何遠東

何遠東瘦過方力申? 網民:肥開嘅人變瘦咗好怪 冇節食只做一件事!

最新娛聞

廣告

靠肥得可愛形象入屋的何遠東,近年一直在努力減肥,一度減去80磅。久未露面的何遠東早前出席TVB新劇《異空感應》的造型記者會,一登場的何遠東好明顯再瘦了一個碼,令在場人士都嚇親!

何遠東再瘦一個碼出席活動

今年38歲的何遠東近年一直努力減肥,近日出席活動的他好明顯又再瘦了一個碼。何遠東再接受訪問時表示自己並沒有變瘦,反而體重比以前更重。他表示現時體重大概210磅,自己一直沒有可以節食,只是最近愛上緩步跑,所以身形才有慢慢改善。

何遠東 何遠東再瘦一個碼出席活動,嚇窒全場!
何遠東再瘦一個碼出席活動,嚇窒全場!(圖片來源:TVB Weekly)
何遠東 何遠東解釋最近身形有改善,最主要原因是因為自己愛上緩步跑。
何遠東解釋最近身形有改善,最主要原因是因為自己愛上緩步跑。(圖片來源:IG@fattung924)
何遠東 有不少網民更指何遠東仲瘦過方力申。
有不少網民更指何遠東仲瘦過方力申。(圖片來源:IG@fattung924)

網民反應麻麻:肥開嘅人變瘦咗好怪?!

雖然何遠東看上去又瘦咗,但不少網民都留言表示瘦下來的何遠東反而失去了當初的可愛形象。早前便有網民留言道:「本身肥開嘅人,變瘦咗就會好怪!」更紛紛舉出陳奐仁、谷德昭、姜濤同蕭徽勇等做例子!當然亦有好多粉絲力撐姜濤瘦咗係變靚仔,而唔係「好怪」!

何遠東 有唔少網友都贊同本身肥開嘅人瘦咗會好怪!
有唔少網友都贊同本身肥開嘅人瘦咗會好怪!(圖片來源:Facebook留言截圖)
何遠東 仲話瘦到認唔到係何遠東!
仲話瘦到認唔到係何遠東!(圖片來源:Facebook留言截圖)

藝人減磅血淚史 何遠東勁減80磅

由細圓到大、更因為外形可愛有喜感拍劇入屋,高峰時期體重超過280磅,何遠東2017年的起心肝為健康減去50磅已經令人刮目相看。點知一場疫情,人人留家食同瞓長肉抗疫,唯獨東東因為太得閒反而走去鑽研減肥,早餐飲韓國ABC果汁、少食澱粉質、每日堅持個半小時運動,再瘦多30磅,勁!

何遠東 何遠東透露減肥其一關鍵是每日運動個半鐘,其中一種運動是玩空中瑜伽。瘦版何遠東被陳煒笑指似壓縮版陸浩明,大家又覺得似唔似呢?
何遠東透露減肥其一關鍵是每日運動個半鐘,其中一種運動是玩空中瑜伽。瘦版何遠東被陳煒笑指似壓縮版陸浩明,大家又覺得似唔似呢?(圖片來源:IG@fattung924)
何遠東 昔日嘅何遠東曾經有超過280磅體重,但跳舞仍然好勁,2009年仲曾經喺歌神許冠傑演唱會中擔任Dancer。
昔日嘅何遠東曾經有超過280磅體重,但跳舞仍然好勁,2009年仲曾經喺歌神許冠傑演唱會中擔任Dancer。(圖片來源:新傳媒圖片庫)

陳奐仁 突變肌肉大隻仔

陳奐仁(Hanjin)減肥成功後不時於社交網出post騷肌,仲拍埋廣告㖭!不過比起以前肥嘟嘟嘅佢,陳奐仁簡直好似換咗個人咁,班網民似乎就唔係好受落,仲笑佢似車厘龜!原來Hanjin下定決心減肥的契機是因為他在節目《The Voice決戰好聲》中把導師椅子坐「凹」了,覺得自己太重了,所以暗下決心。

