全家遊Ocean Park 梁浸浸同熊貓鬥萌
廣告
Yumiko愛女梁浸浸cute到爆，歲半都未夠已經俘虜咗好多粉絲，人氣拍得住媽咪！日前Yumiko同老公梁學儲，帶埋梁浸浸一家去海洋公園玩，當日氣溫高達37度，但啱啱學行嘅梁浸浸人如其名唔怕熱，周圍走玩足全場，仲對海洋館、熊貓館好有興趣，望住啲魚游來游去，睇到眼都唔眨！
難得有時間帶阿女去玩，Yumiko叫埋自己父母一齊，有得行下又可以見下孫女，幾熱都抵啦！梁浸浸戴住個熊貓頭箍，手腳又肥嘟嘟，得意到爆！
得意妹自然多人錫，平時冇得出街，都有大把哥哥姐姐探佢。早前契媽阿嬌上門同契女玩，仲拍埋片留念，片中梁浸浸不時望鏡甜笑，阿嬌問佢鍾唔鍾意契媽，梁浸浸不斷點頭，氹得一向cool爆嘅阿嬌大笑，立即錫契女一啖！
全文完
