吳啟華

《純熟意外》同韓劇《十級重案》撞橋喎!

最新娛聞

廣告

外購劇《瑯琊榜》收視滲淡,不過8:30時段套《純熟意外》,由吳啟華蔡思貝擔大旗,竟然意外地獲好評!難得有套高質劇,點知最近一個單元竟然疑似「參考」韓劇《十級重案》!兩個故事同樣講一對孖生姊妹花(由麥皓兒一人分飾兩角),小時候被孤兒院收養,因為某啲原因調換身份;兩姊妹後來分別被唔同家庭收養,長大後生活截然不同。TVB版中,家姐性格純品,生活無憂,細妹則墮落淪為妓女,後來其中一個離奇被殺,警方懷疑細妹殺死家姐,希望取代對方過新生活……

而在《十級重案》中,又係講孖生姊妹細個曾經調轉身份,長大後一個沉淪,另一個則順風順水,重遇後其中一個更被殺!另一個巧合位,係「咁蹺」其中一個生Cancer,得返幾個月命……而TVB原來播過呢套韓劇,唔知《純熟意外》位編劇有冇純屬意外地睇過呢集呢?

兩套劇個設定真係好相似喎!

套劇講查案,但吳啟華飾演的網上古董拍賣公司老闆喬文傑,身份就極之神秘。上兩集突然穿越返古代變古裝人,又非常騎呢地有個管家,膠味濃到連網友都頂唔住,要去維基惡搞,話佢真正身份其實係Batman同不死人!咁不如續集搵埋鄭嘉穎整隊「不死人聯盟」啦!

第六集講到喬文傑遇上車禍,俾車撞到飛起,全身沾滿血跡,但佢死唔去之餘仲可以自己行返屋企養傷!

觀眾不停猜測,所以吳啟華本人就決定嚟一個大劇透!佢日前接受訪問時就話其實喬文傑呢個角色係一個由元朝活到現代,已經700多歲的不死人!啟華話原來古時公主李施樺俾咗長生不老藥佢食,所以一直活到現代,不過佢就只係有自癒能力,唔似得刑活著咁好打或者都敏俊咁樣有超能力。

全文完

延伸閱讀:

嫩模黃芷嫣偷食斷正 男友IG爆大鑊

周秀娜大奶奶失蹤

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!