姜大衛

失憶24小時|姜大衛26歲仔姜卓文恨入行 全家錫到燶

最強精選

廣告

入行五十多年的姜大衛,在劇集《失憶24小時》演譚俊彥阿爸、王君馨家公,角色入木三分。現實中John哥(姜大衛)老來得子,原來同現實一樣,當年孻仔卓文亦在49歲高齡時出世,同大家姐依蘭年齡相差21年;現年26歲的姜卓文,前年曾參加《全民造星2》卻在第三round出局,早幾年已經長得高過爸爸,更生得青靚白淨,還有一對單眼皮眼睛,成個韓仔Look外形煞食,出身於演藝世家的卓文,表演慾極強,早前秘密去Casting,娛圈好快又多個星二代。

撰文:東方新地|圖片:新傳媒圖片庫

姜大衛囝囝 有興趣演戲

近日在新劇《失憶24小時》演譚俊彥阿爸,73歲姜大衛演出向來備受好評,現實生活姜大衛也是個好爸爸,對兩女一子非常愛錫,曾經有指John哥(姜大衛)曾助大女姜依蘭老公曹永廉在TVB發展,近年John哥再栽培細仔姜卓文,為仔女仆心仆命。

姜大衛
李琳琳在96年以48歲高齡生孻仔姜卓文,明顯是家中寶貝的卓文,就好鍾意嗲媽媽。
姜大衛
姜卓文相當乖仔,唔會只掛住玩唔黐家,反而經常會抽時間陪父母。

據知情者透露,John哥細仔卓文原來對演戲唱歌都有興趣,更視爸爸為學習對象。「卓文細細個已經對做戲好有興趣,成日問爸爸做戲啲嘢,John哥都好鍾意同個仔分享自己經驗,佢畀好大自由度個仔,但就講明要佢讀完大學先諗去向,而卓文都好乖仔,好畀心機讀書,今年就大學畢業。」

姜大衛
15年農曆年,姜大衛一家人新春團拜,當時20歲的卓文(最後排左一)已經高過爸爸。
姜大衛
同老竇姜大衛冇年齡代溝,兩父子經常孖住出動。

孻仔孻心肝,加上老來得子,老婆李琳琳95年以48歲高齡誕下孻仔姜卓文,同大女依蘭年齡足足相差21年,二女依文亦相差9年。據知情者透露:「因為年齡相差咁遠,家姐依蘭好錫細佬,嗰時爹哋媽咪好忙,依蘭就幫手湊細佬,所以卓文好尊重呢個家姐,亦同姐夫曹永廉好friend ,佢成日都同兩個姪仔姪女玩,掉番轉睇住家姐兩個仔女大。」

姜大衛
表演慾強的姜卓文,本身亦自信爆棚,去到邊都愛自拍,在健身室抑或廁所一樣照影。

青靚白淨

眨吓眼卓文已經26歲,長得高過爸爸,而且生得青靚白淨,似足韓仔feel。據知情者透露:「卓文真係遺傳咗父母優良DNA,生得高大仲青靚白淨,成個韓仔咁款,同爸爸以前個大俠Look好唔同,但反而好啱呢個年代發展,呢啲外形好煞食。」

姜大衛
白淨大隻之外,仲有韓仔最煞食嘅單眼皮。

數年前年大學畢業的姜卓文,曾經秘密去試鏡,John哥接受訪問時曾透露:

「個仔想做明星,我哋唔會阻止,佢之前去咗試鏡,未知結果,要我帶佢入行好易,但我想佢靠自己。」

姜大衛
都話身教最重要,能夠教到個個仔女都咁孝順,姜大衛本身亦是廿四孝女婿,日前John哥就陪老婆約岳母到又一城吃越南菜。
姜大衛
出名錫老婆的姜大衛,日前專登陪老婆同岳母及老婆家人飯敍,吃飯期間更好好傾。

據知情者透露:「雖然個仔讀設計,但John哥冇話限住個仔一定要喺設計方面發展,佢知道個仔鍾意演戲,都好支持佢,畀好多鼓勵佢之外,話晒John哥喺圈中人脈廣,70年佢已經喺亞太展攞『最佳男主角』,話就話唔鋪路幫個仔入行,John哥阿哥秦沛、細佬爾冬陞都係同行,到時如果個仔開聲,John哥點會唔出手?佢又提醒個仔,如果決定入行,就畀心機努力做,唔好抱住玩玩吓心態。」

姜大衛
在商場上落扶手電梯,李琳琳全程緊張扶實媽媽手臂。