余思霆

余思霆嗒歪星朱敏瀚管接送 偷食變正印兼同居!

最新娛聞

廣告

日前17年國際中華小姐冠軍余思霆與歪星朱敏瀚(Brian)被爆蜜遊東京,終於肯公開認愛,其實兩人已升級至同居關係,坐正的余思霆上年年底已搬入男友沙田寓所,朱敏瀚連車都畀女友任用,親密關係始終包唔住!

撰文:東方新地|圖片:東方新地

余思霆偷食

現年25歲2017年國際中華小姐冠軍余思霆,上年已被踢爆跟無綫藝人朱敏瀚因拍劇集《好日子》撻著,當時余思霆與拍拖三年組合天堂鳥成員男友 Tyrese 分手,更連林欣彤亦牽連入內;不過,上年年底 Tyrese 受訪時就忍唔住承認,朱敏瀚才是他跟余思霆分手導火線,不過就指既然兩人已分開半年,不 願再提往事。

嗒歪星朱敏瀚

據知情人士透露:「思霆當選華姐冠軍之後,其實同 Tyrese 已經成日因為啲小事嗌交,不過每次Tyrese都會氹番思霆,但前年思霆拍《好日子》同Brian出雙入對,已經有人講番畀Tyrese知,佢兩個亦因為咁嗌咗場大交,之後一路冷戰,最終都係挽救唔到要分手。」

紙終究包唔住火,之前還死口唔認拍拖,日前余思霆就被踢爆同朱敏瀚蜜遊東京,連朱媽媽亦有同行,準婆媳關係明顯非常好,更被拍到返港後一齊返 回男方的沙田寓所搬行李上樓。證據確鑿冇得唔認,日前二人終於夾晒口供公開戀情,余思霆更大讚男友:「Brian係一個好好嘅男仔,好感恩佢嘅出現,希望大家以後一齊努力,一同成長!」

做跟得女友管接送

日前,余思霆在將軍澳電視城收工,行出電視城攞車,座駕正是男友朱敏 瀚早年購入的小房車,明顯心情大靚的她,更跟在電視城外等候的幾個 fans吹水一輪,才駕車去觀塘接男友,做埋司機接送男友去旺角,更唔怕悶在車上等對方收工,實行做跟得女友免男友有機作反!

成功踢走朱敏瀚拍拖多年女友坐正的余思霆,有指上年底已搬入男友位於沙田住所同居,不過,由於兩人事業剛起步,秘密同居根本唔想人知。據知情 者透露:「無綫好緊張旗下藝人嘅形象,上年思霆爆出同Tyrese 分手,幾角關係搞出好多新聞,無綫方面都有同思霆了解件事,所以佢哋拍拖都唔敢太高調,唔想因為拍拖影響到工作,大家有共識事業行先。」

余思霆變臉疑雲

當選華姐即爆出變臉疑雲,睇番選美前舊照, 余思霆鼻樑扁兼眼細, 同依家確實分別很大。

余思霆有份參與《兄弟大茶飯》 節目,做兩位主持蕭正楠及曹永廉的助手,開始被網民認識。

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!