何遠東 陳奐仁拍騷肌廣告,被班巴打恥笑佢瘦到啲紋出哂黎。
陳奐仁拍騷肌廣告,被班巴打恥笑佢瘦到啲紋出哂黎。(圖片來源:康業信貸快遞廣告截圖)
何遠東 仲笑佢頭大身矮,加上一身肌肉,好似《寵物小精靈》入面嘅車厘龜!
仲笑佢頭大身矮,加上一身肌肉,好似《寵物小精靈》入面嘅車厘龜!(圖片來源:康業信貸快遞廣告截圖)
何遠東 以前肥仔樣!
以前肥仔樣!(圖片來源:IG@hanjintan)

谷德昭暴瘦50磅

早前擔任 ViuTV節目《全民造星3 》評判之一的谷德昭,身形暴瘦由「肥谷」變「瘦谷」令全民驚訝,據知谷德昭高峰期重達200磅,近年暴瘦50磅,電視前的觀眾見到佢激瘦新造型,都一度擔心他健康出問題,但「肥」谷解釋是跟營養師指示減重所致,不是外傳的患甲狀腺病,大家才放心!

何遠東 久未露面的谷德昭,早前擔任 ViuTV皇牌節目《全民造星3》評判,激瘦由「肥谷」變「瘦谷」的他,一度嚇親網民高呼認佢唔到!
久未露面的谷德昭,早前擔任 ViuTV皇牌節目《全民造星3》評判,激瘦由「肥谷」變「瘦谷」的他,一度嚇親網民高呼認佢唔到!(圖片來源:《全民造星3》截圖)
何遠東 肥谷變瘦谷,觀眾認得嗎?
肥谷變瘦谷,觀眾認得嗎?(圖片來源:《少林足球》截圖)
何遠東 其實谷德昭早在2015年開始已經好努力減磅,至今仍然Keep到瘦削身型,前年谷德昭去撐林海峰的《是但噏 happy Monday》時,已經成個瘦晒,因此曾被指甲狀腺出問題。
其實谷德昭早在2015年開始已經好努力減磅,至今仍然Keep到瘦削身型,前年谷德昭去撐林海峰的《是但噏 happy Monday》時,已經成個瘦晒,因此曾被指甲狀腺出問題。(圖片來源:新傳媒資料庫)

姜濤餐餐炸雞薯條試過200磅

姜濤出道前都係好圓潤,仲一度達到200磅個人巔峰。曾經餐餐炸雞薯條、臨瞓啪多兩個漢堡包,中學後姜濤唔想再過被取笑連向心儀女生表白都冇勇氣嘅日子,睇住對方同靚仔拍拖,姜濤因此下定決心跑步減肥,呢個習慣到今時今日做咗萬人迷仲堅持緊。

何遠東 依家姜濤瘦到面尖尖,最多畀人話係「死靚仔」,唔再係「死肥仔」啦!
依家姜濤瘦到面尖尖,最多畀人話係「死靚仔」!(圖片來源:新傳媒資料庫)
何遠東 由細到大被人取笑「死肥仔」,又媾唔到女,令姜濤下定決心作出重大改變。
由細到大被人取笑太圓潤,又媾唔到女,令姜濤下定決心作出重大改變。(圖片來源:新傳媒資料庫)

蕭徽勇60日成功減去100磅

睇《放學ICU》大嘅小朋友個個見慣圓碌碌嘅哥頓哥哥,蕭徽勇曾經真係愈食愈圓潤,體重一度超過300磅,直至2017年中因為胃痛入院,發現血壓高到有機會中風,終於開始正視問題為身體健康而減磅。結果通過蔬果汁斷食餐單再加埋勤做gym,六十日成功減去100磅。

何遠東 左邊二百幾磅,右邊一百幾磅,蕭徽勇憑毅力成功搣甩成百磅。
左邊二百幾磅,右邊一百幾磅,蕭徽勇憑毅力成功搣甩成百磅。(圖片來源:新傳媒圖片庫)

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!

撰文:東方新地圖片來源:IG@hanjintan、TVB Weekly、Facebook留言截圖、IG@fattung924、《少林足球》截圖、新傳媒圖片庫、《全民造星3》截圖、康業信貸快遞廣告截圖