出土亞姐 你認得幾多個?

出土亞姐 你認得幾多個?

最新娛聞

廣告

講到亞姐,大家又記得邊幾位呢?黎燕珊、葉玉卿、利智之外,其實仍有多位上世紀出土亞姐活躍圈中,以下八位大部分已經今非昔比、面目全非,變樣程度令人譁然!

 

1.汪詩詩1999年參選

真係唔講唔知,原來汪詩詩曾參選1999年亞姐,可惜最終落選!當年18歲嘅佢以汪思絲名字示人,其實樣子到依家冇乜點變,都係有個豬膽鼻及雙厚唇!

2003年同甄子丹於多倫多結婚後,育有一女一子嘅詩詩,身形反而愈來愈正,完全冇晒baby fat,玲瓏曲線弗過唔少後生女!

 

2.陳煒 1996年冠軍

當年亞視《夏日陽光美少女競選》找來四位花旦(左起)舒燕、李妮、陳煒及珈穎以泳衣造勢。

當年23歲嘅煒哥大熱當選,舉起勝利V手勢樣子同已離逝嘅梅艷芳有九成似!因此,曾於劇集《美麗傳說2星願》及內地劇《梅艷芳菲》中飾演梅艷芳原型,成功演活梅艷芳一舉一動及英姿,獲得唔少觀眾一致好評,人氣高升,奠定亞視一姐地位!

最難得係煒哥係大方之人,經常穿比堅尼示人,而且現已42歲嘅佢身形同樣子愈來愈正!近年由亞姐過檔TVB後,演技更上一層樓,去年於劇集《梟雄》演黑幫大家姐姚桂生,其大家姐風範再次贏得網民好評,絕對係睇得又演得嘅出土亞姐!

 

3.姚嘉妮 1998年季軍

當年單眼皮嘅姚嘉妮入行後,星途平平,為上位曾拍性感晒奶相!除了性感之外,當年姚嘉妮更唔介意拍含雪條意淫相,可以話係含雪條女星始祖!

之後,姚嘉妮於2006年跟林祖輝結婚,並育有一子一女,而轉去TVB發展後,事業依然未有突破!近年,突然變成雙眼皮嘅姚嘉妮擔任《都市閒情》主持,經常穿短裙仔配黑絲襪出鏡,即引來好多男性網民垂青,大讚係索人妻,網民口味真係估你唔到!

 

4.伍詠薇 1989年最上鏡小姐

當年廿歲伍詠薇參亞姐,被視為該屆大熱,結果於準決賽奪「最上鏡小姐」,並於決賽打入前五名,但最後落選。其後加入亞視拍劇,直到1994年約滿後離開轉投TVB。查實伍姑娘後生時真係卜卜脆,皮膚白雪雪仲有少少肉地,真係嗒得杯落!

日前47歲生日嘅伍姑娘,雖然已係人妻,但反而愈來愈有女人味,而最勁係皮光肉滑程度比後生時有過之無不及,身材更加激凸,令人睇到O嘴!

 

5.萬綺雯 1989年亞軍

蚊蚊當年以半個馬鼻輸俾冠軍翁虹,屈居亞軍!之後加入亞視成為藝員,代表作肯定係劇集《我和殭屍有個約會》中演馬小玲,除將角色演得活靈活現,招牌長腿更係深入民心!

而蚊蚊雖然已45歲,但外形卻比出道時睇落更年輕,除了長腿一樣咁誘人外,一臉稚氣樣子更冧盡唔少網民!

 

6.羅霖 1991年冠軍

26歲當選冠軍後,即辭去空姐一職入行!代表作劇集反而轉投TVB後,於《真情》演雙雙而紅極一時。到1996年嫁予富商劉坤銘後育有3子,2012年正式宣布與丈夫劉坤銘離婚。

50歲美魔女羅霖於咁多出土亞姐中,可以話變形變得最驚人嘅一位!睇佢出道時方包面,到依家V字面,變臉之謎甚囂塵上,刀削下巴愈變愈尖,佢否認整容,僅表示因出任代言人而打過蛋白溶脂針,又稱沒打過下巴。除臉容變得輪廓分明,身材亦越發玲瓏浮凸,原屬紙板身形嘅佢,忽然波濤胸湧更係耐人尋味!

 

7.楊恭如 1995年冠軍

1995年贏得冠軍及「最上鏡小姐」等4項大獎,更被喻為最索亞姐,翌年參與陳可辛大製作《甜蜜蜜》,同影后張曼玉及黎明做對手戲。

之後,楊恭如主力返國內發展,現42歲嘅佢瓜子臉愈來愈明顯,鼻子變得更高,拍得住楊怡招牌木偶鼻!

 

8.吳綺莉 1990年冠軍

(左起)同屆亞軍施綺蓮、吳綺莉、季軍楊玉梅

吳綺莉當選後跟當年港姐冠軍袁詠儀一齊接受雜誌訪問,論身材前者更有睇頭!

吳綺莉18歲當選亞姐冠軍時,兩邊腮骨又闊又大,不過甜美笑容搭夠,當年都算嬌俏可人!

不過,踏入中女年紀嘅佢,雙眼反而比以前變得更明亮,腮骨亦變得細小很多,最奇怪係上圍亦升了幾cup一樣,愈老愈索!

 

如欲率先接收資訊,請讚好我們的FB專頁並於「已讚好」選單設定「搶先看」,多謝支持。

網址:www.facebook.com/orientalsundayhk

將來還有什麼演唱會值得留意?

有不少歌手宣布舉辦演唱會,小編為你整合了2023香港演唱會+搶飛攻略一覽,包含各演唱會優先購票日期、公開售票日期、門票價錢、座位表等,想搶飛粉絲必定要留意!

香港有甚麼週末好去處推介?

週末可以參觀博物館,例如太空館科學館香港藝術館M+香港文化博物館等,更為你整合行山路線野餐地點,絕對是假日消遣的必然之選!