乘勝狙擊

《乘勝狙擊》老千魔術 靠幕後功臣美女魔術師

最新娛聞

廣告

無綫賀歲劇《 乘勝狙擊 》由陳展鵬、陳山聰和林夏薇等主演,講述一班喺江湖打滾多年嘅同門老千,見證師傅同賭王世紀之戰後嘅故事。劇中每個角色都各施其技,例如陳展鵬每次落賭場嘅例牌動作轉戒指,及飾演魔術師嘅陳山聰不斷用魔術去岀千,甚至用魔術去追傅嘉莉。原來全劇背後大大小小的魔術都係靠幕後功臣,人稱為「魔法小Q」嘅美女魔術師Queenie Poon(潘凱盈)!

Queenie 喺理工大學讀書時已經係魔術學會的榮譽顧問,佢認為男魔術師係力量型,而女魔術師係好有創意。佢更希望魔術可以跳岀舞台嘅框框,融入唔同嘅範疇中,例如電影同電視劇,而現播嘅《乘勝狙擊》正正係一個好例子。

劇中陳展鵬,傅嘉莉和陳山聰跟Queenie 學魔術,佢一手包辦劇中嘅魔術設計和指導工作。而陳山聰學嘅魔術種類比較多,例如有牌技,火以及舞台表演等等,雖然魔術係跟佢學嘅,但最後都要靠演員自己嘅苦練。

Queenie 更大讚陳展鵬嘅功架,啲動作好似一個已經玩咗兩,三年嘅魔術師咁。展鵬劇中常將戒指在手中轉來轉去,或者將大銀一變四,都係佢自己苦練嘅成果。

除咗今次擔任劇中嘅指導,Queenie 其實好早已接觸幕前,例如做過評判級魔術師,亦都喺兒童節目度做過魔術主持,例如Queenie 喺放學ICU入面主持LIKE Magic 環節,主要教大家一啲簡單有趣嘅小魔術。而喺佢IG度見到佢都會接唔同嘅魔術表演。

Queenie會不時喺IG上載自己玩魔術嘅片段,例如玩銀仔,戒指,啤牌等等。喺佢IG度見到佢有唔同年齡層嘅「粉絲」,有小朋友又有大人。

見到佢玩啤牌玩到岀神入化,唔知大家有冇啲都想學呢?

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!