獨家直擊!34歲賴慰玲萬能師奶真身 戲內霸氣逼人戲外即變賢內助

娛聞

廣告

《反黑路人甲》演活黑幫大家姐的賴慰玲,現實中的卻是個不折不扣的師奶仔,婚後樂做廿四孝人妻人母,收工即撲返家湊仔做家務,做阿四毫不介意!日前,賴慰玲又萬能師奶上身,在家中露台忙於執拾,一個人踎低抹地清潔非常熟手,完全不用身旁的舞台劇演員老公梁子峰操勞,賢妻良母先係「霸氣大小姐」真身!

撰文、圖片:東方新地

賴慰玲湊仔家務一腳踢

對於時下職業女性乜都倚賴工人,賴慰玲卻享受做家頭細務不假手他人,更不介意工作同時兼顧家務,名副其實入得廚房出得廳堂,囝囝梁進也出世時,賴慰玲亦只用陪月一個月,後來才請工人姐姐幫手,不過湊仔打理頭家全部親力親為。據知情者透露:「好多女人都好怕做家務,莫講話要兼顧工作,但Winki睇法就好唔同,佢覺得呢個係女人天職,同老公分工合作都係夫妻生活嘅情趣!佢老公就好鍾意下廚,所以煮飯會交畀老公負責,Winki就負責做家務!」

性格率直不拘小節的賴慰玲,17年同舞台劇演員梁子峰奉子成婚,只低調註冊未有大搞婚禮。
性格率直不拘小節的賴慰玲,17年同舞台劇演員梁子峰奉子成婚,只低調註冊未有大搞婚禮。
兒子進也出世後,賴慰玲明顯減產將時間留給兒子,希望陪囝囝度過成長每個重要時刻。
兒子進也出世後,賴慰玲明顯減產將時間留給兒子,希望陪囝囝度過成長每個重要時刻。
演技出眾的賴慰玲,在新劇《反黑路人甲》演黑幫大家姐「大小姐蔣千霞」,一出場已經好有壓場感。
演技出眾的賴慰玲,在新劇《反黑路人甲》演黑幫大家姐「大小姐蔣千霞」,一出
場已經好有壓場感。
大小姐除咗有霸氣一面,同張振朗演的高彬的感情線亦好有喜感,兩人第一集已經有床戲,搞笑又出位。
大小姐除咗有霸氣一面,同張振朗演的高彬的感情線亦好有喜感,兩人第一集已經有床戲,搞笑又出位。

未計劃追第二胎

轉眼兒子進也今年12月便滿三歲,曾經揚言唔會做怪獸家長的她,表示今年兒子已經上幼兒班,不過因為疫情關係仍未開學,她亦繼續堅持信念,給兒子自由發展空間。賴慰玲接受本刊訪問時表示:「冇幫個仔報興趣班,要發掘吓佢有乜嘢興趣先,最緊要喺輕鬆氣氛下學習!」鍾意小朋友又愛湊仔,卻未有努力追多個,她坦言一切順其自然:「依家咁嘅時勢,暫時唔會諗住!呢樣嘢自然發生就會發生!」提到生第一胎時,她曾透露驗血時血指數出現問題令私家醫院拒收症,她卻澄清說:「其實喺成個孕期都係好舒服健康,一切都係好正常冇問題。」對於原本諗住順產卻因陣痛36小時,最終要剖腹誕下兒子,俗稱「食全餐」有否令她對再生BB產生恐懼?她繼續母愛氾濫說:「完全唔會,呢個係女人必須經歷嘅嘢,其實每個Moment 嘅經歷都係好珍貴,絕對唔會有恐懼同壓力!」

在新劇《反黑路人甲》演黑幫大小姐好有氣場的賴慰玲,私下卻是老公賢內助,日前不用開工即變萬能師奶,當日見她行出露台做清潔,更完全不用身旁老公幫手。
在新劇《反黑路人甲》演黑幫大小姐好有氣場的賴慰玲,私下卻是老公賢內助,日前不用開工即變萬能師奶,當日見她行出露台做清潔,更完全不用身旁老公幫手。
抹地期間,賴慰玲間中會行去同老公傾兩句,但卻未有向翹埋手的老公詐型!
抹地期間,賴慰玲間中會行去同老公傾兩句,但卻未有向翹埋手的老公詐型!
身穿 T恤牛仔短褲的賴慰玲,在露台一角係咁抹,由地下抹到上露台圍欄,好明顯做慣家務,唔會姐手姐腳!
身穿 T恤牛仔短褲的賴慰玲,在露台一角係咁抹,由地下抹到上露台圍欄,好明顯做慣家務,唔會姐手姐腳!

對老公毫不霸氣

近日有份演出的新劇《反黑路人甲》正在熱播,首演社團大家姐的賴慰玲,甫出場已經霸氣十足,演出非常亮眼,但Winki卻認為霸氣一面其實更貼合她個人性格,反而要她演柔情似水更大挑戰!話雖如此,但本刊卻發現賴慰玲在家對住老公毫不霸氣,更是個超級賢內助,日前不用開工,她即變師奶強人,在寓所露台一力做清潔,攞住濕毛巾騰來騰去,踎低抹地清潔露台欄杆,即使身旁老公只顧講電話未有幫手,她亦毫無怨言。對於為頭家事事親力親為,賴慰玲坦言:「我好鍾意演戲,亦都好享受湊仔做家務,呢兩樣嘢都咁鍾意自然唔會覺得辛苦!」34歲賴慰玲原來不止演技超班,做老婆一樣超晒班!

做家務不假手他人的賴慰玲,一個人踎低在露台一角抹地,老公梁子峰則企在另一邊傾電話。
做家務不假手他人的賴慰玲,一個人踎低在露台
一角抹地,老公梁子峰則企在另一邊傾電話。
賴慰玲婚後同老公及囝囝搬住大埔村屋,一家住在村屋二樓,寓所位置開揚,雖然露台放滿雜物,但仍有不少空間可以畀囝囝活動。
賴慰玲婚後同老公及囝囝搬住大埔村屋,一家住在村屋二樓,寓所位置開揚,雖然露台放滿雜物,但仍有不少空間可以畀囝囝活動。
等候新買的洗衣機送到,賴慰玲不時探頭向下望。
等候新買的洗衣機送到,賴慰玲不時探頭向下望。
賴慰玲忙完一輪清潔,剛好送貨工人送新洗衣機到來。
賴慰玲忙完一輪清潔,剛好送貨工人送新洗衣機到來。
送貨工人前腳一走,便下起滂沱大雨,梁子峰急忙將原先放出露台外的囝囝單車收起放入屋。
送貨工人前腳一走,便下起滂沱大雨,梁子峰急忙將原先放出露台外的囝囝單車收起放入屋。
當日早上十時許,梁子峰一個人駕車去科學園傾工作兩小時,之後再買外賣回家慰妻,夫妻分工合作。
當日早上十時許,梁子峰一個人駕車去科學園傾工作兩小時,之後再買外賣回家慰妻,夫妻分工合作。