45歲馬國明12度提名終奪視帝 孝順仔拉大隊去名店放血

娛聞

廣告

45歲的馬國明,奮鬥廿年獲提名十二次「最佳男主角」,終於眾望所歸封視帝。如此高興值得慶祝的時刻,馬明不忘與不忘與家人分享成果,事業攀上高峰身價亦幾級跳,賺到笑的馬明日前拉隊帶母親及家姐去銅鑼灣名店放題,不過馬家人出名節儉樸素,馬母只揀了一個非常實用的包包,有乖仔陪住揀袋,馬母笑逐顏開。呢個世界有一種孝順叫「馬國明」,看見他侍母至孝拖到實,就知道親情與愛有錢都買唔到。

撰文、圖片:東方新地

馬國明封帝馬母狂喜孝順仔拉大隊名店放血

馬明封視帝獲全城恭賀,狂喜的還有馬明家人,特別是他的母親。知情者透露:「之前馬明同心穎一齊,擺到明係畀人利用,老人家睇人唔會走漏眼,心穎唔安守本份又鍾意亂使錢,馬太(馬明母親)點會鍾意?不過佢唔想個仔難做,所以唔會出聲,由得佢哋發展。到心穎爆煲馬明斬纜,馬太知道個仔唔開心,但佢都唔會多問一句,只係默默支持,見佢日日放工就返屋企,做阿媽嘅就煮飯煲湯畀佢,兩母子一切在心中。今次馬明終於封視帝,馬太開心到不得了,一早就買定餸煮餐好嘅同佢慶祝。」孻仔孻心肝,馬明亦深明世上只有媽媽好,除了每月出糧會大大份家用孝敬老人家外,過時過節亦會識做送禮物,日前他帶住母親與家姐,前往銅鑼灣名店LV行街,眼見馬母孭住個舊款LV包包,看來她對這個牌子情有獨鍾。

0
行運有樣睇的馬國明,這日與媽咪及家姐一齊離開太古城寓所,有乖仔陪去街,馬母笑住行出大門口,個樣興奮又醒神。
0
馬明雖然已經四十幾歲人,但次次同媽咪出街都全程拖到實,絕對係難能可貴。
0
馬明榮升視帝不忘初心,對家人孝順如一,親自帶媽咪去揀名牌手袋做禮物,兩母子一齊笑住離開,構成最溫馨的畫面。
0
馬明拉大隊行入銅鑼灣時代廣場的名店 LV,一名男店員極速上前招呼他們。

拖到實怕走失馬明埋單兼做送貨員

出爐視帝大駕光臨,名店內的售貨員即打醒十二分精神,馬明拖實母親行勻整間店,之後有專人服侍,拿出馬母心儀的多個款式讓她過目,馬明家姐一直在旁畀意見和幫手拎住舊手袋,馬明亦拎起多個新款讓母親比併看清楚,有乖仔傍實,馬母全程笑得好開心,最後因為她嫌心儀的手袋皮帶太幼,馬明向售貨員表示另外多配一條粗的皮帶,這個窩心決定令馬母更加滿意。馬母賢良淑德,從來不好名牌,也不喜歡揮霍,據知當日孭住的LV舊手袋也是多年前由馬明送贈,孝順仔見手袋已舊,說服多時母親才肯親自去名店再揀個新手袋,這日馬母揀了個實用款式連粗皮帶盛惠約2萬5千元,當然是由馬明埋單兼做送貨員。

0
馬母早已鎖定兩個款式,女人買包包,當然要打開內格睇吓實唔實用,馬明好有耐性,一直陪在身旁。

0
當日LV店內顧客甚多,馬明拖實媽咪慢慢睇,一定唔會走失。
0
馬母左邊有阿女幫眼畀意見,右邊有孻仔馬明拎住個手袋畀佢過目,睇佢笑得幾咁開懷。
0
馬母情傾一個實用又時款的LV包包,因為嫌原本條帶太幼,另外配上一條粗皮帶,埋單約2萬5千元,對今時今日的馬明來說真係濕濕碎。
0
買完禮物畀媽咪,馬明一家三口離開銅鑼灣繼續家庭血拼日。

拖住母親兼拎住兩大袋戰利品的馬明,這日更擔任司機送母親及家姐去行街掃貨,離開銅鑼灣後,馬明駕車到達北角,泊好車後一行三人去到國貨公司。現場所見,馬母對一些酸枝傢俬非常感興趣,之後又去中藥部睇可以防中風,不少老人家會放在家中看門口的「牛黃丸」,而馬明亦非常有耐性,全程拖實陪睇陪買,細心的他回程時更先送母親及家姐抵達家門口,才獨自去停車場泊車。

0
下一站去到北角,馬明泊好車後,馬母即主動伸手拖阿仔,同行的馬明家姐反而自顧自行開。

0
馬明出錢出力陪母揀袋之外,這日更陪母睇酸枝傢俬及中藥,現場所見,馬母指住俗稱「救命神丹」的安宮牛黃丸,未知是否買來看門口。
0
行完街天都未黑,馬明先把母親及家姐送返寓所門口,獨自去泊車及把當日的戰利品拎返屋企。
0
鍾意黐家的馬明,冇工開又冇拖拍時,最大的樂趣就係拖住阿媽行街同陪爸爸去飲茶,圈中第一孝順仔非佢莫屬。