過江龍動漫女郎 卡卡兒 PinQ嗲功溶化港男
廣告
一年一度的動漫電玩節今日就完結，呢個節目係一眾動漫愛好者、動漫女郎、cosplay達人嘅集中地，不時有過江龍嚟撐場。今年除了本地出晒名嘅Rose Ma，仲有開直播就有30萬fans嘅台妹 卡卡兒 同憑果茱（PinQ）。唔講唔知，原來深受歡迎嘅卡卡兒 其實離咗婚仲有個兩歲嘅囝囝， 為咗養起頭家，大家先會繼續見到佢做showgirl！
Text – Arika Photo – 卡卡兒FB＆IG、PinQ FB
動漫女郎 卡卡兒 有個兩歲仔
卡卡兒擔任今年Playstation嘅動漫女郎，身穿藍白色連身短裙，心口開窿盡show事業線，一出場獲得一陣港男歡呼聲，個個舉機影。 青春甜美的 卡卡兒 身形纖瘦，一啲都唔似生過仔，但其實佢已經有個兩歲大嘅囝囝，不過由於已離婚，又要經常出差工作搵錢養家，卡卡兒 嘅媽咪代為照顧囝囝。而為咗保護兒子，佢平時都唔會放母子合照上社交平台。
延伸閱讀：
芒實陳展鵬 單文柔向胡定欣示威
幾年內閃電轉女 王宗堯專食廿歲女
花一年儲人氣
本身係台灣人氣模特兒嘅 卡卡兒 ，平時除咗拍硬照，都有喺當地嘅直播app同fans互動，試過最高吸引30萬人睇！而卡卡兒一個月賺超過十萬蚊台幣，收入相當可觀。 卡卡兒 話來港做showgirl雖然相比起在台灣做model嘅酬勞唔算高，但因為佢好鐘意香港，早喺上年已經想參加動漫展，只係當時佢無乜人氣，無參展商賞識。為咗可以喺今年來港做動漫女郎 ，佢足足花咗一年時間去儲人氣，最後終於畀Sony賞識，真係用心良苦呀！
身高166cm嘅 卡卡兒 雖然已為人母，但做 動漫女郎 、模特兒嘅性感尺度依然好大、好放，不論硬照，還是FB、IG上的自拍照，都大露33D好身材同美腿，亦喜歡玩透視、蕾絲內衣誘惑。加埋一雙水汪汪大眼晴，宅男們心都溶了。
憑果茱（PinQ）
除咗 卡卡兒 好鐘意嗲Fans，好識叫fans到場支持佢，同場仲有另一位聲音超嗲嘅台灣美眉憑果茱（PinQ）。一樣超有氣嘅佢，FB已經有40幾萬Fans。相比熱情嘅台灣宅男，PinQ話今次動漫節之後，發現香港男仔好貼心，想拍照會先問得唔得，仲會送朱古力。港男們，加油囉！
全文完
