《大時代》10大必儲金句cap圖…「係技術性調整 唔使驚」!

最強精選
韋家輝監製、1992年的無綫神劇《大時代》雖屬上世紀神劇,就算《大時代》N次重播,觀眾仍然會一窩蜂咁追住睇,劇中金句到今時今日仍令人津津樂道,當中狂人丁蟹的種種情節和畫面,「技術性調整」、「畀次機會吖老細」等對白更是網友cap圖至愛!

圖文:東方新地

2020新增!金句講中港人抗疫心聲

神劇真係名不虛傳,來到2020,全世界都為武漢肺炎搞到雞毛鴨血,人人都要社區隔離,有網友翻出《大時代》丁蟹由台灣潛逃回港後的一段來說出香港人的「抗疫」心情:

丁蟹坐在樓梯既無奈又怒氣地,對佢老母講:「我覺得自己好悲哀,失去自我,每日不是在家,就是超級市場,不是超級市場就是家裡,來來去去這兩個地方,行遠些又怕差人拉。」
丁蟹坐在樓梯既無奈又怒氣地,對佢老母講:「我覺得自己好悲哀,失去自我,每日不是在家,就是超級市場,不是超級市場就是家裡,來來去去這兩個地方,行遠些又怕差人拉。」

值得留意係,呢一幕後續,就係丁蟹講阿媽唔忍心個仔被「隔離」,帶佢走去見阿玲,結果就釀成劇集後半段方家與丁家法庭對決,以及方家滅門的大悲劇⋯⋯

講咁多原來係為咗氹阿媽帶佢去見阿玲
講咁多原來係為咗氹阿媽帶佢去見阿玲
「你又話阿玲過得好好,點解佢要揸小巴,群埋男人堆⋯⋯」
「你又話阿玲過得好好,點解佢要揸小巴,群埋男人堆⋯⋯」
之後就係恐怖的相認場面了⋯⋯
之後就係恐怖的相認場面了⋯⋯

返回主題!重溫神劇《大時代》10大必儲金句cap圖…

唔止觀眾將《大時代》視作為經典,《無間道》編劇及導演莊文強甚至向記者透露自己「每年都會重溫一次《大時代》」,更表示所有學寫劇本的人都應該看一遍《大時代》,劇中人物刻劃深刻,金句歷久不衰,依家精選10大金句,讓大家回味一番!cap圖粉記得存起佢!

01|「18年後又一條好漢!」

「18年後又一條好漢!」、「唔好衰俾人睇」
「18年後又一條好漢!」、「唔好衰俾人睇」

第一集演丁蟹嘅秋官帶住4個仔丁孝蟹、丁益蟹、丁利蟹、丁旺蟹站於天台上,因炒股失利,由身家50億變成負債數十億,於是有呢幕跳樓都唔掂嘅震撼畫面!而丁蟹激動咁向兒子狂呼「唔好衰俾人睇」、「18年後又一條好漢」,為無膽自殺嘅兒子壯膽,認真癲!

仲有《大時代》嘅丁益蟹(陶大宇)呢個表情包⋯⋯
仲有《大時代》嘅丁益蟹(陶大宇)呢個表情包⋯⋯

02|「畀次機會吖,老細」

方進新俾丁蟹打到手腳殘咗,惟有去疊報紙,點知俾老細嫌手腳慢,為免被炒向老闆跪求:

「我被人打壞個腦,做得唔好。今日做唔好,唔要錢,聽日做唔好,唔要錢。」

事隔廿年睇番都眼濕濕呀陰公!

《大時代》10大必存cap圖...「係技術性調整 唔使驚」!

「畀次機會吖,老細」
「畀次機會吖,老細」

03 |「人善人欺天不欺」

1
人善人欺天不欺
「人善人欺天不欺、人惡人怕天不怕」
「人善人欺天不欺、人惡人怕天不怕」

滿腦子歪理嘅丁蟹嘅做人左右銘,自認為係好人,即使親手殺死方進新(劉松仁飾)都死不悔改,更認為係對方迫他才釀成悲劇!

04 |「係技術性調整 唔使驚」

結局「大奇跡日」,丁蟹5父子輸到破產都唔掂,天地不怕嘅丁蟹於崩潰一刻,仲識得自我安慰!而「技術性調整」更成為日後好多股市專家嘅口頭禪!

「唔好驚,係技術性調整,唔好驚。」
「唔好驚,係技術性調整,唔好驚。」

《100毛》第113期封面專題(5月14日星期四出版)【不要怕 是技術性抽水,不要怕】陶傑隨毛附送《毛記電視 TVMOST…

Posted by 100毛 on Wednesday, May 13, 2015

2015年《100毛》雜誌封面曾經邀請陶傑重演這個畫面,變成「技術性抽水」⋯⋯

05 | 「咁多人死、唔見你死!」

5
陳萬賢:「咁多人死唔見你死!」

陳萬賢對於丁蟹死纏感到好唔耐煩,於是鬧走對方,就拋出呢句超級經典金句,點知錯有錯着,丁蟹以為係股市必勝之法,喺股市大好形勢下,人哋買升佢買跌,最後就咁發達。

06 | 「趁地腍(淋)啦!」

陳萬賢:「趁地腍!」
陳萬賢:「趁地腍!」

「趁地腍」指土地鬆軟,引伸為容易掘地埋屍!陳萬賢為打發丁蟹而亂噏嘅說話,表面醒佢貼士,其實想跣丁蟹,點知傻人有傻福,反而令丁蟹一夜暴發!
 

07 |「一個人要成功 就一定要找自己世界」

《大時代》股神葉天金句: 「一個人要成功,就要搵到自己嘅世界。」
《大時代》股神葉天金句: 「一個人要成功,就要搵到自己嘅世界。」

葉天教徙弟方展博第一招,並非咩投資法,而係呢句說話!查實此金句極之適合現今80、90後用,勉勵大家要有夢想,否則同條鹹魚冇分別!

 

 

08|股票之道在於人棄我取

3

丁蟹向股壇大鱷陳萬賢(江毅飾)取經,陳萬賢為hea走對方,求祈拋出金句。而呢幾句由韋家輝創作嘅神級對白,成為現實股票投資心法,更係好多網上股票論壇至hit cap圖!

09|「我方展博要發達」

7

好似罰抄咁寫低無限句自我鞭策自我催眠式說話,再不斷同自己講,唔知係咪呢場戲,往後好多保險人都有樣學樣,對住塊鏡同自己講我一定掂呢?!

10|「貪心輸錢贏」

 

10

人人皆都愛錢,尤其個個都想趁股市上升時撈番筆!劇中股神、方展博嘅師父葉天(羅樂林飾)臨終時,將股票必勝訣傳授俾徒弟。其意指玩股票嘅人愈貪最後只會輸得愈甘,而炒股嘅網民經常cap番呢段經典對白,叫人及早斬攬!

 

未完,丁蟹金句仲有以下呢啲⋯⋯

丁蟹:「你係唔係神經錯亂啊?」
丁蟹:「你係唔係神經錯亂啊?」
丁蟹:「你係唔係神經錯亂啊?」X2
丁蟹:「你係唔係神經錯亂啊?」X2
丁蟹:「我無心㗎!」
丁蟹:「我無心㗎!」
丁蟹:「你搵摺櫈打我?!」
丁蟹:「你搵摺櫈打我?!」
丁蟹:「三十年朋友!」
丁蟹:「三十年朋友!」