34D張秀文 詐嬌騷價唔夠高

（原文刊於2016-02-25《東方新地》）無綫「咪神」輩出，昔日有憑住遊戲節目爆乳上位的高Ling（高海寧），也有身形脹爆依然無懼谷胸的肥苟（苟芸慧），不過，隨着高Ling瘟仔封胸，肥苟又約滿離巢，造就張秀文及陳婉衡等二、三線姐仔迅速發圍，兩女憑驕人巨乳，榮升新一代無綫「咪神」，人氣急升。

「咪神」響朵，財源滾滾。張秀文直認騷價升兩成，而陳婉衡更有機會拍電影，對於性感底線，兩位「咪神」不設上限，陳婉衡更坦言不介意露股，認真大膽。

張秀文（2010年港姐亞軍）

年齡：28歲

身高：166cm

三圍：34D、24、34 性感是娛樂圈的捷徑，世界女張秀文不但識賣胸，更識賣口乖，談到節目中賣弄性感，她說：「我性感冇極限，係睇公司需要，導演要求得都合理，加上我好爽快，你要我着泳衣玩遊戲都冇所謂。（唔怕走光咩？）咁拍嘢郁動件衫就會走位，唔驚得咁多。」

性感帶挈加騷價

之前張秀文為TVB娛樂新聞手機App拍攝肚皮舞片段，驕人上圍成功吸睛，短片在網上瘋傳，令全城宅男睇到噴血，人氣急升的她，騷價立即升了兩成。

她直認：「騷價的確係調整咗，咁我係實力派嘛。我依家最想喺司儀方面鑽研，攞多啲執生經驗。當然劇集都想拍，不過唔知邊個監製夠大膽，唔怕我嘈會用我。其實我一直恨做啲同我本身性格反差好大嘅角色，例如林阿珍呢類傻大姐。」呢招以退為進又幾高招。

張秀文選美晉身娛樂圈

▲2010年參選港姐晉身娛樂圈的張秀文，因為天使面孔加魔鬼身材奪亞軍，成為無綫旗下藝人。2015年，張秀文着泳衣參加節目《超強選擇1分鐘》，因為逼爆身材成為一時熱話，更被封為無綫電視新一代「咪神」。

▲張秀文跳了中國舞十多年，又識拉丁、社交舞，之前表演肚皮舞更令人刮目相看。

▲張秀文入行七年，拍過7套劇，包括︰《愛•回家》、《衝上雲霄2》、《女人俱樂部》等，大部分是做女配角，又主力在主持方面發展，曾做過《姊妹淘》、《千奇百趣》系列、《學是學非》等節目，今年更有份參演電影《使徒行者》。

談到網友經常將她與陳婉衡比較，張秀文笑謂：「佢完全唔係我對手啦，我哋做節目認識，大家唔會有競爭心態，係啲人硬將我哋比，覺得咁樣會娛樂性高啲啫。」問到身材出眾的她可曾有被邀出席飯局，她立即大耍太極：「啲公司春茗飯局搵我做主持就多。」至於另一位「咪神」陳婉衡，她的性感尺度應該比張秀文去得更盡。她說：「因為『咪神』呢個稱號，變相係多人留意咗，亦因為咁，舊年接咗兩部電影《PG戀愛指引》及《綁架丁丁當》。」

接受背部全裸

問到會否走上三級女星路，她擺明車馬：「我個人唔抗拒三級，亦可以接受背部全裸同露股，我唔怕被定型，最緊要係遇到好嘅角色。」擁有36E上圍的她，身材一向豐滿，維持120磅左右，早前拍《PG戀愛指引》時，她試過地獄式減10磅。「呢套戲我做啤酒妹，件衫幾性感，所以要減磅，上鏡會好睇啲。」問到豐滿身材可引來鹹豬手，陳婉衡謂：「有㗎！之前拍球賽節目，要現場訪問遊客，嗰陣好多人行過我身邊，我覺得有人搣咗我pat pat一下。我份人平時冇機心，試過剛入行時識咗個女仔，佢話帶我同朋友gathering，我傻更更跟咗佢去，點知席間全部都係上咗年紀嘅Uncle，呢啲唔知係咪人哋講嘅飯局呢？」陳婉衡坦言恨拍拖，但因為有感現在是事業搏殺期，又不想失去任何工作機會，惟有將兒女私情暫拋腦後。