中年好聲音｜71歲吳大強解釋暈倒真相 出院後即歌癮大發

吳大強接受節目《東張西望》的電話訪問 「係有小小痛都OK」

吳大強在昨天（8日）接受節目《東張西望》的電話訪問，並公開與愛犬散步的短片，片中見他又抱又攬愛犬，人氣爆燈的他更遇到粉絲，有粉絲問他身體怎樣，吳大強表示一切安好。另外電話訪問中，吳大強坦言：「身體OK，依家喺屋企睇電視，做咗詳細檢查，everything is OK！醫生睇過，唔使縫針，冇大礙，只係擦到、係皮外傷，係有小小痛都OK。好多人為我打氣為我祝福，我非常感謝！」而這次暈倒，傳是因感冒未清，加上工作太忙碌，他笑言：「大致上好番晒，啲感冒都好幾個禮拜，暈低之前身體都好好，咩問題都冇。都係因為現場焗，其他同事都有呢個感覺。好似工作好忙，實在我都好Relax，今日下午本來有個排練，雖然我覺得身體可以，但都係唔好嘞，休息埋今日先。」

最後吳大強在電話，中氣十足的清唱幾句電影《人鬼情未了》的主題曲《Unchained Melody》，跟大家說身體一切安好！

吳大強約半分鐘後恢復意識

當日活動結束後，據知吳大強在台邊接受訪問時，突然倒下並後腦着地，其半邊面亦因而插落台底，在場人士見狀隨即上前幫忙，在旁的曹敏寶亦被嚇得不知所措。據了解之後工作人員立即拎咗一幅布遮住吳大強，約半分鐘後，吳大強甦醒，恢復意識後示意沒事，工作人員亦隨即把他扶到後台休息，並立即召喚救護車將他送院。

出事前影片曝光 吳大強提大家要注意身體健康

在出事前，吳大強在台上與司儀互動的時候，表示：「最緊要注意身體，最緊要身體好你就會唱好歌。」另外司儀問到會否與兒子父子檔，他說：「我希望，如果有呢個機會我會豁出去嘅。」

吳大強出事一刻影片

出事前影片曝光

TVB外事部交代吳大強狀況 指送院後證實身體無礙

TVB外事部在5時50分向傳媒交代吳大強身體狀況，寫道：「吳大強今(7日)午出席《中年好聲音夢想成真演唱會》宣傳活動時暈倒，公司已即時召喚救護車送其往將軍澳醫院作詳細檢查，現已證實身體無礙。演唱會主辦單位TMG正調整其工作量及安排，在此期間騰出更多時間讓其好好休息。」

曾志偉曾希望吳大強與吳偉豪父子檔拍廣告

吳大強參加《中年好聲音》成為熱門，曾志偉早前受訪曾表示已有不少客戶想接洽吳大強邀請拍廣告，近日仲有傳Bill哥哥收到拍劇邀請，其兒子吳偉豪 就話聽過消息，佢仲話父子檔上陣完全冇問題，仲話如果演出父子以外嘅關係就會更加有趣，但「爭女」角色就似乎機會不大喇。

車婉婉曾為Bil哥哥身體狀況表擔心

其實早在總決賽後的訪問中，車婉婉已透露節目對吳大強體力是一項挑戰，車婉婉在分享感想時提到，直播綵排期間見Bill 哥哥身處寒冷的錄影廠長時間排練，已為其感到擔心，單是一場直播騷已如此，可想而知下周三場演唱會對71歲的老人家構成多大壓力。