叱咤樂壇2022｜重溫歷屆「我最喜愛男歌手」得獎者 姜濤紀錄與無綫藝人睇齊
我最喜愛的男歌手獎：Anson Lo
Anson Lo盧瀚霆擊敗3個MIRROR隊友姜濤、Edan呂爵安、Ian陳卓賢以及歌手張敬軒，奪得「我最喜愛的男歌手」獎。
Anson Lo於台上說：「我係MIRROR嘅Anson Lo，好多謝叱咤頒呢個獎畀我，好多謝投我票嘅每一位觀眾、朋友、粉絲、神徒，呢一年對我哋MIRROR嚟講絕對唔係容易嘅一年，我相信我哋每一日都不停努力緊每一項嘅工作，我承諾無論攞獎與否，2023年，我只會比2022年更加努力去做好每一份嘅工作，我一定唔會懶，我一定會盡我2000％嘅努力！」
我最喜愛的女歌手獎：鄭欣宜創紀錄
鄭欣宜不但擊敗Serrini、方皓玟、陳蕾及陳凱詠（Jace）冧莊「我最喜愛的女歌手」獎外，她更是叱咤史上首位連續兩年奪得「叱咤樂壇女歌手金獎」及「我最喜愛的女歌手」獎，創叱咤女歌手紀錄。
鄭欣宜上台時興奮地說：「我兩年冇打過牌，好耐冇試過冧莊。我真係估唔到今日可以咁樣，好多謝投我每一票嘅朋友，鐘意我嘅人，你哋good taste！Amazing！你2023一定好好，乘機同大家講個好消息，我3月會係紅館開騷，多謝每位合作過嘅音樂人！」
我最喜愛的組合獎：MIRROR冧莊
至於「我最喜愛的組合」方面，去年奪得「我最喜愛的組合」的MIRROR，今年再度冧莊，擊敗Dear Jane、RubberBand、ERROR及艾粒ILUB再度奪得「我最喜愛的組合」。
AK領獎時於台上說：「多謝商台，多謝粉絲，多謝你揀我哋成為你最喜愛的，其實你哋先係我哋最喜愛！多謝你哋！」
| 年份 | 得獎者 | 5強入圍 | |||
| 2003 | 李克勤 | 許志安 | 周杰倫 | 古巨基 | 陳奕迅 |
| 2004 | 古巨基 | 李克勤 | 林一峰 | ||
| 2005 | 陳奕迅 | 古巨基 | 林海峰 | ||
| 2006 | 張敬軒 | 側 田 | |||
| 2007 | 周杰倫 | ||||
| 2008 | 方大同 | ||||
| 2009 | 麥浚龍 | ||||
| 2010 | 羅力威 | ||||
| 2011 | 周國賢 | ||||
| 2012 | 羅力威 | 周柏豪 | |||
| 2013 | 許廷鏗 | 張敬軒 | |||
叱咤樂壇我最喜愛的歌曲大獎：姜濤《作品的說話》
上年曾憑《Dear My Friend》奪得叱咤樂壇我最喜愛的歌曲大獎，今年憑另一首作品《作品的說話》奪獎。
姜濤說：「多謝姜糖，多謝叱咤，多謝Gareth、多謝Edward、多謝作詞嘅小克老師，呢隻歌其實最緊要嘅message都係喺隻歌入面，我想嘅就係世界和平，希望大家關注自身之餘，多啲關注下呢個世界，我兩年前許下嘅目標，希望以後係我嘅作品，一步一步實現，多謝MIRROR！」
叱咤炒價高企一票難求 現場投票失意義
《2022叱咤樂壇流行榜頒獎典禮》近日惹來不少網民的不滿。事關今年叱咤頒獎典禮在沒有對外公開發售頒獎典禮門票的情況下，繼續進行現場投票選出「我最喜愛的男／女歌手／組合」獎項，令樂迷們都感到頒獎典禮有缺公平性！
《2022叱咤樂壇流行榜頒獎典禮》一改過去玩法，今年並沒有對外公開發售頒獎典禮門票，而是透過網上優惠平台Katch Plus會員，讓樂迷以會籍「玩遊戲」換飛，或花費約港幣$3,000換取「2023年全年換票證」一張，憑該換票證可換叱咤頒獎禮門票一張。除此之外，樂迷亦能以港幣$688加入商台「優惠服務計劃」，或捐錢到香港麥當勞叔叔之家慈善基金，便有機會獲得門票兩張。
鏡粉被指玩爛叱咤票選機制
入場門檻奇高的叱咤頒獎典禮，引來大批網民在社交平台上留言洗版表示不滿，不少更留言要求叱咤取消現場投票，認為現場投票失去原本的意義：「不如改制啦，入場投票巳沒有公信力，網上投票不是巳經有足夠數據顯示那首歌最受歡迎？」、「呢兩年炒到天價，唔係鏡粉都好難入場，仲現場投票，有意義嗎？」亦有樂迷留言將矛頭直指MIRROR及一班鏡粉，令其他樂迷都一票難求，令到「我最喜愛」的獎項都變成「我的粉絲最有錢和時間歌曲獎」。
重溫《叱咤樂壇流行榜頒獎典禮2021》
重溫2021的叱咤頒獎獎項最後花落誰家。
我最喜愛的獎項：
叱咤樂壇我最喜愛的歌曲大獎：《Dear My Friend》
歌手: 姜濤 作曲: 林奕匡 填詞: 林若寧 編曲: Y Siu 監製: Edward Chan
叱咤樂壇我最喜愛的男歌手：姜濤
叱咤樂壇我最喜愛的女歌手：鄭欣宜
叱咤樂壇我最喜愛的組合：MIRROR
人氣姜濤連冧兩莊，除再度成為「叱咤樂壇我最喜愛的男歌手」之外，亦憑《Dear My Friend,》奪得「叱咤樂壇我最喜愛的歌曲大獎」。當他知道自己憑該歌曲奪獎後，姜濤即眼泛淚光並抬頭望天，表示將歌曲獻給已故好友：「送畀你㗎！」到獻唱歌曲時姜濤一直強忍淚水，但到最後都忍不住激動爆喊，更一度唱不下去，而台下的粉絲亦大叫「唔准喊」來支持偶像。
森美在後台直擊姜濤情緒爆發的一刻，在節目翌日分享了以上畫面，並寫下心情：
你在台上感動落淚
執著數張紙巾
在台口送上
是司儀唯一可做的關心
去答謝你為
無情的 2021送上最友情的一首歌！
Dear my friend
