33歲張振朗罕有認愛吉祥女友 上位小生賜名份箍D咪楊偲泳

娛聞

廣告

張振朗曾因劇集被抽起唔播,運滯被封「地獄黑仔王」,不過自與 ViuTV女神楊偲泳蜜運後,啲運返晒嚟,《牛下女高音》、《機場特警》以及正熱播的《反黑路人甲》都令張振朗人氣高企入晒屋。拍拖唔止轉運,張振朗連性格都突變,舊愛陳芷尤行埋五年至分手才認愛,去年與吉祥女友楊偲泳拍拖唔夠三個月即被踢爆同遊日本,張振朗竟畀女友名份兼大讚有內涵,。張振朗雖然搵到啱key女神,不過楊偲泳上位神速,早前仲簽埋古天樂間公司,張振朗真係要落多幾錢肉緊箍實先得喇!

撰文、圖片:東方新地

張振朗出道9年曾被封「地獄黑仔王」

張振朗加入無綫九年由大茄做起,當年扮張智霖於《衝上雲霄II》飾演之角色「Cool魔」上晒身,到17年憑《踩過界》飾演偵探谷一夏Gogo,與王浩信拍檔的對手戲深受觀眾歡迎,之後張振朗開始受力捧,於《牛下女高音》、《堅離地愛堅離地》及《機場特警》三套劇集均擔當第一男主角,而《包青天再起風雲》及《反黑路人甲》中擔當第二男主角,然而五套劇集均因各種因素而延播。張振朗亦因此被網民封為「地獄黑仔王」,不過最後四套被解封,只有《堅離地愛堅離地》未能在香港播出,張振朗更於去年奪得「飛躍進步男藝員」獎,前途無限。

去年張振朗拿到台慶頒獎禮的「飛躍進步男藝員」後,定下目標鍛鍊好自己副body,然後接拍一些打得好厲害的動作片,因為他身形太削,健身教練要他增肥30磅再用一個月時間減去10磅用
去年張振朗拿到台慶頒獎禮的「飛躍進步男藝員」後,定下目標鍛鍊好自己副body,然後接拍一些打得好厲害的動作片,因為他身形太削,健身教練要他增肥30磅再用一個月時間減去10磅用
張振朗於新劇《反黑路人甲》中當街裸跑甚有回響,更被指向無綫「裸跑王」視帝王浩信挑戰,入行九年的他卻表示從來都唔諗獎項,情願繼續接拍好玩、大挑戰性的角色。
張振朗於新劇《反黑路人甲》中當街裸跑甚有回響,更被指向無綫「裸跑王」視帝王浩信挑戰,入行九年的他卻表示從來都唔諗獎項,情願繼續接拍好玩、大挑戰性的角色。

張振朗罕有認愛吉祥女友

事業小陽春之時,張振朗亦沉醉在愛河中,去年5月被網民踢爆在日本東京與ViuTV女神楊偲泳著情侶裝拍拖,返港後他直認不諱,翻查過去紀錄,張振朗媾女戰績都幾彪炳,所以有「無綫花王」之稱,除了與無綫多位新晉小花傳過緋聞外,舊愛更是有小舒淇之稱的陳芷尤,不過同人唔同命,陳芷尤與張振朗拍拖五年幾,最後到分手才被承認女友身份,據知情者透露:「Owen(張振朗)之前拍過幾次拖都未係好定性,今次對Renci(楊偲泳)真係好唔同,絕對唔係玩玩吓,佢哋係了解清楚先開始,Renci係個好真性情嘅女仔,好有理想同目標,思想都好成熟,最緊要係佢哋有好多共同興趣,無論水上定陸上運動都啱玩,Owen份人咁古靈精怪,成日都會花心思氹Renci,唔係物質上,係行動,有時拍劇拍到三更半夜佢都會搵Renci見面食個宵夜,又會揸架電單車去同女友深夜遊車河,依家兩個都上緊位,所以佢哋好珍惜見面嘅機會。仲有呀!Renci本身都係孝順女,佢鍾意Owen有家庭觀念,有時仲會陪佢返娘家食飯見父母,雙方早已見晒家長,感情好穩定。」做藝人唔多唔少信邪,張振朗與楊偲泳一齊後事業上如有神助,女友早已成為他的幸運女神,成為他的精神支柱。

