兩人外形睇落又真係幾合襯。
同李佳芯合拍廣告及微電影令人印象深刻,兩人外形睇落又真係幾合襯。

高學歷型男網民勁Like

努力有回報,楊天宇總算不負眾望,現時體重保持在150多磅, keep住運動量保持身形,已經不用再節食減肥。「依家就算食肥膩嘢同甜品都冇問題,除非要拍戲除衫先要on diet!」除咗睇得演得,楊天宇仲係有腦之人,中學畢業於喇沙書院,在美國西雅圖華盛頓大學經濟系畢業,讀書叻更是運動健將,曾是學校的排球、欖球及手球隊隊員,高學歷型男網民勁Like火速突圍,肺炎疫情亦無阻工作量。Angus外形討好,暖男形象更獲廣告客垂青,最近又接多兩部電影及拍ViuTV劇同在新城開咪做主持,工作排到年中,氣勢如虹,同英皇未約滿,公司已經加簽續約。對於「疫」市爆Job及未約滿已獲加簽,楊天宇感激公司畀機會:「我好鍾意公司,好慶幸公司肯同我續約,係一個肯定,肯定佢哋鍾意我先,亦表示公司 feel到我鍾意佢,要雙方面加埋先有呢個行動。」 條件好又努力,潛力股楊天宇前途無可限量!

學生時期,楊天宇在同學間已高人一等,俊朗外表一早成形。
學生時期,楊天宇在同學間已高人一等,俊朗外表一早成形。
喇沙仔楊天宇,在美國西雅圖華盛頓經濟系畢業,除咗有型仲有腦,而且非常孝順,在美國大學畢業時同楊媽媽合照,企埋一齊更似足姊弟。
喇沙仔楊天宇,在美國西雅圖華盛頓經濟系畢業,除咗有型仲有腦,而且非常孝順,在美國大學畢業時同楊媽媽合照,企埋一齊更似足姊弟。
25歲楊天宇是高材生外,更是運動健將,體能狀態高班,單手倒立,踢腿完全無難度,展現好身手!
25歲楊天宇是高材生外,更是運動健將,體能狀態高班,單手倒立,踢腿完全無難度,展現好身手!

關鍵詞
楊天宇