傳樊少皇欠債 JJ護夫:佢先係受害者

傳樊少皇欠債 JJ護夫:佢先係受害者

最新娛聞

廣告

現年33歲賈曉晨(JJ)與43歲樊少皇衝破重重障礙,包括有指JJ搵錢較多女尊男卑,樊少皇亦被爆跟前度原來育有一子一女,但JJ愛情大過天全不介意,最終於今年元旦拉埋天窗!以為雨過天青,點知近日有報道指樊少皇欠債二百萬,護夫心切的JJ表示老公先係受害者!

其他文章:

落選港姐Maggie高踞Yahoo人氣搜尋榜

好事近 岑杏賢 袁偉豪甜蜜遊加國

潛水避債

近年轉戰內地的樊少皇,除接拍劇集,更不時參與電影,密密賺經濟應不成問題!不過,近日有傳樊少皇去年尾向朋友借下二百萬應急,更要簽文件及於身份證文件上打下指模,以確認借貸之事!今年三月,有收數公司受委託,向樊少皇追討餘下欠款,有指樊少皇卻一直潛水唔接電話,令收數佬要四出尋人,最終直接去JJ將軍澳寓所拍門追數!

 

婚後先知欠債

有指JJ跟樊少皇於今年元旦結婚後,新婚不久先知老公欠下巨債,JJ得悉後晴天霹靂爆喊!據知樊少皇曾跟JJ解釋根本冇借人錢,只係為義氣幫朋友,點知後來對方反轉豬肚,結果樊少皇就咁搞到一身蟻!

JJ撐老公:佢先係受害者

對於老公樊少皇因欠債要簽文件,又要於身份證文件上打下指模一事,JJ表示:「據我所知,有人呃咗佢三百萬係真嘅,但我哋之前一路冇時間處理呢件事,但如果係咁,我哋會選擇報警。(要還錢?)冇人爭錢,仲要有人呃咗佢錢呀!(香港定內地發生)呢個唔講喇,我搵咗律師。(你一直知情?)我知有人呃咗佢,但你講嗰件事我唔知!」

山大砍埋有柴

雖然老公樊少皇被指欠下巨債,但JJ近年於內地發展不俗,劇接劇加上其他商場活動,一年賺千萬人仔,認真和味!因此,就算樊少皇不幸陷財政危機,JJ都應可為老公解燃眉之急!

全文完

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!