Do姐有問題

【Do姐有問題】拆解榴槤殼兩大功效!唔止降火仲可以xx……

娛聞

廣告

「Do姐」鄭裕玲與組合「農夫」成員陸永及C君三人主持嘅《Do姐有問題》深受歡眾歡迎,TVB食髓知味,早前開拍第三輯,依家逢星期日晚8點半有得睇!節目有唔少趣聞同冷知識帶埋觀眾,而喺日前播出的一集,就拆解榴槤殼兩大功效,記得以後開榴槤取肉後,唔好立即掉晒啲榴槤殼喇!

撰文:東方新地|圖片:新傳媒圖片庫、Do姐IG

《Do姐有問題》第三輯再放笑彈

鄭裕玲(Do姐)與農夫合作好有火花,經常大放笑彈,三人組合更被譽為黃金主持組合,早前大台搵佢哋開拍《Do姐有問題》第三輯,今次節目更加入農夫創作的「Do姐常識問答比賽」,除咗有千奇百趣嘅問題同冷知識帶畀大家,陸永與C君仲笑言會公開Do姐鮮為人知的趣事。

《Do姐有問題》第三輯問答遊戲中,就有潘梓峰帶大家去到盛產榴槤的馬來西亞,雖然有人怕榴槤氣味太濃烈,但有人喜愛品嚐各種榴槤,不過一眾榴槤控在吃榴槤的時候通常把殼扔掉,但其實這樣好浪費,事關榴槤殼都有不為人知的功效呢!

榴槤殼有降火的功效

好多人都知榴槤唔止熱量高,而且仲好熱氣,食多咗榴槤肉都好容易上火,所以都唔敢吃太多,又或者大家食完飲多兩碗涼茶下火。但喺《Do姐有問題》中就介紹了榴槤殼其實係降火良品,只需要用榴槤殼盛載一些水再放一些鹽,然後徐徐喝下,便有降火的功效,可防治吃榴槤引起的上火問題。

榴槤殼除臭味

喜歡食榴槤的人當然覺得好味,不過吃完榴槤嘴巴和手上都會留有榴槤的味道,到底如何去除這些氣味?最簡單的方法是取適量開水放在榴槤殼並沖洗雙手即可,手上的榴槤味也會除之消失。

榴槤有自我保護機制

原來有研究顯示,榴槤有自我保護機制,榴槤殼有種物質可以阻隔榴槤肉的氣味,令榴槤未成熟前不會被動物或昆蟲吃掉,故此用來洗手,有除臭效用。而吃榴槤後,用榴槤殼盛水喝也有清熱降火功效!所以話,榴槤全身都是寶,一啲都冇誇張!