一舞傾城

一舞傾城|鄺潔楹自爆虐待戲真做 陳星妤認演技生硬:自己睇番都笑咗

最新娛聞

廣告

無綫重頭劇《一舞傾城》播出後,因為多場戲挑戰電視尺度而成為熱話,當中包括「細細粒」鄺潔楹被SM及「KK」陳星妤差點被後父強暴,兩位當事人對於受到關注都感到開心,不過拍攝時真係有苦自己知!

一舞傾城 鄺潔楹與陳星妤一齊接受訪問,大講拍攝尺度大膽場面的經過。
鄺潔楹與陳星妤一齊接受訪問,大講拍攝尺度大膽場面的經過。(圖片來源:YouTube@無綫娛樂新聞台)

一舞傾城|鄺潔楹首次拍SM戲

做開乖乖女的鄺潔楹,於《一舞傾城》中首次挑戰尺度拍SM戲,這場戲將於下星三(24日)播出,從預告片可看到鄺潔楹被人用刑具鎖住雙手手不斷掙扎大叫,面露痛苦表情,事後更滿身傷痕。鄺潔楹接受訪問時表示因為拍攝時所有事情都好真實,所以根本不需要排練,一、兩Take已經拍完。

一舞傾城 鄺潔楹表示唔知導演剪接成點,如果出街播唔晒而收視又超過25點,她承諾會自放足本版上社交網。
鄺潔楹表示唔知導演剪接成點,如果出街播唔晒而收視又超過25點,她承諾會自放足本版上社交網。(圖片來源:YouTube@無綫娛樂新聞台)
一舞傾城 鄺潔楹表示拍攝時所有驚惶情緒都係發自內心。
鄺潔楹表示拍攝時所有驚惶情緒都係發自內心。(圖片來源:YouTube@無綫娛樂新聞台)

親身感受所有刑具

鄺潔楹坦言拍攝這場SM戲非常唔好受:「其實本身都好緊張嘅,特別係睇到劇本嘅時候啦,幻想係比較恐怖,我有睇啲電影去做吓功課,其實原來唔需要做功課我都應該拍到嗰場戲,因為我係親身去感受所有SM嘅刑具,我只要投入番細細粒個角色,我就完全做到嗰啲不安,好想整開個手銬呀!」

一舞傾城 陳法蓉 鄺潔楹平時做開乖乖女角色,今次穿上小背心被人SM!
鄺潔楹穿上SM背心上陣拍這場戲。(圖片來源:無綫圖片)
鄺潔楹 一舞傾城 陳法蓉 認真大挑戰!
鄺潔楹不斷掙扎大叫,眼淚都好真!(圖片來源:無綫圖片)
鄺潔楹 一舞傾城 陳法蓉 滿身傷痕睇見都痛!
鄺潔楹被SM後滿身傷痕,真係犧牲好大!(圖片來源:無綫圖片)

更多:一舞傾城︱鄺潔楹大解放拍被虐戲 為求逼真做1件事 現實生活富貴拒靠父幹

陳星妤第二集被後父硬上弓

至於21年港姐陳星妤飾演的KK,在第二集就已經有好激的戲份,後父王俊棠色心起欲侵犯她,好彩最後保得住清白,首次拍劇已經咁高難度,陳星妤的表現被指好生硬,成日口窒窒好唔自然,她接受訪問時坦言有自知之明。

陳星妤 一舞傾城 王俊棠相當猥瑣!
王俊棠相當猥瑣!(圖片來源:TVB
陳星妤 一舞傾城 陳星妤 後父王俊棠飾羅繼昌)色心起,欲侵犯陳星妤
後父王俊棠(飾羅繼昌)色心起,欲侵犯陳星妤(圖片來源:《一舞傾城》預告截圖)

自知演技未夠班 望觀眾體諒

陳星妤表示拍這些敏感動作場面有導演指導,惟有邊拍邊睇Playback,改善自己的不足,她說:「我好新,始終第一次拍劇,不過後期同前期都有差別,我睇番自己都笑咗!點解我會咁講嘢?唔緊要!下次我會再做好啲,希望觀眾放我一條生路。」她指拍《一舞傾城》試盡強姦、上床、被阿媽掌摑的戲,更劇透仲有兩巴未播出,「對我嚟講所有嘢都好新鮮,第一次拍劇已經咁大尺度,不過真係唔使成日試,偶爾一套劇有就得喇!下次可以斯文番,做番乖乖女我都ok㗎!」

一舞傾城 陳星妤笑言自己都頂唔順自己的生硬演技。
陳星妤笑言自己都頂唔順自己的生硬演技。(圖片來源:YouTube@無綫娛樂新聞台)
一舞傾城 陳星妤第一次拍劇已經歷甚多,她希望下次可以演乖乖女角色。
陳星妤第一次拍劇已經歷甚多,她希望下次可以演乖乖女角色。(圖片來源:[email protected]

陳星妤幕前第一巴掌 對白生硬好尷尬

去到第5集,飾演「KK媽」的袁潔儀再受莊思敏挑撥,得悉出賣初夜的豐厚回報,「只要一晚富豪就願意給800萬還有半山豪宅」,於是回家再度勸女兒勿戀上公子關楚耀,兩母女的衝突場面以一巴掌終結,苦情戲對白生硬,場面甚為尷尬。

袁潔儀 一舞傾城 兩母女的苦情戲。對白生硬甚尷尬。
袁潔儀與陳星妤兩女的苦情戲,對白生硬甚尷尬。(圖片來源:TVB圖片)
一舞傾城 陳星妤的幕前第一巴掌。
陳星妤的幕前第一巴掌。(圖片來源:TVB圖片)

一舞傾城 陳星妤在《一舞傾城》戲份都唔少,可見受無綫力捧。
陳星妤在《一舞傾城》戲份都唔少,可見受無綫力捧。(圖片來源:YouTube@無綫娛樂新聞台)

TVB《一舞傾城》陳法蓉將率領幾多位索女在舞廳工作?

《一舞傾城》以八十年代尖東舞廳做背景,預告片中陳法蓉將率領一班無綫女藝人集體下海⋯⋯按此看角色介紹

TVB《一舞傾城》劇情背景與那一套劇相似?

有觀眾表示,劇集出發點如果係仿效《華燈初上》,難免貨比貨,而新劇《一舞傾城》的風格與無綫1990年代的一部經典劇集極為相似,有觀眾提出不如改劇名⋯⋯按此看劇情介紹

撰文:東方新地圖片來源:YouTube@無綫娛樂新聞台、無綫圖片