33歲張振朗與26歲楊偲泳,外形相襯性格同樣開朗活潑,合拍程度攞滿分,難怪異口同聲對外表示拍拖非常開心。早前就被本刊拍到二人甜蜜拍拖。
33歲張振朗與26歲楊偲泳,外形相襯性格同樣開朗活潑,合拍程度攞滿分,難怪異口同聲對外表示拍拖非常開心。早前就被本刊拍到二人甜蜜拍拖。
楊偲泳入行前是排球員,充滿運動細胞,她與張振朗同樣喜歡水上活動,早前孖住出海滑水,同步在社交網晒相,二人都穿上螢光泳褲,情侶泳褲被指高調放閃。
楊偲泳入行前是排球員,充滿運動細胞,她與張振朗同樣喜歡水上活動,早前孖住
出海滑水,同步在社交網晒相,二人都穿上螢光泳褲,情侶泳褲被指高調放閃。
楊偲泳與張振朗都愛揸電單車,早前二人放了坐在同一架綿羊仔的照片上社交網,而最近張振朗愛上駕電單車出巡,隨張繼聰和森美成為復古機車迷,享受男人的浪漫,他表示女友不但沒反對,反而很支持,還很鍾意坐車尾。
楊偲泳與張振朗都愛揸電單車,早前二人放了坐在同一架綿羊仔的照片上社交網,而最近張振朗愛上駕電單車出巡,隨張繼聰和森美成為復古機車迷,享受男人的浪漫,他表示女友不但沒反對,反而很支持,還很鍾意坐車尾。

上位小生賜名份箍D咪楊偲泳

最近張振朗在新劇《反黑路人甲》中與王浩信再次擦出火花,張振朗的臥底角色喜感十足,吸引不少觀眾追看,不枉他冒著脫髮風險長期將頭髮染白,甚至犧牲色相近乎全裸演出,現在黑氣已過,張振朗星運開始現光芒,令他成為今年的視帝大熱,而他表示除感恩外,最感謝是女友楊偲泳在身邊支持,他坦言女友幫到手,因為人開心自然所有事都會順利,至於結婚計劃,33歲的張振朗曾公開說:「呢方面長遠啲再睇,做好工作先。依家係好開心嘅狀態,我哋都好鍾意演戲,一齊學戲、睇戲,有好多話題交流,都想一齊向前行。」既然楊偲泳咁好腳頭,真係可遇不可求,張振朗快啲娶返屋企做吉祥物老婆啦!

張振朗極度鍾意小朋友,他有兩個姪仔,不時幫手湊仔,與姪仔感情深厚,打成一片
張振朗極度鍾意小朋友,他有兩個姪仔,不時幫手湊仔,與姪仔感情深厚,打成一片
楊偲泳亦母愛氾濫,見到親朋好友的 BB都愛不釋手,他日必定是稱職爸媽。
楊偲泳亦母愛氾濫,見到親朋好友的 BB都愛不釋手,他日必定是稱職爸媽。

張振朗舊愛檔案:鍾情肉肉乳神

33歲的張振朗有名你叫「無綫花王」,當然是無寶不落,過去女友或緋聞女友都有樣有身材,不難發覺張振朗特別鍾情有肉地唔要ipad身形嘅女仔,今次連隔籬台32D乳神都畀佢收服,可知佢冧功幾咁深厚。

與張振朗拍拖五年幾,陳芷尤都未獲男友認證女友身份,即使被多次斷正拍拖都否認戀情。18年二人在社交網同步公開分訊,有指是因女方無法再忍受男友從沒停過的緋聞。
與張振朗拍拖五年幾,陳芷尤都未獲男友認證女友身份,即使被多次斷正拍拖都否認戀情。18年二人在社交網同步公開分訊,有指是因女方無法再忍受男友從沒停過的緋聞。
陳芷尤在新加坡當過模特兒、主持,後來港參選港姐,笑容甜美可人,擁34C身材激凸惹火,正宗童顏巨乳,可惜在港發展平平,她在社交網有大量水著照,張張有睇頭。
陳芷尤在新加坡當過模特兒、主持,後來港參選港姐,笑容甜美可人,擁34C身材激凸惹火,正宗童顏巨乳,可惜在港發展平平,她在社交網有大量水著照,張張有睇頭。
17年張振朗和32C擁微胖身材的陳瀅拍攝劇集《全職沒女》的床上激戰戲而傳緋聞,每次提及該場床戲二人都講到眉飛色舞,男的話女「露慣」,女的話男「多毛」,句句有性暗示,陳瀅還表示張振朗曾在她面前換褲,更爆出張振朗有「無綫花王」之封號!
17年張振朗和32C擁微胖身材的陳瀅拍攝劇集《全職沒女》的床上激戰戲而傳緋聞,每次提及該場床戲二人都講到眉飛色舞,男的話女「露慣」,女的話男「多毛」,句句有性暗示,陳瀅還表示張振朗曾在她面前換褲,更爆出張振朗有「無綫花王」之封號!
港姐出身的劉佩玥有樣有身材,33C上圍都唔嘢少,她與張振朗拍《堅離地愛堅離地》時被指過電,片場內不時眉來眼去,超出正常合作的互動,不過劇拍完就冇下文。
港姐出身的劉佩玥有樣有身材,33C上圍都唔嘢少,她與張振朗拍《堅離地愛堅離地》時被指過電,片場內不時眉來眼去,超出正常合作的互動,不過劇拍完就冇下文。